Blloku Ekonomi

Pas akuzave se në treg ka midhje të infektuara, Zv/ministri i Bujqësisë, Roland Kristo, shpjegon TemA TV debatin mbi rezultatet e analizave për midhjet në liqenin e Butrintit. Sipas tij,  procesi i prodhimit dhe tregtimit të midhjeve në zonë kalon në një proces të rregullt deporimi dhe midhja është e sigurt në rast se në shitje shoqërohet me certifikatë. Sa e besueshme është një gjë e tillë kjo ka shumë dyshime pasi në Shqipëri deporimi thuajse nuk kryhet fare. 

TvT

Edhe pse fondet që jep Bashkimi Europian në fushën e bujqëisë janë në vlera të konsiderueshme, ato rrezikojnë të mos përpthithen nga të gjithë. Shkak për këtë është fakti që granti i dorëzohet fermerit pas përfundimit të investimit.

Nga ana e saj Minsitria e Bujqësisë kërkon marrëveshje me bankat që ato që ato të marrin si kolateral marrëveshjen e femerit me Agjencinë e Zhvillimit Rural Buqjësor. Kjo e fundit del përfitues i IPARD dhe në këto kushte investimi do të bëhej me paratë që merren nga kredia dhe ajo të shlyehej me grantin e BE-së

Përfshirja e fermave, magazinave bujqësore dhe stallave në taksimin e pronës, sipas formulës që prek edhe biznesin nuk ka gjetur dakordësinë e ekspertëve të bujqësisë. Sipërmarrësi, Ardian Citozi thotë për TEMA TV, se formula e re e taksimit dëmton fermerët, duke rritur kostot, ndërsa shton se do të do t’i kërkojnë qeverisë të mos përfshihet kjo kategori strukturash.

Ndërsa drejtroi i Projektit IPESA, Morten Sejersen e quan të disfavorshëm vendimin, por mund të reflektojë në një periudhë afatgjatë për  t’i orientuar fermerët t’i riorganizojnë fermat e tyre.

Fenomeni i derdhjes së ujërave të zeza të Sarandës dhe rrethinave në Kanalin e Çukës vijon të mbetet shqetësues, ndërsa ka ndikuar në “infektimin” e midhjeve që kultivohen në liqenin e Butrintit.

Bashkë me ujin e Bistricës, ato përfundojnë në det. Kjo situatë mbetet e njëjtë që nga funddhjetori i vitit të kaluar. Problem shqetësues dhe kryesor, i pazgjidhur për vite e vite me radhë, është tubacioni i linjës furnizuese të impiantit të përpunimit të ujërave të zeza.

Gjykata e Shkallës së Parë në Shkodër vendosi sekuestron preventive për mbi rreth 25 000 m2 tokë pyll, në Razëm të Malësisë së Madhe. Hetimi i krimit financiar në Prokurorinë e rrethit zbuloi se kjo sipërfaqe ndodhet ende e regjistruar në favor të përfituesve të vendimit të Kthimit dhe Kompesimit të Pronave.

Sipas Prokurorisë 53 906 m2 tokë e llojit pyll në Razëm, është kthyer me dokumenta  të falsifikuara. Ajo që bie në sy është procedimin penal është regjistruar në mars 2016, por  është pranuar nga Gjykata e Rrethit Gjyqësor Shkodër vetëm në 25 prill 2018.

Kompania “Gulf”  ka hyrë në tregun shqiptar me ambicie për të tregtuar karburant me cilësi. Në atë kohë, kur priste shiritin e inaugurimit të “Gulf”, ministri Gjiknuri thoshte se ajo ishte kompani serioze, ndërsa tani, që doli se ka mashtruar publikun, ministri i Energjisë ia faturon përgjegjësinë Tatimeve. Pasi ka nisur hetimet prokuroria, sot ka folur për herë të parë edhe opozita.

Ricikluesit ndjehen të rrezikuar nga strategjia që po ndjek qeveria për menaxhimin e mbetjeve, duke i orientuar ato drejt djegies përmes inceneratorëve. Sipërmarrësit Iljaz Mehmeti dhe Bardhyl Baltëza thonë se incenerimi do të shoqërohet vetëm me kosto. Ata shprehin solidaritet me pronarin e fabrikës së riciklimit në Kashar.

Me iniciativë të Prefekturës së Epirit ka përfunduar studimi i fizibilitetit për hekurudhën që lidh portin e Igumenicës me Janinën dhe Gjirokastrën. Studimi është kryer si pjesë e programit strategjik të bashkëpunimt Greqi - Shqipëri 2007 – 2013.

Qëllimi ishte konfigurimi i bilancit  kosto - përfitim, në mënyrë që të bëhet krahasimi  me projektet e tjera alternative që lidhin në rrugë hekurudhore Shqipërinë dhe Greqinë. Shpenzimet e studimit të kryer nga nga firma NAMA Consulting Engineers dhe Planners SA arritën në 65.276,10 €uro (përfshirë TVSH-në).

Hapja e ambasadës së Shqipërisë në Iran do të jetë një hap i rëndësishëm për zgjerimin e shkëmbimeve tregtare mes dy vendeve. Kështu ka deklaruar kryetari i Unionit të Dhomave të Tregëtisë së Iranit, Gholam Hossein Shafei në një takim të përbashkët me dhomat e tregtisë në Shqipëri.

Të gjitha bashkitë që  nuk paguajnë detyrimet e prapambetura do t'u priten fondet që buxheti i shtetit jep në formën e transfertës së pakushtëzuar.

Paralajmërimi është konkretizuar edhe me një udhëzim të ministrit të Financave, ku urdhërohet bllokimi i transaksioneve financiare të njësive vendore nëse nuk shlyejnë detyrimet. 

Udhëzimi po ashtu sanksionon që edhe në rastet kur ndërmarjet në pronësi të bashkive nuk shlyejnë borxhet ndaj palëve të treta, dhe evidentohet se përgjegjëse për këtë shkak është njësia vendore, sërish bllokon transaksionet.