Blloku Ekonomi

Me iniciativë të Prefekturës së Epirit ka përfunduar studimi i fizibilitetit për hekurudhën që lidh portin e Igumenicës me Janinën dhe Gjirokastrën. Studimi është kryer si pjesë e programit strategjik të bashkëpunimt Greqi - Shqipëri 2007 – 2013.

Qëllimi ishte konfigurimi i bilancit  kosto - përfitim, në mënyrë që të bëhet krahasimi  me projektet e tjera alternative që lidhin në rrugë hekurudhore Shqipërinë dhe Greqinë. Shpenzimet e studimit të kryer nga nga firma NAMA Consulting Engineers dhe Planners SA arritën në 65.276,10 €uro (përfshirë TVSH-në).

Hapja e ambasadës së Shqipërisë në Iran do të jetë një hap i rëndësishëm për zgjerimin e shkëmbimeve tregtare mes dy vendeve. Kështu ka deklaruar kryetari i Unionit të Dhomave të Tregëtisë së Iranit, Gholam Hossein Shafei në një takim të përbashkët me dhomat e tregtisë në Shqipëri.

Të gjitha bashkitë që  nuk paguajnë detyrimet e prapambetura do t'u priten fondet që buxheti i shtetit jep në formën e transfertës së pakushtëzuar.

Paralajmërimi është konkretizuar edhe me një udhëzim të ministrit të Financave, ku urdhërohet bllokimi i transaksioneve financiare të njësive vendore nëse nuk shlyejnë detyrimet. 

Udhëzimi po ashtu sanksionon që edhe në rastet kur ndërmarjet në pronësi të bashkive nuk shlyejnë borxhet ndaj palëve të treta, dhe evidentohet se përgjegjëse për këtë shkak është njësia vendore, sërish bllokon transaksionet.

Autoriteti i Komunikimeve Elektronike dhe Postare urdhëron kompanutë celulare që duke  filluar  nga data 1 qershor  2018 të  rikthejnë vlefshmërinë  e paketave  standarte me  parapagim  nga  28  ditë  në  mujore (30 ditore).

Albtelecom,  Telekom  Albania dhe  Vodafone  Albania në shkelje të hapur të kontratës me abonentët në mars të vitit 2016 bënë ndryshimin e kohëzgjatjes së ofertave për shërbimet mobile për përdoruesit me parapagim nga 30 ditë në 28 ditë.

Dy kompani të huaja ofrohen për ta vënë në punë TEC-n e Vlorës, i cili megjithëse u ndërtua në 2012, nuk ka punuar asnjë ditë, për shkak të mosfunksionimit të një pajisjeje. Zëvendësministri i Energjetikës Enis Aliko tha për TemA TV se po bëhet studimi i fizibilitetit dhe shumë shpejt do të shpallet oferta. Ndërkaq, TEC-i është objekt i gjyqeve shumëvjeçare të KESH-it me palën italiane për dorëzimin e parave të lëna garanci.

Deputetja e Partisë Demokratike, Jorida Tabaku, poston në faqen e vet në Facebook disa të dhëna që flasin për prokurimet në vitin 2017. Sipas saj shifra totale e tenderimeve arrin në 31% të vlerës së prokurimit për katër vjet, që në fakt është diçka më shumë se ¼ që është edhe vlera normale. Më poshtë shënimi i znj. Tabaku:

Pas bisedimeve me banorët në Kukës, Has dhe Tropojë qeveria i ka propozuar koncesionarit që tarifa që ata do të paguajnë për një kalim, në sheshin e pagesës të jetë 200 lekë të reja, apo 1.5 euro. 
Nëse merret në total, një kalim vajtje-ardhje për kategoritë e personave që banojnë përgjatë rrugës, pas amendimit të kontratës dhe rivendosjes së traut të kalimit, pagesa do të jetë 3 euro, nga 10 që ishte më parë.

Nxjerrja nga ndihma ekonomike dhe futja në kurse profesionale, është inicitiava fundit e qeverisë “Rama 2” për të përmbushur premtimin e 220 mijë vendeve të reja të punës. Për këtë, qeveria ka vënë objektiv që biznesi të rekrutojë nga zyrat e punës 25 mijë punonjës. Nga ana tjetër, biznesi bën ofertë të ulët, për vetëm 12 mijë vende të lira.  Për ekspertët, kjo strategji nuk korrespondon me nevojat sipërmarrjes.

TvT

Qeveria ka rishpallur predispozitën për të  dhënë konçesion edhe TEC-in e Vlorës, i mbetur në gjendje konservimi thuajse që prej ndërtimit të tij. Gjatë një raportimi në grupin parlamentar të punës 6-mujore të Ministrisë së Energjisë, Gjiknuri tha se TEC-i do funksionojë me gaz dhe do të furnizohet nga një tubacion që do të ndjekë trajektoren Fier-Vlorë.

Rruga Kardhiq – Delvinë e tenderuar në vitin 2009 nga qeveria Berisha do të realizohet me paratë publike dhe jo me investim privat, ndryshe nga sa u miratua në ligjin për buxhetin 2018.

Për 16 kilometrat e mbetura të këtij aksi që do të lidhë Sarandën me rrugën nacionale Gjirokastër-Tepelenë, duke shmangur qafën e Muzinës, qeveria kishte programuar fonde përmes programit “One billion euro”, për të cilin edhe Fondi Monetar Ndërkombtar shprehu rezerva dy javë më parë.