Blloku Bota

Volkswagen Ag, kompania e njohur e prodhimit të automobilëve ka pësuar një goditje të madhe në bursë për shkak të një mashtrimi që ka bërë me treguesit e ndotjes. Fjala është për testin e ndotjes së ajrit për mjetet e shitura në SHBA, çka ka sjellë rënie prej 23% të vlerës së aksioneve, që e konvertuar në vlerë monetare është 15.4 miliardë euro në një ditë. Drejtuesi i kompanisë, Martin Winterkorn, deklaroi se vetë kompania po bën një hetim për këtë dhe keqardhjen e madhe. Ai ka premtuar se Volksëagen do të bëjë çdo gjë të nevojshme për të riparuar dëmin.

Fitorja e Tsiprasit i ka hapur rrugën Greqisë për marrëdhënie të reja me Europën. Mediat greke referojnë informacione, sipas të cilave, pagesa e borxhit të shtuhet sërish. “Greqia dontë fitojë një shtyrje të re të pagesës së kësteve, sipas dy zyrtarëve të partisë së Angela Merkel, CDU”, raporton gazeta greke “Protothema”. Burimi origjinal është gjermania “Die Welt” që shkruan se rishikimi i afateve vjen edhe si pasojë e performancës së mirë në muajt e fundit. Nga çfarë po ndodh aktualisht, ngjan se Greqia humbi një vit kohë për të bërë atë që në fakt e nisi konservatori Samaras.

Alexis Tsipras është fituesi i zgjedhjeve të parakohshme greke, duke u konfirmuar kështu si aktori kryesor i skenës politike në fqinjin tonë jugor. Mediat greke raportojnë për një rezultat që shkon në 35% të marrë nga Syriza, ndërkohë që Demokracia e Re ka marrë 28%, kurse Agimi i Artë renditet parti e tretë me 7,2%. Këto janë të dhëna paraprake, por siç shkruan gazeta greke “Protothema”, ky rezultat, nëse konfirmohet zyrtarisht i hap rrugë koalicionit të Syrizas me Grekët e Pavarur të Panos Kammenos.

Shtetet e Bashkuara të Amerikës ka rifutur në axhendë përgatitje për një konflikt të armatosur me Rusinë. Revista “Foreign Policy” shkruan se kjo është hera e parë që nga Lufta e Ftohtë, që SHBA po merr në konsideratë përballjen e armatosur me Moskën.  “Duke patur parasysh mjedisin e sigurisë, veprimet e Rusisë, është bërë e qartë se ne kemi nevojë të përditësojmë planet që kemi në përgjigje të ndonjë agresioni të mundshëm ndaj një vendi aleat në NATO”, citon FP një zyrtar të lartë të Departamentit të Mbrojtjes.

Kandidati republikan për zgjedhjet presidenciale Donald Trump mbetet lajmi kryesor nga kjo fushatë. Pak ditë më parë ai u vu në qendër të debatit pasi në Neë Hampshire nuk korrigjoi një qytetar që tha se Obama është musliman. Më herët ai ka folur shumë ashpër kundër imigracionit klandestin me fjalë të papërshtatshme për hispanikët.

Zemërgjerësia dhe shpirti human i “Nënë Terezës” është gjetur si metafofë për të ironizuar zonjën e hekurt të Gjermanisë dhe vendimet që ajo mori fillimisht për të pritur një numër të madh emigrantësh nga Lindja që po mësyjnë Europën dhe më pas lëshimin e urdhërit për të rikthyer kontrollet në kufirin me Austrinë.

Revista “Spiegel” portretizoi kancelaren Merkel me veladonin e Nënë Terezës për të kritikuar qëndrimin që Gjermania po mban ndaj krizës së emigrantëve sirianë.

Kush e mban mend Burkina Fason? Shteti afrikano-perëndimor që dikur njihej si Volta e Sipërme, para viteve 90-të ishte aleate me regjimin shqiptar dhe përveç vizitave e delegacioneve reciproke, studentë “marksistë-leninistë” vinin të shkolloheshin në Tiranë. Këtë javë një grusht shteti në këtë vend të varfër ka tërhequr vëmendjen e mediave perëndimore, pasi vetëm një vit më parë një revoltë popullore rrëzoi nga pushteti autokratin prej 27 vjetësh, presidentin Blez Kampaore.

Qeveria malazeze ka miratuar një rezolutë për anëtarësimin në NATO. Agjencia ruse e lajmeve, “Sputnik” shkruan se ky akt mund të jetë i koordinuar, pasi në muajin dhjetor parashikohet një takim i ministrave të vendeve anëtare të NATO-s dhe me këtë rast, edhe çështja e Malit të Zi mund të hyjë në axhendë. “Sputnik” citon kreun e opozitës malazeze, Andrija Mandiç, sipas të cilit trajtimi i kërkesës malazeze duhet parë me seriozitet, pasi në çdo rast, Aleanca mund të përballet nesër me një kërkesë për dalje të Malit të Zi nga NATO.

Aeroplanët luftarakë të qeverisë siriane kanë nisur një prej bombardimeve më të rënda në qytetin e Palmirës, e cila mbahet nga militantët e Shtetit Islamik (IS), thonë aktivistët. Rreth 25 sulmet ajrore shënuan të paktën 26 viktima, përfshirë dhe 12 militantë, siç pohon dhe Observatori Për të Drejtat e Njeriut i Mbretërisë së Bashkuar me bazë në Siri.

Burimi: BBC News

Budapesti ka bërë të ditur se mbi 4 mijë emigrantë kanë mbërritur sot në vend dhe janë në pritje rreth 1.200 të tjerë. Emigrantët kanë  çarmatosur kështu 40 truproje të policisë kroate dhe kanë arrestuar shoferin. Kjo u njoftua nga Shefi i menaxhimit të emergjencave të qeverisë, Gyorgy Bakondi. Sipas tij, treni kroat drejt Magyarbóly arriti pa asnjë komunikim, ashtu si dhe trenat e autobusët të tjerë me drejtim Hungarinë.