Blloku Bota

Turqia pret më shumë refugjatë sirianë se çdo vend tjetër. Vendi, që ndan një kufi prej 900 kilometrash me Sirinë, është një pikë e rendesishme e nisjes për emigrantët dhe refugjatët, të cilët përpiqen të arrijnë në Evropë. Zëvendëskryeministri turk, Numan Kurtulmus, bwri të ditur se Turqia ka shpenzuar 7,6 miliardë dollarë për kujdesin ndaj 2,2 milionë refugjatëve sirianë që kur lufta civile filloi në vitin 2011. “Që nga fillimi i vitit, rojat bregdetare turke kanë shpëtuar 53 228 emigrantë në përpjekje për të arritur Evropën”, tha Kurtulmus, sipas një raporti nga televizioni NTV.

Të gjitha pikat kufitare mes Kroacisë dhe Serbisë janë mbyllur. Pas atyre Ilok, Ilok 2, Principovac, Principovac 2, Tovarnik, Erdut dhe Batina është mbyllur dhe pika kufitare e Bezdan, ku gjenden qindra emigrantë të cilët nuk ia kanë dalë të kthehen dhe janë futur në një autobus në një qendër pritjeje aty pranë.

Mijëra imigrantë vazhdojnë të dynden drejt Kroacisë ku autoritetet shprehen se nuk po e përballojnë dot këtë fluks, duke mbajtur të lartë presionin mbi Bashkimin Evropian ku krerët e vendeve anëtare do të mblidhen javën që vjen për të gjetur një zgjidhje për këtë krizë. Gjithsej 6 200 imigrantë hynë vetëm brenda një dite në Kroaci, thekson Zagrebi, që pret një fluks prej më shumë se 20 mijë persona në dy javët e ardhshme dhe i trembet një situatë jashtë kontrolli.

Kryebashkiaku i qytetit hungarez, Asotthalom, në kufirin serbo-hungarez ka postuar një video në Youtube. Mesazhi shkon për refugjatët: Mos ejani në Hungari. "Hungaria është një zgjedhje e keqe. Asotthalom më e keqja", thotë kryebashkiaku.

Middle East Monitor, raporton se rreth 1 milionë luftëtarë jemenitë janë mbledhur në kufi me Arabinë Saudite dhe po përgatiten për ta sulmuar. “MEM” i referohet një gazete iraniane, “Kayhan” e cila pretendon se burime nga terreni japin këto informacione. Irani ka interes direkt në konfliktin në Jemen, ku janë angazhuar sauditët, për shkak të komunitetit shiit që jeton aty. Edhe ky përqendrim forcash, nga fise të Jemenit, synon siç shkruan “MEM, të zhvendosë konfliktin nga Jemeni. Një zëdhënës i ushtrisë së Jemenit, Sharaf Ghalib Luqman.

Dy vjet pas vrasjes së aktivitit të majtë Pavlos Fisas, Agimi i Artë ka marrrë përgjegjësinë politike për aktin kriminal të kryer nga një anëtar i saj në 18 shtator të vitit 2013. Kreu i Partisë të ekstremit të djathtë, Mihalis Mihalolakos në një intervistë radiofonike deklaroi se Agimi i Artë merr përgjegjësinë politike për vrasjen e këngëtarit majtist 36-vjeçar, por sipas tij s’ka pse të mbajë asnjë përgjegjësi penale për aktin kriminal të aktivistit të saj.

Në Kili kthehet makthi i tërmetit-tsunam. Agjensia e lajmeve ANSA raporton se një tërmet i fuqishëm me magnitudë 8.3 ballë goditi Kilin. U shkaktuan 5 persona të vdekur, 15 të plagosur dhe shumë ndërtesa u shkatërruan.  Epiqendra e tërmetiti ishte 232 km nga San Diego, ndërsa institutet sizmiliogjike paralajmërojnë për një cunam, pasi valët e detit arritën në një lartësi prej 4.5 metrash. Tërmeti u ndje edhe në Argjentinë, ndërsa në zonat e prekura nga tërmeti u evakuuan rreh 1 milionë persona.

Agjensia e lajmeve AFP raporton se Franca do të zhvillojë sulme ajrore kundër organizatës Shteti Islamik (ISIS) në Siri në javët e ardhshme. Lajmin e njoftoi sot ministri francez i Mbrojtjes, Jean Yves Le Drian. I intervistuar nga “radio France Inter” dhe i pyetur se kur, avionët bombardues francezë, që zhvillojnë që prej 8 shtatorit fluturime mbi Siri për grumbullim informacioni, do të fillojnë bombardimet, ministri francez u përgjigj se bombardimet do të fillojnë “në javët në vijim, sapo të jenë mirëidentifikuar objektivat”.

Ajo që bota po dëshmon sot në Siri, e më tej, pasojat e saj në Medhe ku po mbyten qindra njerëz, ndërkohë që miliona kanë lënë shtëpitë, është edhe përgjegjësi e fuqive perëndimore. Kryesisht SHBA-sëm Britanisë së Madhe dhe Francës. Loja e tanishme e këtyre fuqive për të bllokuar Rusinë në përpjekjet e veta ushtarake në Siri ka humbur çdo legjitimitet, sa kohë kasaphana siriane mban firmën e tri shteteve demokratike në fjalë.