Blloku Bota

Osama Abdul Mohsen, refugjati sirian që u pengua nga një gazetare hungareze teksa mbante në krah djalin e tij, një histori që bëri xhiron e botës, ka gjasa të mos jetë thjesht një civil që përpiqet t’I largohet flakëve të luftës në vendin e tij. Të paktën sipas disa pretendimeve kurde nga rajoni I trazuar, Osama është një militant i organizatës xhihadiste Al Nusra. “Osama ka luftuar për Al Nusran përpara se të largohej nga vendi”, thonë burimet kurde.

Siria po kthehet në një bombë më efekt aftagjatë për Perëndimin. Një vrimë e zezë ku njësi ushtarake si ISIS kanë hapësirë veprimi për çdo lloj aktiviteti. Ish-drejtori i CIA-s, David Petraeus, deklaroi para Komitetit të Forcave të Armatosura në Senat se kriza siriane ka marrë profilin e një Çernobili gjeopolitik, që “sa më gjatë të lejohet të vazhdojë aq më shumë dëm do të shkaktojë”.

Zyrtarë të Arabisë Saudite bëjnë të ditur se të paktën 310 persona kanë gjetur vdekjen gjatë pelegrinazhit të Haxhit në Mekë dhe po ashtu, 450 persona të tjerë janë plagosur nga shkelja mbi njëri-tjetrin. Një problem i tillë është i përvitshëm në Mekë, gjatë ceremonive të Kurban Bajramit, për shkak të dyndjes së peligrinëve në vendet e shenjta. Mbi 1 milion pelegrinë ndodhen aktualisht në Mekë dhe numri pritet të arrijë në 2.2 milionë deri fundjavën e ardhshme.

Gjatë faljes së Kurban Bajramit, ka ndodhur kjë sulm kamikaz me bombë, në një xhami në Sana, kryeqyteti i Jemenit. Sipas raportimit të BBC, nga ky atentat në xhaminë al-Balili kanë vdekur 12 persona. Nga shpërthimi kanë mbetur të plagosur edhe shumë persona të tjerë. Kryeqyteti i Jemenit është goditur kohët e fundit nga një seri sulmesh me bombë nga ISIS-i.

Rusia ka vendosur të rihetojë edhe njëherë çështjen e ekzekutimit të familjes Romanov, e cila drejtonte vendin si monarki deri në vitin 1917. Lajmi është bërë i ditur nga Vladimir Markin, një zëdhënës i Komitetit Hetimor të Rusisë. Deri më sot ka patur një hetim zyrtar në vitin 1993, pas zbulimit të mbetjeve të anëtarëve të familjes mbretërore të Car Nikolla II, por ai u ndërpre për  shkak të vdekjes së ekzekutuesve. Ekspertët konkluduan se trupat i përkisnin familjes Romanov, pas krahasimit të tyre me një mostër gjaku të mbetur në një këmishë të veshur nga Nikolla II.

Fotoreporteri i AP, Darko Vojinoviç ka fotografuar radhën e gjatë të automjeteve në pritje mes kufirit serb dhe atij kroat. Bllokimi i automjeteve në këtë aks ka ndodhur për shkak të fluksit të emigrantëve afër Batrovcit, rreth 100 km në perëndim të Beogradit. Kjo situatë ka precipituar edhe për shkak të nevrikosjes së dy shteteve ish-jugosllave si pasojë e bllokimit të shoferëve të kamionëve që e vështirësuan edhe më tej gjendjen.

Provokim i radhës nga ana e Kinës dhe një incident i afërt: një gjueti nga ana e Pekinit ka 'përgjuar' një aeroplan spiun amerikan i cili i ka kaluar dhjetëra metra para ‘hundës. Episodi shqetësues i tensionit të përsëritur mes SHBA dhe Kinës, jo rastësisht u zbulua në ditën e ardhjes së presidentit Xi Jinping në Amerikë, pak ditë nga samiti i shumëpritur në Shtëpinë e Bardhë me Barack Obama. Ngjarja ndodhi 8 ditë më parë rreth 144 km nga brigjet e ishullit Shandong në Detin e Verdhë, në të gjithë hapësirën ndërkombëtare. Pentagoni: manovër e rrezikshme. Ka shumë precedentë.

Ndonëse kjo në unitet të plotë, ministrat e Brendshëm të Bashkimit Europian votuan me shumicë votash planin për shpërndarjen e 120 mijë emigrantëve, i cili do të hyjë në fuqi dy vitet e ardhshme.

Sipas këtij plani, emigrantët do të zhvendosën nga Italia, Greqia dhe Hungaria në vendet e tjera të Bashkimit Europian. Rumania, Republika Çeke, Sllovakia dhe Hungaria votuan kundër ndarjes së kuotave të detyrueshme. Finlanda ishte vendi i vetmë që abstenoi.

Edhe pse prej kohësh është përfolur një pakënaqësi e thellë brenda rradhëve të BDI-së së Ali Ahmetit, së fundi sisa zyrtarë të lartë të Bashkimit Demokratik për Integrim paralajmërojnë formimin e një subjekti të ri me emrin “Uniteti”. Shtypi i Maqedonisë bën me dije se kjo parti pritet të drejtohet nga ish-gjenerali i UÇK-së, Gëzim Ostreni, i cili ka pasur për shumë vite funksione të larta në partinë e drejtuar nga Ali Ahmeti.

Ka shkaktuar një stuhi kritikash të zemëruara kërcimi i çmimit të një ilaçi vendimtar në luftën kundër kancerit dhe SIDA-s në SHBA, nga 13 dollarë në 750 për një pilulë të vetme.

Në qendër të zemërimit është një shqiptaro-amerikan, 32-vjeçari Martin Shkreli, i cili vetëm një vit më parë po lavdërohej për suksesin e tij në botën e të ashtuquajturve “fonde gardh”, ku ishte bërë multimilioner në moshë fare të re.