Blloku Bota

Ndërhyrja ruse në Siri ka acaruar në kulm marrëdhëniet me Perëndimin, që po i përmbahet versionit se avionët rusë nuk po godasin militantët e Shtetit Islamik. Mirëpo ndërkohë që Kremlini ka autorizuar publikimin e videove që provojnë goditjen e ISIS, në dritë kanë dalë incidentet me Turqinë. NATO ka deklaruar se Rusia duhet të heqë dorë nga provokimet dhe se ajo që ndodhi në Turqi nuk ishte incident. Gjithsesi situata nuk është aq e thjeshtë.

Mediat europiane i kanë dhënë jehonë akuzave që parlamentarët europianë I kanë bërë kreut të Parlamentit Europian, Martin Schulz, se po shpërdoron paratë publike. Në një raport që ata zbuluan, sipas “Daily Mail”, gjermani Schulz ka dy limuzina, dy shoferë dhe 33 asistentë të tjerë. Sipas akuzave, politikani socialist, i cili ka bërë thirrje për kontribute financiare më të larta nga vendet anëtare, po tregonte një shembull të keq. Schulz, i cili ka qenë deputet për 21 vjet, merr deri në 227.000 paund në vit paga dhe kompensime.

Një hije skandali ka përvijuar sot një shkrim i gazetës Blic, duke folur për një marrëveshje të Ramush Haradinajt para zgjedhjeve parlamentare të vitit të kaluar, me liderin e deriparadokohshëm të Listës Serbe Aleksandar Jabllanoviq. Haradinaj i ka dhënë atij 100.000 euro, të cilat këto ditë po përpiqet t’i marrë prapa, shkruan Blic, duke cituar burime anonime serbe dhe shqiptare nga Kosova.

Edhe një ngjarje tjetër me objekt poshtërimin e kryeministrit Isa Mustafa është shënuar sot në Kosovë. Mediat e Prishtinës njoftojnë se ngjarja këtë herë ka ndodhur jo në sallën e Kuvendit, por në Podujevë, gjatë një vizite që kryeministri ka kryer me rastin e “ditës së Mjedrës” dhe një subvencioni që USAID ka dhënë për kultivimin e kësaj bime.  Mustafa është sulmuar me vezë me të filluar fjalimin nga disa persona.

Policia ka arrestuar menjëherë të dyshuarit.

Sipas AFP, hoteli në Aden, ku qëndronte kryeministri i Jemenit, Khaled Bahah, u godit sot me tre predha dhe u përfshi nga flakët. Lajmi bëhet i ditur nga burimeve të sigurisë dhe dëshmitarëve në terren. “Ka pasur të vdekur dhe të plagosur gjatë këtij sulmi”, deklaroi një përgjegjës, por pa saktësuar nëse mes viktimave ka edhe ministra. Kryeministri Bahah, që është gjithashtu edhe zëvendëspresident i Republikës dhe ministrat e tij ndodhen në Aden, që është shpallur kryeqyteti provizor i Jemenit pasi u çlirua nga kontrolli i rebelëve shiitë Huthis pro-iranianë.

“Washington Post” publikon sot një shkrim që flet për çështjen e e-maileve të Hillari Clinton, çështje e cila po interferon në garën presidenciale amerikane. Një nga mesazhet është edhe ai qe financieri George Sorros i dërgon sekretares amerikane të Shtetit për situatën e ndezur në Shqipëri. Për aq sa na intereson, vlen të thuhet se Sorros kërkon ndërhyrjen energjike të ShBA-së, “vëmendjen urgjente nga nivelet më të larta të qeverisë amerikane”. Dhe në fakt ndërhyrja siç u pa nuk mungoi, sikurse apeli për të ulur palët në diskutime.

12 vende të Paqësorit kanë arritur një marrëveshje për heqjen e barrierave tregtare, përmes së cilës synohet rritja e vëllimit tregtar në këtë rajon me shumë rëndësi të botës. Pakti i Vendeve të Paqësorit mbulon 40% të ekonomisë globale dhe përfshin vende si SHBA, Australi, Vietnam, Brunei Darussalam, Kanada, Kili, Japoni, Malajzia, Meksika, Zelanda e Re, Peruja, Singapori. Pakti u negociua në fshehtësi të plotë dhe pritet të miratohet në Kongresin amerikan.

Militantët e ISIS kanë shkatërruar edhe Harkun ikonë të Triumfit në Palmira, i fundmi ndër thesaret kulturore botërore që xhihadistët kanë shfarosur në qytetin e famshëm. Raportimi vjen nga autoritete sirianë që I citon Reuters.

Harku monumental 1800 vjeçar u hodh në erë të dielën, kanë pohuar dëshmitarë okularë për drejtorinë sirianë të Antikiteteve dhe Muzeumeve. ISIS ka shtënë në dorë qytetin antik në muajin maj dhe që atëherë kanë shkatërruar shumë objekte muzeale, si dhe kanë ekzekutuar ekspertin e antikitetit që kujdesej për to.

Gjermania vendosi kontrollet në kufi duke pezulluar përkohësisht marrëveshjen Shengen të lëvizjes së lirë. Shumëkush mendon se ky është fundi i projektit europian, meqenëse kufijtë janë ata që kanë tipizuar identitetin shtetëror europian prej shekujsh. Mirëpo Shengen është një arritje e cila nuk mund të sakrifikohet për shkak të një krize të përkohshme, për më tepër që nuk e zgjidh problemin. Politiologu gjerman, Wichard Woyke, mendon se kjo arritje duhet ruajtur me çdo kusht. “Shengeni do tё thotё - pra liria e lёvizjes - njё avantazh i jashtёzakonshёm.