Blloku Bota

Skandalet seksuale që përndjekin kishën katolike duket se nuk kanë fund. Deklarata e klerikut polak dhe teologut Krzysztof Charamsa se ai është një homoseksual dhe prift i lumtur kanë  trazuar sërish ujërat në Selinë e Shenjtë.

Charamsa është  anëtar i Komisionit për Doktrinën e Fesë, sekretari i dytë i Komisionit Ndërkombëtar Teologjik të Kishës Katolike Romake dhe profesor në Universitetin  katolik Gregoriana. Të vërtetën e tij ai vendosi ta zbulojë në një intervistë për gazetën “Corriere Della Sera”.

Nuk është pritur mirë nga Serbia fjalimi i kryeministrit Edi Rama ne Asamblenë e Përgjithshme të OKB-se, ku bëri thirrje për njohjen e pavarësisë së Kosovës. Kryeministri Rama theksoi gjatë fjalimit ne OKB se njohja e pavarësisë se Kosovës do te kontribuonte ne forcimin e paqes, stabilitetit dhe bashkëpunimit ne rajon. Ndërkohë Beogradi reagoi përmes ambasadorit në Kombet e Bashkuara, Milan Milanoviç, që e cilësoi qëndrimin e Rames abuziv.

Asnjë marrëdhënie tjetër nuk ka shkaktuar më shumë tmerr, kureshtje apo polemika se sa miqësia e ngrohtë dhe e qëndrueshme ndërmjet Silvio Berluskonit me Vladimir Putin. Marrëdhënia e tyre i ka bazat në fillim të këtij mijëvjeçari, kur Berluskoni mori përsipër rolin e ndërmjetësuesit mes Putinit dhe Xhorxh W. Bush. Putin tha se krijimi i Këshillit në Praktikën Detare në maj të vitit 2002, ishte një hap pozitiv përpara në ndërtimin e marrëdhënieve të partneritetit ndërmjet Rusisë dhe NATO-s. Ajo krijoi kushtet për punë në një perspektivë afatgjatë.

Sipas AFP separatistët prorusë konfirmuan sot se kanë nisur tërheqjen e artilerisë së rëndë, tankeve nga vija kufitare si një veprim që synon konsolidimin e marrëveshjes së armëpushimit në Lindjen rebele të Ukrainës, konflikt i cili shkaktoi më shumë se 8 mijë të vdekur në 17 muaj. “Artileria e rëndë po ndërmerr dislokimin drejt një zonë të re zhvendosjeje rreth 15 kilometra larg vijës së frontit”, njoftoi agjencia zyrtare e republikës separatiste të Lougansk-it.

Adonis Georgiadis është kandidat për të drejtuar Demokracinë e Re në Greqi. Komiteti zgjedhor në këtë parti e rishikoi vendimin për të mos pranuar kandidimim e tij për shkak të vonesave proceduriale. Georgiadis shihet si kandidat për kryetar dhe siç shprehet vetë “ai nuk ka oponentë në parti”. Në një prononcim për mediat, Georgiadis u shpreh se nëse zgjidhet ai do të ketë kundërshtarë vetëm Syrizan dhe Tsipras që do t’i mundë.

Një spital në qytetin Kunduz të Afganistanit, është goditur dhë është dëmtuar pjesërisht nga një sulm ajror. Nga ky sulm kanë mbetur të vdekur disa nga pjesëtarët e stafit “Doctors Without Borders”. NATO ka pranuar se goditja ajrore është bërë nga amerikanët duke shkaktuar një dëm anësor në zonë. “Goditja mund të ketë rezultuar me një dëm anësor afër një objekti mjekësor. Incidenti është nën hetime”, tha zëdhënësi i koalicionit të NATO­s, Kolonel Brian Tribus. Kurse nga “Doctors Without Borders” thuhet se janë thellë të shokuar nga sulmi.

“Coca-Cola Co” dhe “McDonald's” kërkuan sot dorëheqjen e kreut të Federatës Ndërkombëtare të Futbollit, Sepp Blatter. Kërkesa vjen  një javë pasi autoritetet zvicerane kanë nisur një hetim penal për të gjithë ekipin drejtues të FIFA-s. “Reuters” e cilëson lëvizjen shumë të rëndësishme, pasi të dyja kompanitë janë sponsorizuesit kryesorë të FIFA-s dhe mendohet se do të nxisin ndryshim në federatë. Nga ana e vet, Blatter, i përfolur gjatë si një drejtues i përfshirë në korrupsion nuk duket se ka ndërmend të dorëhiqet.

Në raportin e saj agjensia e lajmeve AFP  thotë se kancelarja gjermane, Angela Merkel do të presë më 8 tetor në Berlin kryeministrin izraelit Benjamin Netanyahu. Sipas AFP lajmin e theksoi sot kancelaria Merkel në një konferencë shtypi. Dy krerët do të takohen kokë më kokë para bisedimeve të zgjeruara me ministra të ndryshëm në kuadër të edicionit të gjashtë të bisedimeve qeveritare gjermano-izraelite. Qeveria gjermane nuk dha detaje se për cilat tema do të diskutojnë.

Agjensia italiane e lajmeve ANSA raporton se lideri çeçen, Ramzan Kadirov ka premtuar dërgimin e trupave të vendit të tij në Siri për të luftuar kundër ISIS-it. “Unë kërkoj të na lejojnë të shkojmë për të marrë pjesë në operacionet speciale”, deklaroi Kadirov duke saktësuar se për këtë veprim duhet autorizimi i presidentit Vladimir Putin. “Si mysliman, si çeçen dhe si patriot rus deklaroj se në vitin 1999, kur republika jonë ishte në dorë të këtyre djajve që ekzistojnë edhe sot, ne u betuam mbi Kuran se do të luftonim gjithë jetën tonë kundër tyre, kudo që të gjendeshin”, theksoi Kadirov.

Oregoni u trondit nga maskara e një dite më parë që ka si autor 26 vjeçarin Chris Harper Mercer. Ai vrau me gjakftohtësi 10 persona, deri në momentin kur u asgjesua nga policia.
Harper i deklaruar në rrjetet sociale si përkrahës i konservatorëve republikanë e ndërmorri aktin esktrem me një qëllim, t'u jepte një mesazh ndjekësve të besimeve fetare dhe sidomos atyre të krishterë.