Blloku Bota

Në raportin e saj agjensia e lajmeve AFP  thotë se kancelarja gjermane, Angela Merkel do të presë më 8 tetor në Berlin kryeministrin izraelit Benjamin Netanyahu. Sipas AFP lajmin e theksoi sot kancelaria Merkel në një konferencë shtypi. Dy krerët do të takohen kokë më kokë para bisedimeve të zgjeruara me ministra të ndryshëm në kuadër të edicionit të gjashtë të bisedimeve qeveritare gjermano-izraelite. Qeveria gjermane nuk dha detaje se për cilat tema do të diskutojnë.

Agjensia italiane e lajmeve ANSA raporton se lideri çeçen, Ramzan Kadirov ka premtuar dërgimin e trupave të vendit të tij në Siri për të luftuar kundër ISIS-it. “Unë kërkoj të na lejojnë të shkojmë për të marrë pjesë në operacionet speciale”, deklaroi Kadirov duke saktësuar se për këtë veprim duhet autorizimi i presidentit Vladimir Putin. “Si mysliman, si çeçen dhe si patriot rus deklaroj se në vitin 1999, kur republika jonë ishte në dorë të këtyre djajve që ekzistojnë edhe sot, ne u betuam mbi Kuran se do të luftonim gjithë jetën tonë kundër tyre, kudo që të gjendeshin”, theksoi Kadirov.

Oregoni u trondit nga maskara e një dite më parë që ka si autor 26 vjeçarin Chris Harper Mercer. Ai vrau me gjakftohtësi 10 persona, deri në momentin kur u asgjesua nga policia.
Harper i deklaruar në rrjetet sociale si përkrahës i konservatorëve republikanë e ndërmorri aktin esktrem me një qëllim, t'u jepte një mesazh ndjekësve të besimeve fetare dhe sidomos atyre të krishterë.

Duhet të bëjmë diçka për të ndryshuar gjërat, por unë nuk mund t’ia dal dot i vetëm dhe shpresoj që gjatë mandatit tim presidencial të mos vij më në Oregon për të bërë ngushëllimet e rastit, deklaroi presidenti amerikan, Barack Obama për tragjedinë në një kolegj të Oregonit, ku mbetën të vrarë 13 persona. “Por, bazuar mbi përvojën time, nuk mund t’ua garantoj një gjë të tillë”, shtoi ai, gjatë një deklarate televizive, ku dukej qartë që ishte tepër i tronditur dhe i emocionuar.

Greqia dhe Maqedonia janë prej vitesh në një marrëdhënie të tendosur diplomatike për shkak të mosmarrëveshjeve për emrin, duke mbajtur pozicione “lufte” mes tyre.

Greqia ka shfrytëzuar peshën dhe pozitat e saj politike për të bllokuar anëtarësimin e Maqedonisë në NATO, ndërsa qeveria e Shkupit me amatorizmin e vet i ka fryrë ndjenjave nacionaliste duke u munduar t’i bashkangjisë ish-Republikës Jugosllave historinë e një kombi që rrjedh nga maqedonët e lashtë.

Marcel Fürstenau shkruan sot një opinion në “Deutsche Welle” mbi situatën e migracionit dhe azilkërkimit. Ai ndalet edhe tek vendimi i Gjermanisë për të shpallur Shqipërinë, Kosovën dhe Malin e Zi, si vende të sigurta origjine, ndërkohë që kujton se në këtë rajon, për të ruajtur sigurinë shërbejnë ndër të tjerë edhe forcat gjermane. “Azilkërkuesit nga Shqipëria, Kosova dhe Mali i Zi, gjithashtu me të drejtë, do të mendojnë në të ardhmen ndryshe për kryetaren e qeverisë gjermane.

Donald Trump, kandidati në zgjedhjet paraprake mes republikanëve për presidencën amerikane, deklaroi sot se do të kthejë mijëra refugjatë sirianë drejt vendit të origjinës nëse ai zgjidhej në postin e kreut të shtetit, në muajin nëntor. Këto deklarata të Trumpit u trasmetuan në stacionin televiziv amerikan CNN. Ndërkohë AFP thotës se Rusia ka njoftuar një ditë më parë se aviacioni i saj ka nisur ndërhyrjen ushtarake ajrore në Siri ndaj grupit të Shtetit Islamik. Trump ka vlerësuar se kjo intervistë mund të ishte e vlefshme.

Sulmet ruse në Siri kanë nisur duke faktorizuar ndërhyrjen ndërkombëtare në zgjidhjen e krizës së rëndë të këtij vendi. Moska zyrtare thotë se qëllimi i ndërhyrjes është goditja e ISIS, por disa raportime nga mediat perëndimore flasin për objektiva të tjerë. Kështu Institute for the Study of Ëar, shkruan se sulmet ruse shkaktuan 33 të vrarë ndër civilë në Talbisah dhe në veri të Homsit.

“Miku im Aleksandër”, pra miku i ri i kryeministrit shqiptar, kryeministri serb, Aleksandër Vuçiç, shfaq të njëjtat simptoma në qeverisje. Ndonëse një “lider lokal”, nepotizmi duket se është problem jo i vogël. Portali “tesheshi.com” publikon një letër që përfaqësues të serbëve në Veriun e Kosovës i dërgojnë Aleksandër Vuçiç, përmes së cilës shprehin shqetësimin se nuk janë ekstremistët shqiptarë ata që janë problem, por “Zemuni i ri” që frymëzohet nga Beogradi.

Britania po përballet me kërkesën “e çuditshme” për reparacione dhe dëmshpërblime nga Xhamaika, për periudhën e skllavërisë. Kërkesa vjen pak përpara se kryeministri David Cameron të vizitojë këtë vend dhe e tjetërson të gjithë jehonën e saj. Zyra e kryeministrit britanik ka deklaruar se reparacionet apo kërkesa e faljes nuk janë qasja e duhur.