Blloku Bota

Nga sulmi gjetën vdekjen 12 persona, përfshirë një fëmijë 5-vjeçar.

Një shpërthim i fuqishëm në kryeqytetin turk Ankara, ka lënë të vdekur të paktën 27 persona dhe 75 të plagosur. CNN Turk raporton pasojat nga vendngjarja ku mendohet se shpërthimi ka ndodhur nga një kamikaz me makinë. Shpërthimi i muajit të kaluar la të vdekur 29 persona.

Qendra për Kontrollin dhe Parandalimin e Sëmundjeve në Greqi ka publikuar një raport për situatën e refugjatëve sirianë në vend. Nga raporti rezulton se një fëmijë 9 vjeçar sirian është i prekur nga Hepatit A që bashkë me një rast tjetër të raportuar sot, krijojnë kushtet për një frikë reale për epidemi. Gazeta “Protothema” shkruan se pas raportimit të rastit në kampet e veriut të Greqisë, është vendosur që ushtria të furnizojë me ujë të freskët bashkë me përpjekjen për të identifikuar nëse dikush tjetër është prekur nga hepatiti.

Njësoj si për vendimin e SHBA-së për të vendosur një sistem raketor në Europë, Rusia, e së funmdi edhe Kina bashkë me të, kanë dalë kundër instalimeve të ngjashme në gadishullin korean. Në kushtet e një krize serioze mes dy Koreve, vendimi i mundshëm i SHBA-së po shihet me dyshim. Ministri i Jashtëm rus, Sergey Lavrov deklaroi të premten gjatë një konference të përbashkët për shtyp me homologun kinez, Wang Yi se “testimet e Koresë së Veriut nuk duhet të shërbejnë si pretekst për SHBA-të për instalimin e raketave të sistemit “Terminal High Altitude Area Defense (THAAD) në Korenë e Jugut”.

Europa do të regjistrojë çdokënd që hyn dhe del në territorin e saj. Dhe të dhënat do t’i ruajë në një bazë të dhënash. Kjo po quhet si rregulli i ri i Schengen, hapësira e lëvizjes së lirë e cila po vihet seriozisht në diskutim për shkak të fluksit të refugatëve. Shkak kryesor gjithsesi nxirret terrorizmi, që ka marrë tjetër vëmendje pas sulmeve në Bataclan në Paris. “Ne duam të dimë kush vjen”,tha ministri i Brendshëm gjerman De Maziere.

Tensionet për çështjen e Sirisë kanë mbërritur deri brenda administratës amerikane, ku ka patur mendime të ndryshme për qëndrimin që duhej mbajtur ndaj Bashar Al Assad. Meda shtetërore iraniane, “Press-Tv” citon numrin e ri të revistës “Atlantic”, në të cilën shkruhet se presidenti amerikan Barack Obama ka hedhur poshtë disa herë propozimin e sekretarit të Shtetit, John Kerry, për goditje të kufizuara me raketa të forcave të Assadit, si një mënyrë për të “dërguar një mesazh” dhe për të detyruar presidentin sirian që të ulej në tryezën e bisedimeve.

14.000 emigrantë janë të detyruar të varrosin shpresat e tyre për një të ardhme më të mire. Kushtet në kampin e Idomenit në Greqijanë të tmerrshme për të thënë aspak njerëzore. Nata e fundit ishte dramatike. Emigrantët dhe anëtarë të OJQ-ve luftuan gjithë natën për të mbrojtur fëmijët, kryesisht nga shiu, balta dhe të ftohtit duke transferuar disa nga çadrat në vende më të mbrojtura. Mes baltës dhe shiut aparatët fotografikë “fiksuan” mrekullinë e jetës. Një porsalindur, në duart e një gruaje dhe një burri që po e lajnë jashtë në të ftohtë. Një nga dhjetra ikonat që të lë pa fjalë.

Mediat greke paralajmërojnë mbi mundësinë e hapjes së “korridorit të Adriatikut” për refugjatët. Ky korridor nënkupton kalimin e refugjatëve në Shqipëri dhe prej andej në Itali. Sipas tyre Komisioni Europian dhe qeveria italiane ndodhen në gatishmëri, megjithëse ende nuk ka shenja se kjo do të ndodhë. Gjithsesi, citohen burime nga Komisioni Europian, sipas të cilave, Brukseli po “përgatit një plan emergjence”, dhe se ministri i brendshëm italian do të vizitojë ditët e ardhshme Tiranën. Në fakt, vetë ministri i brendshëm italian, Angelino Alfano, e paralajmëroi vizitën e tij në Tiranë.

Rusia dhe Serbia kanë hedhur një hap simbolik në përforcimin e marrëdhënieve të veta, që po vendosen në mënyrë eksplicite edhe mbi baza të solidaritetit. Në një takim të presidentit serb Tomislav Nikoliç dhe atij rus, Vladimir Putin në Kremlin të martën, ky i fundit ka folur për rolin e Serbisë në mbrojtjen e vlerave të kristianizmit lindor. “Ju po bëni shumë për të mbrojtur dhe promovuar vlerat dhe traditat e kristianizmit lindor.