Blloku Bota

Në Serbi ka përherë e më shumë nostalgjikë të Jugosllavisë, por një gjë e tillë nuk raportohet. Kështu mendon të paktën Joska Broz, nipi i ish-liderit jugosllave, Josip Broz Tito, i cili ka folur për Pink Tv me rastin e ditës së Republikës, 29 nëntori. 
“Askush nuk i pyeti njerëzit nëse donin apo jo që të shpërbëhej Jugosllavia. Ishte një vendim i marrë nga disa figura të fuqishme. Përherë e më shumë njerëz janë jugo-nostalgjikë. Unë e festoj këtë ditë si të shenjtë. Dhe kjo ditë po festohet përherë e më shumë, thjesht nuk raportohet”, citohet ai. 

Ndërroi jetë pasi u vetëhelmua në sallën e gjyqit në Hagë, ish-komandanti i trupave kroate të Bosnjës, Slobodan Praljak.  72-vjeçari i akuzuar për krime lufte, piu helmin teksa gjykatësi i rikonfirmonte akuzat. Praljak vuante dënimin me 20 vite burg për masakrat e kryera në Mostar. Krahas urdhërave për vrasje e diskriminim etnik ndaj myslimanëve të Bosnjes, ish-gjenerali kroak akuzohet për urdhërin e shkaterrimit të urës së shekullore të Mostarit në vitin 1993.

Zyrtarët e Kosovës janë zmbrapsur nga plani për transformimin e Forcës së Sigurisë të Kosovës në Forcë të Armatosur përmes miratimit të një ligji

Koha Ditore shkruan se në takimet e së martës mes zyrtarëve më të lartë kosovarë dhe zv/ndihmës-sekretares amerikane të mbrojtjes, Laura Cooper, përkrahje e gjerë i është dhënë idesë që transformimi i FSK-së në FAK të bëhet me ndryshimin e Kushtetutës, dhe me pajtimin e pakicave.

Dy muaj pas testit të fundit raketor, Koreja e Veriut lëshon një tjetër raketë balistike, duke përshkallëzuar më tej tensionet me vendet fqinje dhe Shtetet e Bashkuara të Amerikës. Pentagoni njoftoi se raketa balistike e vendit komunist fluturoi rreth 1mijë km, për të rënë më pas në Detin e Japonisë, çka u konfirmuar edhe nga vetë autoritetet japoneze.

Në orët e fundit Tokio kishte paralajmëruar për disa sinjale radio që përmanin mesazhe për një testim raketor. Shtëpia e Bardhë njoftoi se presidenti Trump u vu në dijeni të situatës ndërkohë që raketa ishte ende në ajër.

Pak ditë para mbërritjes në Athinë të presidentit turk Erdogan, Sektori i Antiterrorit të Policisë greke kreu një operacion në shkallë të gjerë në Pagrati dhe Kalithea, duke kryer nëntë arrestime të njerëzve që sipas informatave  janë anëtarë të organizatës DHKP -C (Partia Çlirimtare e Popullit Revolucionar - Front). Kjo organizatë është jashtë ligjit në Turqi dhe në të gjitha listat e organizatave terroriste të SHBA-ve, Bashkimit Evropian dhe natyrisht Turqisë.

Qeverisja e majtë e Alexis Tsipras, mund të shërbejë si një ilustrim shterues në rajon për llojin e politikës që ofrohet me premtime për revolucion. I ardhur në pushtet nga një e kaluar opozitare me sfond të fortë ideologjik, Tsipras dhe koalicioni i tij, morën mandat të plotë nga shoqëria greke për t’i vënë veton Europës dhe kërkesave gjermane për kursime dhe politikës së borxhit. Siç rezultoi kthesa e Tsipras ndaj kërkesës së shoqërisë greke, e cila nxori jashtë loje establishmentin e vjetër grek, ishte e paprecedentë.

Shokojnë deklaratat e një funksionari të Partisë Demokrate Suedeze, i cili i quajti myslimanët qënie që nuk plotësojnë  100% kriteret për të qenë njerëz. Martin Strint tha para anëtarëve të  konferencës kombëtare të partisë së tij se nëse ka një shkallë nga 1 deri në 100 që dikush të jetë njeri, shumë muslimanë nuk plotësojnë disa nga këto shkallë. Pas këtyre deklaratave shumë anëtarë të partisë janë distancuar nga Strint, duke i quajtur deklaratat raciste dhe duke kërkuar dëbimin e tij nga partia.

Presidenti i Turqisë, Recep Tayyip Erdogan ka sfiduar liderin e partisë kryesore opozitare, Partisë Popullore Republikane të cilit i ka kërkuar që të dokumentojë akzuën se ai apo familjarë të tij kanë depozituar shuma parash në parajsat fiskale.

“Ai duhet ta provojë nëse Tayyip Erdogan ka një peni të vetëm jashtë. Nëse provohet, unë nuk do të qëndroj në këtë post presidencial pas asnjë minutë më tej”, ka deklaruar presidenti turk.

Presidenti amerikan, Donald Trump, ka provokuar sërish replika në distancë me mediat. Qendër e sulmit me synim diskreditues ishte “armiku” numër një i tij në media, rrjeti CNN. Në një mesazh në profilin e tij në Twitter, Trump shkruan se brenda SHBA-së, Fox Neës është shumë më i rëndësishëm sesa CNN, por jashtë SHBA-së, CNN mbetet sipas tij një burim kryesor i “Fake News që e prezantojnë keq kombin në botë”.

Ndryshimi i dukshëm i qëndrimit të  social-demokratit, Martin Schultz, lë të hapur mundësinë e një koalicioni të madh në Gjermani nën drejtmin e Angela Merkel.

Bisedimet pritet të mbahen të enjten dhe sipas Deutsche Welle sfida më e madhe e udhëheqjes Social-Demokratëve është të bindin mbështetësit e partisë për të pranuar koalicionin me Merkel.