Blloku Bota

Henry Kissinger, diplomat, ish-ministër dhe këshilltar për sigurinë kombëtare, i njohur edhe si arkitekti i politikës së jashtme në periudhën 1969-1977, ka ndjekur me shqetëism zhvillimet në Lindjen e Mesme, luftën e forcave aleate dhe disfatën e Shteti Islamik. Dhe ajo çfarë e shqetëson më shumë është rënia e shumëlakmuar e të vetë-vetëquajturit "Kalifati Islamik", që sipas tij do të krijonte premisat  për forcimin e një "perandorie radikale Iranit" dhe zgjerimin e territoreve të Teheranit.

Një intervistë e ish-shefit të shërbimeve sekrete britanike John Scarlett u qarkullua dy ditë më parë online në një faqe që kishte url dhe pamjet grafike identike me gazetën “The Guardian”. E përgatitur me kujdes, intervista synonte të kontrabandonte te lexuesi perëndimor një narrativë ruse për ngjarjet e Gjeorgjisë dhe Ukrainës, duke ia faturuar ato ish-shefit të shërbimit britanik. Zbulimin e këtij lajmi të rremë e ka bërë Peter Pomerantzev, por atë e ka sjellë në vëmendje Anne Applebaum.

We are breaking down and relocating - being hit with tear gas bombs. My view from behind the barricade: pic.twitter.com/iGKaFb5oXT

— Craig Stanley (@_CraigStanley) August 12, 2017

Turqia ka ndërprerë mbështetjen për Koalicionin Kombëtar për Revolucionin Sirian dhe Forcat Opozitare që përfshijnë grupe të ndryshme luftëtarësh kundër Damaskut zyrtar. Lajmi bëhet I ditur nga gazeta siriane Zaman el-Vasl që citon burime nga rebelët. Nëse konfirmohet lajmi do të përbënte pikë kthese vendimtare në konfliktin sirian. Koalicioni sirian opozitar u themelua në nëntor të vitit 2012 dhe ka marrë mbështetje vjetore $320,000 nga Turqia.

Një vendim i marrë për heqjen e disa simboleve që përkujtojnë rreshtimin e Virginias me Konfederatën në Luftën Civile amerikane të shekullit të 19-të është bërë shkak për përplasje fizike mes protestuesve të bardhë dhe aktivistëve të së djathtës dhe një grupi protestuesish që kundërshtojnë këtë qëndrim. Ngjarja ka ndodhur në Charlottesille, një qytet me 47 mijë banorë, shumica e të cilëve kanë votuar për Hillary Clinton në zgjedhjet e fundit.

Në listën e gjashtë mbështetësve fanatikë të presidentit të Venezuelës, Nicolas Maduro, renditen udhëheqë politikë nga vende të Europës. Revista  Politico veçon kryeministrin grek, Aleksis Tsipra, që sipas saj ishte një nga politikanët e paktë evropianë që kishin shkuar në varrimin e Hugo Chavez.  "Dikur e cilësonte Venezuelën si një model antikapitalist dhe kolegët e tij thonë se Chavez është një nga heronjtë e tij, edhe për arsyen se ka lindur në të njëjtën ditë me të (28 korrik)", shkruan revista. 

Tensioni mes Koresë së Veriut dhe SHBA mbetet i lartë dhe askush nuk mund të thotë me siguri nëse lufta nuk është më çështje e këtyre ditëve apo jo. Agjencia koreano jugore, Yonhap, referon gazetën e Koresë së Veriut, Rodong Sinmun, sipas të cilës aplikimet për t’’u mobilizuar kanë arritur në shifrën e 3. 475 milionë njerëzve. Mes tyre ka punëtorë, studentë, pensionistë, një masë e madhe kjo që do ta kthente luftën në një përplasje me pasoja shkatërrimtare. Duket se acarimi i Phenianit ka ardhur pas miratimit më 5 gusht të sanksioneve të reja nga Këshilli i Sigurimit në OKB.

Kina zgjedh neutralitetin nëse Korea e Veriut do të vendosë të ndërmarrë ndonjë sulm që kërcënon SHBA. Mesazhi vjen nga gazeta shtetërore Global Times pak pasi presidenti amerikan Trump ashpërsoi gjuhën e vet dhe kërcënoi hapur Phenianin zyrtar.

“Kina duhet të bëjë të qartë se nëse Korea e Veriut lëshon e para raketat që kërcënojnë territorin e SHBA dhe mandej kjo e fundit kundërpërgjigjet, Kina do të qëndrojnë neutrale”, thuhet në editorial.  

Revista “Foreign Policy” publikon sot një memo të hartuar nga Këshilli I Sigurisë Kombëtare që i është sugjeruar për lexim edhe presidentit Donald Trump. Memoja është hartuar më 17 maj të këtij viti dhe sipas revistës ajo gjeneroi një luftë politike që çoi në largimin nga KSK të një numri të madh zyrtarësh të lartë të lidhur me ish-këshilltarin për Sigurinë Kombëtare Michael Flynn. Autor i Memos është Rich Higgins, që punonte në zyrën e planifikimit strategjik dhe që u largua së fundmi.

Rrjedhja ndoshta e qëllimshme e informacionit nga ana e Phenianit se do të godasë me raketa ishullin, i cili i takon territorit të SHBA-ve, ka shkaktuar shqetësim në komunitetin ndërkombëtar. Pyetja që ngrihet është pse ky ishull është vënë në shënjestër të liderit të Koresë së Veriut. Përveç faktit se është në një distancë të shkurtër dhe një rakete i duhen vetëm 20 minuta për të mbërritur,  në ishull ka dy baza të SHBA, të cilat zënë një të tretën e zonës. Në këto baza ka shumë avionë  bombardues amerikan.