Blloku Bota

Rusia ka filluar ndërtimin e nëndetëseve të reja bërthamore Borey-B, njoftoi kreu i Shtabit të Përgjithshëm të Forcave të Armatosura Ruse Valeriy Gerasimov.

Ai tha se lloji i nëndetëseve Borey tashmë i është bashkuar forcave detare strategjike bërthamore të vendit, duke theksuar se përfshirja e tyre është  “mundësoi modernizimin e 82% të flotës së nëndetëseve bërthamore"

Revista “Spiegel” publikonte disa ditë një shkrim mbi një raport të ushtrisë gjermane me të cilin ajo ishe njohur. Dokumenti 120 faqesh titullohet “Perspektiva Strategjike 2040” dhe përmes tij përpunohen gjashtë skenarë të mundshëm që mund të marrin jetë deri në këtë vit e që do të ndikojnë sigurinë e Gjermanisë. Me këtë rast kuptohet se skenarët priret të kenë ndikim në mbarë Europën.

Publikimi i dokumenteve të Paradise Papers implikon edhe kryeministrin turk, Binali Yildirim. Mediat turke përcjellin një kërkesë të zv.kryetarit të partisë kryesore opozitare, Partisë Republikane Popullore, Faik Öztrak, i cili ka kërkuar një sqarim nga kryeministri për faktin se në materialin e publikuar nga Konsorciumi i Gazetarëve Investigativë rezultojnë edhe kompani të lidhura me familjarë të Yildirim.

Ambasadori rus në Beograd, Aleksandr Chepurin ka provokuar reagime në Serbi pas deklaratës së tij për median ruse “Sputnik” se vizitës së zv.ndihmës sekretarit amerikan të Shtetit, Yee, iu kushtua shumë vëmendje. Një akademik serb, Dusan Teodoroviç, ish-anëtar i lëvizjes opozitare “Mjaft është Mjaft” dhe një nga themeluesit e lëvizjes së Qytetarëve të Lirë, ka reaguar duke i kujtuar Chepurin se nuk ka pse ta ndihmojë më Serbinë. Po kështu thirrja i ka shkuar edhe Qendrës Humanitare në Nish, për të ciln Teodoroviç shprehet se nuk duhet të vijojn më me qëndrimin në Serbi.

Një sulm i përgjakshëm tronditi të dielën Teksasin teksa një person hyri në një kishë dhe vrau të paktën 26 besimtarë që ndodheshin brenda saj. Mes viktimave raportohet të jenë persona nga 5 deri ne 70 vjeç

Policia amerikane ka zbardhur të dhenat mbi autorin e masakrës së një dite më parë në një kishë të Teksasit ku mbetën të vrarë 26 persona dhe u plagosën 20 të tjerë. Ai është një ish-ushtarak 26 vjeçar i quajtur Devin Patrick Kelley i njohur si atesit dhe predikues on line i bindjeve të tij. Në postimet në internet ai i quante qesharakë të gjithë ata që besojnë në Zot.

Ushtria izraelite ka kërcënuar të nisë një inkursion luftarak në Siri "për të mbrojtur" banorët e një fshati të populluar nga pakica Druze, të cilët në fakt janë mbështetës të qeverisë siriane."Jemi të përgatitur dhe të gatshëm për të ndihmuar banorët dhe për të parandaluar kapjen e fshatit”-deklaroi një zëdhënës i ushtrisë izraelite. Që nga lufta e 1967, Izraeli ka zënë dy të tretat e lartësive Golan të Sirisë.

Një raport i përgatitur nga parlamenti turk vë në dukje se ShBA kanë të dislokuara 150 armë bërthamore në 5 vende anëtare të NATO-s. sipas këtij dokumenti aktualisht ka në dispozocion rreth 15000 armë bërthamore, dislokuar në 14 vende të ndryshme, nga të cilat 9,400 janë pjesë e arsenalit për përdorim ushtarak, kurse pjesa tjetër duhet të shkatërrohet. 

Rrjeti televiziv panarabik, Al-Arabiya al-Hadath duke cituar një burim anonim raportoi parandalimin e një komploti për vrasjen e kryeministrit libanez, Saad al-Hariri pak ditë më parë në Bejrut. "Ata që kishin planifikuar të vrisnin kryeministrin Hariri, çaktivizuan mekanizmat e shpërthimit kur kaloi autokolona e  tij”-i tha rrjetiti Al- Arabiya i njëjti burim.

Autoritetet gjyqësore spanjolle kanë lëshuar urdhër-arresti evropian për udhëheqësin e Katalonjes Carles Puigdemont dhe katër ish-këshilltarë të tij, ndërsa kanë refuzuar kërkesën e Puigdemont për të dëshmuar përmes videokonferences.

Presidenti i Çekisë, Milos Zeman, ka deklaruar në një intervistë për Tv Barrandov, cituar nga media serbe "B02", se pavarësia e rajoneve është e rrezikshme dhe mund të krijojë një reaksion zinxhir në Europë.

“Sot Katalonja, nesër veriu i Italisë, pasnesër Skocia, pas saj baskët. Javës tjetër Moravia, në Sllovaki është Jugu, Qipro tashmë është goditur dhe kjo vetëm sa do ta bënte problemin të pavdekshëm. Jo. Sapo e nis këtë reaksion zinxhir, nuk ndalesh më”, tha ai.