Blloku Bota

Marrëveshja bërthamore mes SHBA dhe Iranit ka patur kostot e veta që zbulohen së fundmi. Media të ndryshme po referojnë një raport të publikuar nga Politico, sipas të cilit, administrata e Barack Obamës ndërhyri për të prishur një operacion të organizuar nga CIA dhe DEA kundër grupit shiit Hezbollah që mbështetet gjerësisht nga Teherani zyrtar. Operacioni që në fakt konsiderohet si fushatë e vërtetë, koduar me emrin “Projekti Kasandra”, synonte goditjen e linjave të trafikut ndërkombëtar të kokainës që lidheshin me Hezbollahun.

 Presidenti i Francës, Emmanuel Macron deklaroi gjatë një inerviste për “France 24” se Bashar al-Assad do të qëndrojë në pushtet. Sipas tij, është situata në terren ajo që e përcakton një gjë të tillë.

“Bashar al-Assad do të jetë aty. Ai do të jetë sepse ai është i mbrojtur nga ata që kanë fituar luftën në terren, pavarësisht nëse është Irani apo Rusia”, citohet Macron. 

Një gjykatë në Kinë ka dënuar me vdekje 10 persona, të akuzuar për trafik droge apo vrasje dhe grabitje. Gjykimi dhe vendimi është dhënë para mijëra njerëzve që merrnin pjesë në seancën e hapur si spektatorë. Të akuzuarit u ekzekutuan menjëherë pas vendimit të marrë nga gjykata në Lufeng, në jug të provincës së Guangdong.

Kisha Autoqefale e Shkupit kërkoi anëtarësimin në Patriarkanën Bullgare, duke ngjallur reagimin e  Kishës Ortodokse Serbe dhe disa kishave të tjera. Në kërkesë parashtrohej nevoja që Kisha Maqedonase  të dilte nga izolimi në të cilin ajo e gjeti veten pas shkëputjes së Patriarkanës së Serbisë.

Autoritetet ruse kanë shmangur një sulm terrorist të Shtetit Islamik me ndihmën e CIA-s amerikane. Këtë e konfirmoi vetë presidenti rus Vladimir Putin, i cili i telefonoi homologut amerikan për ti shprehur mirënjohjen.

Siç bëjnë të ditur mediat ruse, zyrtarët e CIA-s kishin informuar kolegët e tyre të agjencisë ruse të zbulimit FSB për një plan të militantëve të Shtetit Islamik për të kryer një seri sulmesh terroriste të përmasave të mëdha në Shën Peterburg, më 16 dhjetor.

Me slogane kundër BE-së u takuan të shtunën në një hotel në Pragë liderët nacionalistë të krahut të djathtë nga 10 vende evropiane, duke përfshirë francezen Marine Le Pen, holandezin Geert Wilders, gjermanin Markus Pretzel, italianin Lorenzo Fontana dhe grekun Failos Kranidiotis. Takimi u zhvillua me iniciativën e çeko-japonezi nacionalist Tommy Okamoura me temë "një Europë e e shteteve kombe pa BE-në".

Kohës së Angela Merkelit në Gjermani po i vjen fundi. Kështu shkruhet në një editorial të revistës së njohur “Spiegel” me autor Dirk Kurbjuweit. 
Autori përdor edhe një term të posaçëm: Merkelizmi, i cili përkufizon një periudhë dhe model qeverisjeje në Gjermani dominuar nga konsensusi i përgjithshëm, qetësia dhe mbi të gjitha stabiliteti. Në 12 vjet me radhë këto kanë qenë tiparet e Gjerrmanisë politike duke reflektuar një frymë sigurie edhe në Europën e trazuar nga kriza financiare e vitit 2008 dhe kriza e refugjatëve e vitit 2015. 

Pas luftës gjashtë-ditore të 1967-ës dhe okupimit izraelit të Gazës dhe Sinait, Vëllazëria Myslimane në Palestinë u nda nga trupi amë në Egjipt dhe qëndroi i vetëm. Grupi filloi të bënte përgatitje për t'i rezistuar okupimit izraelit. Njëzet vjet më vonë, në dhjetor 1987, Ibrahim Fares Al-Yazouri dhe kolegët e tij u përfshinë në një kryengritje popullore, duke themeluar Lëvizjen Islame të Rezistencës, të njohur si Hamasi.

Liderët e 25 vendeve anëtare të Bashkimit Europian kanë nënshkruar dje Bashkëpunimin e Strukturuar Permanent(PESCO), një pakt që do të institucionalizojë projekte të përbashkëta dhe rrisë buxhetet e mbrojtjes me objektivin final krijimin e një ushtrie europiane. Vendimi u mor gjatë një samiti të vendeve anëtare të cilin Përfaqësuesja e Lartë e BE-së, Federica Mogherini e cilësoi si historik e që sipas saj rrit kredibilitetin e BE-së duke e kthyer atë në një aktor global që sofron siguri.

Komisioni Federal i Komunikacioneve në SHBA ka marrë dje një vendim që siç raportohet nga mediat amerikane do të ndryshojë mënyrën tonë të ndërveprimit me internetin. Neutraliteti i rrjetit, parimi mbi të cilin funksionon interneti dhe që u sanksionua me vendimet e administratës Obama në vitin 2015. Komisioni ka marrë parasysh lobimin e fuqishëm të kompanive kryesore që ofrojnë shërbimin si Verizon, At&T etj.. Me rregullat e reja, kompanitë kanë të drejtë të tarifojnë përdoruesit për shërbime më cilësore, të bllokojnë faqe të ndryshme etj..