Blloku Bota

Media të ndryshme në rajon po i bëjnë jehonë një deklarate të Daut Haradinajt, vëllai i kryeministrit të Kosovës, Ramush Haradinajt, sipas të cilit një arrestim nga Gjykata Speciale, do të aktivizonte sërish UÇK-në. 
Deklarata u bë për Klan Kosova dhe reflekton tensionin në rritje për çështjen e ngritjessë Gjykatës që e vendos Kosovën dhe luftën e saj në kontekstin e ekuivalencës kriminale me veprimet e forcave serbe. 

Thuajse gjysma e gjermanëve nuk dëshirojnë që kancelarja Angela Merkel të qëndrojë në detyrë edhe për një mandat tjetër 4-vjeçar. Vlerësimi vjen nga një sondazh i kryer nga kompania e anketimeve YouGov dhe agjencia gjermane e lajmeve DPA.

47% e pjesëmarrësve u shprehën kundër qëndrimit të Merkel në krye të vendit, 36% pro, ndërsa 17% ishin të pavendosur. Mbështetja ndaj kancelares ka rënë ndjeshëm në 3 muajt e fundit, që përkon edhe me krizën politike që ka mbërthyer Gjermaninë

2017 ishte viti i fitores mbi Shtetin Islamik, i cili ka humbur pothuajse të gjithë territoret e "kalifatit" në Siri dhe Irak, megjithatë, ekspertët thonë se organizata mbetet ende një kërcënim. Në orët e para të vitit 2017 një i ri Uzbek, i cili u deklarua si "ushtar i kalifatit", hapi zjarr me një kallashnikov në një klub nate në Stamboll, duke vrarë 39 persona.

Erdhi në pushtet me ndihmën e mediave sociale dhe internetit, por sot paralajmëron për rreziqet që ato bartin për shoqërinë. 
“Po gërryejnë debatin qytetar”, është shprehur ish-presidenti amerikan, Barack Obama gjatë intervistës së parë qëkurse la detyrën në Shtëpinë e Bardhë. 
“Një nga rreziqet e internetit është se njerëzit mund të përjetonnë realitete krejtësisht të ndryshme”, vijoi Obama gjatë intervistës me Princin Harrye në programin “Sot” të Radio 24 në BBC.

Informacione se vrasës me pagesë nga Turqia synojnë të godasin akademikë turq, gazetarë dhe shkrimtarë në Gjermani, të cilët janë larguar nga vendi gjatë qeverisjes së  Partisë  së Rexhep Taip Erdogan) kanë trazuar politikën e brendshme në Turqi. Paralajmërimin e dha gjatë një konference shtypi në parlamentin turk, deputeti filokurd me origjinë armene Garo Pailan.

Departamenti amerikan i Shtetit dhe ai i Mbrojtjes pritet të publikojnë vitin që vjen një raport që hedh dritë mbi bashkëpunimin e vendeve të Ballkanit Perëndimor me ShBA-në dhe Rusinë. 
Përmes këtij raporti do të sqarohet pesha që zë një fuqi dhe një tjetër në marrëdhëniet me vende të rajonit tonë. Raporti vjen në një kohë kur propaganda perëndimore ka kohë që flet për rrezikun rus dhe për depërtimin e enteve të asociuara me Kremlinin në politikën e vendeve të kësaj zone. 

Pastrimi i zyrave shtetërore nuk ndalet në Turqi. Të djelën u larguan nga puna 2 756 njerëz të tjerë, që sipas raportimeve të ndryshme, në sytë e autoriteteve turke kanë lidhje me grushtin e shtetit të një viti më parë.

Kisha Orthodhokse e Maqedonisë duket se po fiton statusin e një kishe të njohur nga simotrat e saj, pra të Autoqefalisë. Letra e kësaj kishe drejtuar Kishës Orthodhokse Bullgare - Patriarkanës - ka dhënë efekt dhe sipas agjencisë bullgare të lajmeve, janë krijuar dy komitete përbërë nga pesë mitropolitë secili të cilët zhvilluan një takim më datën 21 dhjetor në Sofie.

1.8  milionë euro për tre vjet. Kjo është shifra që është shpenzuar nga televizioni publik maqedonas, MRTV për dokumentarë që reflektonin ideologjinë e partisë në pushtet VMRO - DPMNE. 
Lajmi bëhet i ditur nga BIRN sipas të cilit televizioni ka shfrytëzuar të drejtën për të bashkëpunuar me shtëpi të pavarura produksioni për të prodhuar në fakt dokummentarë historikë që shkonin për shtat me vijën megallomane të imponuar nga Gruevski. 

Koreja e Veriut i quajti sanksionet e fundit të OKB-së "si një sulm të dhunshëm mbi sovranitetin e vendit dhe një akt lufte që shkatërron paqen dhe stabilitetin e Gadishullit Korean dhe gjithë rajonit".

Sipas njoftimit, të Ministrisë së Jashtme Koreano Veriore, armët bërthamore të Koresë së Veriut janë një mjet parandalimi që synon vetëmbrojtjen dhe nuk janë në kundërshtim me ligjin ndërkombëtar.