Blloku Bota

Kompania  ThyssenKrupp Marine Systems (TKMS) do t’i dorëzojë Ankarasë gjashtë nëndetëse ofensive të cilat janë bashkëprodhim me një kompani turke. Pëlqimi për ndërtimin e tyre ishte dhënë në vitin 2009 nga qeveria gjermane.

Sipas ARD, ndërtimi i nëndetëseve të klasit 214 kishte filluar në 2015 dhe kishte vazhduar edhe pas përpjekjes së dështuar për grusht shteti në Turqi. "Armatimet që i janë dhënë Turqisë në formën e nëndetësese agresive janë plotësisht të përshtatshme për një ofensivë turke në Mesdhe"- tha Sevim Dağdelen, zëdhënëse e partisë, Die Linke.

CEZ, kompania çeke që operon në fushën e energjetikës vazhdon të krijojë probleme në Bullgari. Agjencia bullgare e lajmeve, BTA, njofton se shitja e aksioneve të CEZ ndaj një kompanie të dyshimtë vendase ka provokuar debate të forta politike. Bëhet fjalë për rrjetin e shpërndarjes së energjisë elektrike, të cilin CEZ ka menduar ta kalojë drejt një kompanie të quajtur Pazardjik që zotërohet nga Ginka Vubarkova.

Godina e re e ambasadës përfaqëson përmbushjen e një politike të jashtme që i njeh Izraelit kryeqytet Jeruzalemin. Godina përfundon pas gjashtë vjetësh dhe hapja e saj javën që vjen do të jetë simboolike. 

“Kosova do të jetë fundi im politik”. Kështu është shprehur presidenti i Serbisë, Aleksandër Vuçiç, gjatë një interviste me tabloidin “Kurir” duke nënvizuar se “serbët nuk do të ma falin çdo zgjidhje për Kosovën”.

Të tillë janë serbët. Serbët nuk do të më falin kurrë për të ardhmen e tyre më të mirë dhe paqen që ofroj. Në Serbi vetëm humbjet dhe luftërat festohen

ka thënë ai.

"Të gabuar" dhe "absurd" e quan Ministria e Jashtme turke propozimin e deputetëve të Kongresit Amerikan  për të imponuar sanksione mbi sektorin e mbrojtjes.
Ministri i Jashtëm turk ka paralajmëruar se qasja e SHBA ndaj kësaj çështjeje është e papërshtatshme për vendet aleate dhe se Ankaraja do të hakmerret nëse shitjet e armatimeve amerikane për Turqinë do të  ndërpriten.

Një person që po gjykohej në një gjykatë të Utah në SHBA ka tentuar të largohet nga salla e gjyqit duke u hedhur nga kati i dytë. Në pamjet video të publikuara duket Christopher Clay Rudd që largohet me shpejtësi nga salla dhe me një salto hidhet nga ballkoni i brendshëm i katit të dytë, ndonëse me duar të lidhura. Ai theu legenein, këmbën dhe pësoi frakturë në kafkë.

I arrestuar për trafik droge, Rudd, 35 vjeç tani do të akuzohet edhe për tentativë arratisjeje.

Trump është i padëshiruar në shumë ambjente. Por refuzimi i senatorit John McCain është ndoshta i pari që nuk pranon presidentin e SHBA në funeral. 
Rrjeti televiziv NBC citon njerëz pranë McCain për dëshirën e tij ndërkohë që senatori është duke luftuar me kancerin në tru dhe ka pak shanse të rikuperojë. Senatori ka shprehur dëshirën që në funeral nga Shtëpia e Bardhë të jetë zv.presidenti Mike Pence. 

Presidenti francez Emmanuel Macron ka deklaruar se tërheqja e ShBA nga marrëveshja bërthamore me Iranin mund të çojë në luftë. 
Macron e ka nërë deklaratën në një intervistë me revistën gjermane “Spiegel” që citohet nga media të ndryshme. 

Kjo do të thoshte hapje e kutisë së Pandorës, do të thoshte luftë. Nuk besoj se Donald Trump do luftë

citohet Macron. 

Siguria kombëtare në plan të parë. Ky është synimi i riorganizimit të ushtrisë gjermane që njoftohet sot nga media vendase. Gazeta “Süddeutsche Zeitung” shkruan për një raport zyrtar sipas të cilit ministrja Ursula von der Leyen synon riorganizmin e ushtrisë, përqendrimin në sigurinë kombëtare pa hequr dorë nga angazhimet jashtë kufirit.

Academia suedeze ka vendosur të shtyjë dhënien e çmimit Nobel për letërsinë për vitin 2018. Njoftimi është bërë nga vetë academia e cila deklaron se ka patur mbështetjen edhe të fondacionit Nobel për këtë vendim që është marrë pas skandalit seksual që ka njollosur akademinë.

Vendimi i tanishëm erdhi në dritën e largimeve nga academia dhe rënies së besimit ndaj saj

thuhet ndër të tjera në njoftimin për shtyp.