Blloku Bota

Serbia do të tërheqë njohjen e Maqedonisë nëse kjo e fundit do të zyrtarizojë votën pro hyrjes së Kosovës në UNESCO. Lajmi bëhet i ditur nga mediat serbe, Vecernje Novosti, sipas të cilës autoritetet e Beogradit do të monitorojnë situatën dhe po përgatisin masat që do të ndërmarrin.

Bëhet fjalë për periudhën kohore të tanishme, pasi Prishtina ka të drejtë të riparaqesë kandidaturën një herë në dy vjet dhe herën e fundit, e provoi në vitin 2017.

Të paktën 6700 myslimanë Rohingya janë vrarë brenda një muaji në Mianmar që prej nisjes së dhunës ndaj kësaj pakice, në muajin gusht. Shifra vjen nga “Mjekë pa Kufij” dhe i referohet priudhës nga 25 gusht në 24 shtator, duke kundërshtuar raportin zyrtar të autoriteteve birmaneze, që vlerëson se ky numër është rreth 400. Në total gajtë kësaj periudhe, janë 9 mijë myslimanët që kanë humbur jetën në Mianmar, 6700 prej tyre të vrarë me armë zjarri, të djegur apo të rrahur për vdekje. Grafika

Greqia, Maqedonia dhe Serbia duan të ndërtojnë një kanal që, sipas Alexis Tsipras, "mund të ndryshojë gjeografinë e Ballkanit". Kjo është ajo që gazeta gjermane Die ëelt thekson duke iu referuar planeve për të ndërtuar një kanal që lidh Danubin me Mesdheun.

"Është një "punë mbresëlënëse" që synon lidhjen e Danubit përmes Moravës me Axios, dhe Gjirin Termaik, në perëndim të Selanikut për në Egje"- thuhet në raport. Nëse projekti zbatohet, do të jetë një nga më të mëdhenjtë në Evropë. 

Departamenti Penal i Gjykatës së Lartë vendosi t’u dorëzojë autoriteteve amerikane, Alexander Vinniki. Ai është i akuzuar nga autoritetet amerikane për pastrimin e 4 miliardë dollarëve përmes monedhës dixhitale (Bitcoin)

Këto para dyshohet se janë të ardhura nga aktivitete kriminale.

Megjithatë, fjalën e fundit për çështjen e 38-vjeçarit rus e ka tani ministri grek i Drejtësisë, Stavros Kontonis, i cili ka të drejtën të rrëzojë vendimin e Gjykatës së Lartë.

Disa media greke po i lënë vend sot një libri të publikuar në Gjermani nga dy autorë: Karl Heinz Roth dhe Hartmut Rübner, sipas të cilëve borxhi gjerman ndaj Greqisë, krijuar nga pasojat e pushtimit gjatë Luftës së Dytë Botërore, arrin në 185 miliardë euro.

Thirrje për të njohur Jeruzalemin Lindor si "kryeqytet të Palestinës" bëri presidenti turk Rexhep Taip Erdogan si reagim ndaj vendimit të Presidentit amerikan për të transferuar ambasadën nga Tela Avivi në Jeruzalem. 

"Unë u bëj thirrje vendeve që mbrojnë të drejtën ndërkombëtare të njohin Jerusalemin e okupuar si kryeqytetin e Palestinës", tha Erdogan në fillim të samitit të jashtëzakonshëm të Organizatës së Bashkëpunimit Islamik në Konstandinopojë. Në të njëjtën kohë, presidenti turk e përshkroi Izraelin si një "shtet terrorist". 

Kim Jong Un duket se ka fituar bastin me ShBA. Dy javë pas testit më të fundit bërthamor të zhvilluar nga Korea e Veriut, sinjalet nga Washingtoni janë zbutur për shtetin komunist. Sekretari amerikan i Shtetit, Rex Tillerson, ka deklaruar se ShBA është e gatshme të bisedojë, duke u tërhequr nga kushtet e deritanishme për Phenianin, sipas të cilave çdo negociatë duhet të paraprihej nga heqja dorë enga arsenali bërthamor. 

“Le të takohemi”, citohet të jetë shprehur Tillerson gjatë një fjalimi në Këshillin e Atlantikut.

Beogradi zyrtar ka reaguar menjeherë pas premtimeve të kryeministrit maqedonas Zoran Zaev se do të mbështesë kandidaturën e Kosovës për anëtarësim në UNESCO. Ministri serb i Mbrojtjes, Aleksandër Vulin, deklaroi dje përmes një daljeje të posaçme për shtyp, se kryeministri i Maqedonisë nuk e ka mbajtur fjalën ndaj Serbisë. Sipas tij, pak kohë më parë, Zaev kishte deklaruar se do të abstenonte për kandidaturën e Prishtinës në UNESCO, ndërkohë që në vizitën e fundit në Kosovë, ka thënë tjetër gjë.

Kryeministri izraelit Benjamin Netanjahu nisi turin në Evropë për t'u kërkuar aleatëve të njohin Jerusalemin si kryeqytet të Izraelit, siç bënë SHBA, por u përball me një mohim të vendosur nga ministrat e jashtëm europianë, të cilët besojnë se ky veprim minon procesin e paqes. 

Gjatë vizitës së tij të parë në selinë e BE-së në Bruksel, Netanjahu tha se shpallja e Presidentit Donald Trump i shërbeu paqes në Lindjen e Mesme "duke theksuar se realiteti aktual është themeli i paqes".

Presidenti rus Vladimir Putin ka njoftuar sot se Rusia do të tërheqë forcat e saj nga Siria. Pas një takimi me presidentin sirian Bashar al Assad në bazën ajrore të Khmeimim në Latakia, Putin ka zbardhur vendimin në fjalë që duket se ka qenë disi i papritur.

“Kam marrë një vendim: një pjesë e rëndësishme e trupave ruse në Siri do të kthehet në shtëpi. Kam urdhëruar ministrin e Mbrojtjes dhe shefin e Shtabit të Përgjithshëm që të nisin tërheqjen e trupave ruse në bazat e tyre të përhershme”, citohet presidenti rus.