Blloku Bota

Protestat në Greqi  kundër opsioneve që po diskutohen me Shkupin zyrtar për emrin e Maqedonisë kanë patur edhe përfshirjen e Kishës Orthodhokse Greke. Si një nga organizatoret e tyre, Kisha ka dalë hapur në një angazhim poilitik dhe shoqëror që pak duket se ka të bëjë me misionin e saj, e për më shumë me mesazhet dhe tekstet që ajo referon në mësimet e veta.

Finalizohet marrëveshja për krijimin e qeverisë së koalicionit të madh në Gjermani, mes konservatorëve të Angela Merkel, dhe socialdemokratëve të Martin Schulz.
Përsa i përket "ndarjes" së ministrive, një burim i cituar nga agjencia Reuters konfirmoi informacionin se socialdemokratët marrin Ministritë e Financave, Punëve të Jashtme, Drejtësisë, Mjedisit, Punës dhe Çështjeve Sociale.

Kryeministri maqedonas Zoran Zaev ka deklaruar se qeveria e tij është e përgatitur për pranimin e një emri të ri që do të mbështetej mbi kriterin gjeografik.

“Ne jemi të përgatitur për një kualifikim gjeografik por do të ndalim aty sepse kjo është një çështje kyçe dhe i jep shansin negociatave që të mbërrijnë në një zgjidhje”, citohet ai gjatë një konference të përbashkët për shtyp me ambasadorin e BE-së në Shkup, Samuel Zbogar.

Bashkimi Europian parashikon sanksione ndaj Mbretërisë së Bashkuar nëse kjo e fundit do të shkellë marrëveshjen e arritur për periudhën tranzitore.  EuObserver raporton se sipas një dokumenti të miratuar së fundmi nga vendet anëtare, garantohet një mekanizëm që i lejon Unionit të pezullojë disa benefite për MB-në që ajo i ka nga pjesëmarrja në tregun e brendshëm europian…Po kështu ky mekanizëm zëvendëson praktikën e ndjekjes së çështjeve në Gjykatën Europiane, për shkak se ajo kërkon kohë.

Predispozita e treguar për të zgjidhur problemet me Greqinë nuk ka të bëjë me ndonjë reflektim të qeverisë shqiptare apo kryeministit Rama në raport me Athinën, por sepse Tiranës i është bërë e qartë se asnjë derë nuk hapet pa tejkaluar jo vetëm retorikën nacionaliste, por edhe cëcshtjet e kufinjve.

Agjencia ruse e lajmeve “Sputnik” shkruan së fundmi se Greqia do të njohë së shpejti Kosovën nëse një gjë të tillë do ta kërkojë ShBA. 
Sipas rrjetit në fjalë ka arsye ekonomike dhe sigurie për këtë veprim të pritshëm të Greqisë, sidomos për faktin se nevojat e politikës së jashtme të ShBA në Ballkan imponojnë sigurimin përfundimtar të kufijve në një rajon ku kriza nis pikërisht prej tyre. 
Po kështu agjencia në fjalë vlerëson se njohja e Kosovës nga Greqia lidhet edhe me pretendimet territoriale të shqiptarëve dhe turqve dhe njohja do të shmangte një aspiratë të tillë. 

"Nuk juk kam frikë, Unë kam besim te Allahu", tha këtë të hënë para Gjykatës në Bruksel,  Salah Abdeslam, i mbijetuari i vetëm i sulmeve terroriste të 13 nëntorit 2015 në Paris, ku u vranë 130 persona."Unë nuk dua t’i përgjigjem asnjë pyetje, por heshtja ime nuk më bën kriminel, është mbrojtja ime"-tha 28 vjeçari i akuzuar në fillim të gjyqit që nisi nën masa të forta sigurie në kryeqytetin belg.

"Turqia do të jetë gjithmonë në anën e Maqedonisë” mësohet të ketë deklaruar Presidenti turk Rexhep Taip Erdogan, në një konferencë të organizuar në Stamboll nga shoqatat e emigrantëve të Ballkanit, aktivitet i transmetuar live në mediat turke.

Qeveria greke nuk ka ndërmend të heqë dorë nga negociatat për emrin e Maqedonisë, pavarësisht protestave masive të ditës së djelë. Mininistri i Jashtëm Nikos Kotzias, raportohet të ketë deklaruar se pjesëmarrja nuk ishte e tillë saqë të detyronte qeverinë të rimentonte strategjinë e saj.

George Soros vihet nën akuzë publike edhe nga kreyministri izraelit, Beniamin Netanyahu. Sipas kreut izraelit, Soros qëndon pas një fushate protestash kundër planit të Izraelit për të deportuar disa mijëra afrikanë që kanë aplikuar për azil.