Blloku Bota

Disa media në SHBA i kanë kushtuar vëmendje publikimit të një raporti të administratës Trump mbi gjendjen e kapaciteteve ushtarake bërthamore të vendit.

Mediat ruse kanë raportuar sot rrëzimin e një avioni Su-25 në rajonin e Idlib në Siri. Videot e shpërndara i atribuojnë sulmin grupit Jabhat Fatah al-Sham, pasardhës i Al-Nusras dhe sipas të dhënave kanë përdorur sistem kundërajror të lëvizshëm. Kremlini raportoi se pas sulmit ka urdhëruar sulm ajror në zonë e ku pretendohet se ka likujduar 30 militantë. Gjithësesi nuk është ende e konfirmuar se kush e ka rrëzuar avionin ndërkohë që piloti është vrarë në tokë pasi hedhjes me katapultë. Ministria ruse e Mbrojtjes njofton se bashkë me Turqinë po bëjnë përpjekje për tërheqjen e trupit.

Në diskutimin për emrin e Maqedonisë ka ndërhyrë së fundmi edhe kreu I BDI-së, Ali Ahmeti, i cili është në pushtet në koalicion me kryeministrin maqedonas Zoran Zaev. Në një intervistë për gazetën konservatore greke “Kathimerini”, Ahmeti siguron palën greke se “vendi ynë nuk ndonjë pretendim territorial ndaj Greqisë”, me ç’rast sipas tij, Athina duhet të marrë një tjetër qëndrim.

61% e maqedonasve mbështesin zgjidhjen për çështjen e emrit të Maqedonisë për të përshpejtuar integrimin e vendiot në BE dhe NATO.Sipas një sondazhi të kryer nga Instituti për Demokraci në Shkup nga 50% e qytetarëve sllavë (30% plotësisht, 20% pjesërisht) dhe 95% e qytetarëve shqiptarë (84% plotësisht, 11% pjesërisht) janë pro zgjidhjes së çështjes së emrit.

Kjo është mbështetja më e lartë e regjistruar në vitet e fundit në sondazhet e opinionit  publik për çështjen e ndryshimit të emrit.

Donald Trump përplaset me FBI rreth përgjimeve në zgjedhjet presidenciale të vitit 2016. Demokratët në Kongresi Amerikan  dorëzuan një memorandum, përmes së të cilit akuzohet FBI se ka abuzuar me ligjin duke hetuar fushatën presidenciale të Donald Trump, me qëllim favorizimin e demokratëve të Hillari Klintonit.

Gjykata Sportive e Arbitrazhit në Lozanë ka anuluar sanksionet e vendosura nga Komiteti Olimpik Ndërkombëtar (KON) ndaj 28 sportistëve rusë, pasi këta të fundit ankimuan përjashtimin e tyre të përjetshëm nga pjesëmarrja në Lojërat Olimpike.
Arbitrazhi i konsideroi provat e mbledhura si “të pamjaftueshme për të konfirmuar shkeljen e rregullave kundër dopingut”, për të cilën arsye sportistët u shpallën të pafajshëm.

Kryeministrja e Serbisë, Ana Brnabic, ka deklaruar se Bashkimi Europian nuk e ka njohjen e Kosovës si kusht për anëtarësimin e Serbisë. Ajo ka folur gjatë një mbledhjeje të përbashkët mes qeverisë serbe dhe asaj sllovene gjatë së cilës referoi qëndrimet e presidentit të Parlamentit Europian, Tajani.

Kjo ka ndodhur në Britaninë e Madhe ku Lordi Michael Bates, ka dhënë dorëheqjen për shkak të vonesës në seancën e pyetjeve të kërkuar nga Baronesha Lister. Bates ka kërkuar ndjesë, e ka konsideruar aktin e tij si shkelje të një satandardi sjelljeje dhe është larguar. Më vonë, në një pronocim për mediat, Baronesha tha se i ka kërkuar Lordit Bates të rikonsiderojë vendimin.

Revista e njohur “The Economist” ia kushtonte edicionin print të datës 25 janar kursit konfliktual ku kanë hyrë fuqitë e mëdha të botës. Revista sjell në vëmendje konfliktet e kufizuara të 25 viteve të fundit dhe ato që ende vazhdojnë, si në Siri, Afganistan, Afrikën Qendrore dhe Irak, për të konkluduar se në botë ka zhvendosje thelbësore gjeopolitike të cilat e sfidojnë rrënjësht rolin e deritanishëm të SHBA.

Donald Tramp zbuti tonet e ashpra kundër emigrantëve dhe i shtriu dorën e bashkëpunimit në Kongres rivalëve demokratë, në fjalimin vjetor i gjendjen e vendit, i njohur botërisht si “State of the Union”. Në një fjalim që zgjati 1 orë e 20 minuta Presidenti amerikan shpalosi planin e ri për emigrantët e jashtëligjshëm, duke lënë të kuptohet se askush nuk do të dëbohet, pas shfuqizimit të të ashtuquajturit “ligj të ëndërrimtarëve” të administratës Obama.