Blloku Bota

 Polonia pretedon e Gjermania i detyrohet 850 miliardë dollarë dëme si pjesë e reparacioneve të Luftës së Dytë Botërore.

Të paktën ky është pretendimi i polakëve përmes Arkadiusz Mularczyk i partisë në pushtet, Ligj dhe Drejtësi. Ai drejton një ekip parlametar që u ngrit në muajin shtator për të vlerësuar dëmshpërbliminn që Gjermania duhet të japë si pasojë e pushtimit që kreu në vitin 1939.

Dy ushtarakët grekë të arrestuar nga autoritetet turke në kufirin mes Evros dhe rajoneve turke do të përballen me akuzat e tentativës së spiunazhit.  Mediat turke raportojnë se përveç armëve atyre u janë konfiskuar telefonat e tyre celularë. Më parë qeveria greke, përmes përfaqësuesve të saj ishte përpjekur për të ulur tonet, duke theksuar se incidenti ndodhi vetëm për shkak të kushteve të motit në  këtë rajon.

Dy pjesëtarë të ushtrisë greke u arrestuan nga autoritetet turke në vijën kufitare të Kastanies. Siç konfirmoi nga Shtabi i Përgjithshëm i ushtrisë greke në një deklaratë, bëhet fjalë për është një toger dhe një ushtar të cilët  ishin çorientuar për shkak të stuhive intensive, duke kaluar në territorin fqinj.
Incidenti ndodhi të enjten. Si pas njoftimit "patrulla ushtarake e përbërë nga dy drejtuesit e ushtrisë kaloi kufirin në  sipërfaqen pyjore të Kastanies për shkak të kushteve të pafavorshme të motit"

Michael Wolff, autori i librit “Zjarr dhe tërbim” që vuri përballë një situate shumë të sikletshme Shtëpinë e Bardhë dhe Presidentin Donald Trump, është përballur vetë me një moment të palavdishëm. Të paktën sipas raportimit të disa mediave, Wolff i ka bishtnuar një pyetjeje të bërë gjatë një interviste me “Channel 9” në Australi.

Ai u pyet për një deklarim të një muaji më parë, sipas të cilit, Trump ka aktualisht një lidhje jashtëmartesore, madje duke shtuar se “jam i sigurtë për këtë”.

“A i detyroheni presidentit dhe Zonjës së Parë një falje”? ishte pyetja.

Vetëm disa ditë para zgjedhjeve parlamentare të 4 marsit në Itali, pasiguria për të formuar një qeveri të shumicës mbetet rezultati i vetëm "parashikueshëm". Partitë më të mëdha politike dhe aleancat e krijuara tashmë kërkojnë rrugëdalje në fraksione të tjera, në tentativë për të arritur një marrëveshje programore për bashkëpunimin qeveritar.

Skandalet i kanë kushtuar shumë shtrenjtë producentit të famshëm, Harvey Wienstein. Media të ndryshme raportojnë se pas dështimit në përpjekje për ta shitur kompaninë, Weinstein po shkon drejt idesë së falimentimit.

Diksutimi për zgjedhjet në Rusi, ka provokuar një incident në debatin e organizuar nga Mehdi Hasan, në programin e tij, UpFront në Al Jazeera. Një prej gazetarëve të ftuar në panel, Valdimir Pozner, ka lënë studion për shkak se siç tha ai “nuk dua të përfshihem në një debat ideologjik”. Veprimi i tij erdhi pas diskutimeve në studio të dy të ftuarve të tjerë, gazetares Evgenia Albats dhe aktivistit Vladimir Kara-Murza. Sipas Pozner, njerëzit votojnë për Putin jo sepse janë budallenj dhe mbështetja për presidentin rus duhet parë për atë që është, jo për të përpunuar analiza subjektive.

Partia Komuniste e Kinës ka propozuar shfuqizimin e një klauzole kushtetuese që kufizon mandatin presidencial në dy mandate. Sipas propozimit të ri, presidenti dhe zv.presidenti mund të shërbejnë deri në pesë mandate, një shenj e qartë kjo e vullnetit për t’u përjetësuar në pushtet.

Lëvizja konfirmon dyshimet se Xi Jinping ka patur synime për ta ushtruar pushtetin aktiv përtej vitit 2023, ndërkohë që në Kongresin e fundit të partisë, ndikimi dhe fuqia e tij u afrimuan me një tejtër forcë.

Legjislacioni i ri polak që e shpall si antiligjore fajësimin e shtetit polak për veprimet e kryera në kuadër të Holokaustit ka provokuar debate shumë të mëdha në arenën ndërkombëtare. Bashkimi Europian i ka kërkuar Polonisë që të anullojë ligjin për shkak se ai përmban frymë antisemitiste. Kryeministri polak Mateusz Morawiecki shkoi më tej kur tha se gjatë Holokaustit kishte patur bashkëpunëtorë hebrenj po aq sa edhe polakë, një akuzë që duket se kërkon të rishkruajë një paradigmë morale që rrodhi nga Lufta e Dytë Botërore.

Parlamenti holandez ka votuar për ta njohur si genocid masakrën e vitit 1915 të Perandorisë Osmane  mbi 1.5 milionë armenë. Ky votim është pasuar me një “përplasje” diplomatike mes Holandës dhe Turqisë, e cila ka tërhequr ambasadorin e saj.

Mocioni gjeti mbështetjen e të gjitha partive të mëdha. Ai vjen pak ditë pasi qeveria turke foli për ndryshim të marrëdhënieve me Holandën. Ndërsa ministri i Jashtëm turk tha se mocioni i miratuar nuk do të njihet si i ligjshëm.