Blloku Bota

“Kosova do të jetë fundi im politik”. Kështu është shprehur presidenti i Serbisë, Aleksandër Vuçiç, gjatë një interviste me tabloidin “Kurir” duke nënvizuar se “serbët nuk do të ma falin çdo zgjidhje për Kosovën”.

Të tillë janë serbët. Serbët nuk do të më falin kurrë për të ardhmen e tyre më të mirë dhe paqen që ofroj. Në Serbi vetëm humbjet dhe luftërat festohen

ka thënë ai.

"Të gabuar" dhe "absurd" e quan Ministria e Jashtme turke propozimin e deputetëve të Kongresit Amerikan  për të imponuar sanksione mbi sektorin e mbrojtjes.
Ministri i Jashtëm turk ka paralajmëruar se qasja e SHBA ndaj kësaj çështjeje është e papërshtatshme për vendet aleate dhe se Ankaraja do të hakmerret nëse shitjet e armatimeve amerikane për Turqinë do të  ndërpriten.

Një person që po gjykohej në një gjykatë të Utah në SHBA ka tentuar të largohet nga salla e gjyqit duke u hedhur nga kati i dytë. Në pamjet video të publikuara duket Christopher Clay Rudd që largohet me shpejtësi nga salla dhe me një salto hidhet nga ballkoni i brendshëm i katit të dytë, ndonëse me duar të lidhura. Ai theu legenein, këmbën dhe pësoi frakturë në kafkë.

I arrestuar për trafik droge, Rudd, 35 vjeç tani do të akuzohet edhe për tentativë arratisjeje.

Trump është i padëshiruar në shumë ambjente. Por refuzimi i senatorit John McCain është ndoshta i pari që nuk pranon presidentin e SHBA në funeral. 
Rrjeti televiziv NBC citon njerëz pranë McCain për dëshirën e tij ndërkohë që senatori është duke luftuar me kancerin në tru dhe ka pak shanse të rikuperojë. Senatori ka shprehur dëshirën që në funeral nga Shtëpia e Bardhë të jetë zv.presidenti Mike Pence. 

Presidenti francez Emmanuel Macron ka deklaruar se tërheqja e ShBA nga marrëveshja bërthamore me Iranin mund të çojë në luftë. 
Macron e ka nërë deklaratën në një intervistë me revistën gjermane “Spiegel” që citohet nga media të ndryshme. 

Kjo do të thoshte hapje e kutisë së Pandorës, do të thoshte luftë. Nuk besoj se Donald Trump do luftë

citohet Macron. 

Siguria kombëtare në plan të parë. Ky është synimi i riorganizimit të ushtrisë gjermane që njoftohet sot nga media vendase. Gazeta “Süddeutsche Zeitung” shkruan për një raport zyrtar sipas të cilit ministrja Ursula von der Leyen synon riorganizmin e ushtrisë, përqendrimin në sigurinë kombëtare pa hequr dorë nga angazhimet jashtë kufirit.

Academia suedeze ka vendosur të shtyjë dhënien e çmimit Nobel për letërsinë për vitin 2018. Njoftimi është bërë nga vetë academia e cila deklaron se ka patur mbështetjen edhe të fondacionit Nobel për këtë vendim që është marrë pas skandalit seksual që ka njollosur akademinë.

Vendimi i tanishëm erdhi në dritën e largimeve nga academia dhe rënies së besimit ndaj saj

thuhet ndër të tjera në njoftimin për shtyp.

Disa media në SHBA po paralajmërojnë një konflikt ushtarak mes Iranit dhe Izraelit në Siri. Shkas për këto njoftime shqetësuese është bërë një sulm izraelit në qytetin sirian të Hama ku mbetën të vrarë mbi 24 ushtarë iranianë dhe u shkatërruan dërgesa ushtarake të dërguara nga Teherani. Sipas lajmeve të djelën, avionë F 15 të Izraelit goditën në Hama ku është stacionuar brigade e 47 iraniane.

Presidenti i SHBA, Donald Trump ka njoftuar të tjera ndryshime në politikën e jashtme, kur është shprehur së fundmi se “vendi ynë nuk ka dëshirë të jetë polici i botës”.

Përherë e më shumë ne nuk dëshirojmë të jemi polici i botës. Ne kemi shpenzuar sasi të jashtëzakonshme parash në dekadat e mëparëshme në policimin e botës dhe kjo nuk duhet të jetë prioriteti ynë. Ne duam të jemi policë të vetvetes. Ne duam të rindërtojmë vendin tonë

Teatri politik dhe mediatik i kryeministrit izraelit, Beniamin Netanyahu, me kërcënimin Iranian duket se nuk ka ngjitur. Pretendimi i tij se Irani ka gënjyer për programin bërthamor bazuar në të ashtuquajturat dokumente sekrete që Izraeli ka arritur të shtjerë në dorë, është vlerësuar gjerësisht si përpjekje politike për të ndikuar presidentin amerikan, Donald Trump.