Blloku Bota

Komisioni Evropian do të propozojë në shtator shtimin e 10 mijë trupave të Fronteks për të ruajtur më mirë kufiijtë e jashtëm të BE-së.  Këtë e deklaroi kreu i Komisionit Jean-Claude Juncker në një konferencë të përbashkët shtypi me kancelarin austriak Sebastian Kurtz në Vjenë. Sipas Juncker, shtetet anëtare kanë rënë dakord për një ruajtje më të mirë të kufijve të jashtëm të BE-së dhe atje do të përqendrohen edhe përpjekjet e Presidencës austriake.

Ministri i Jashtëm serb. Ivica Daçiç është shprehur në një intervistë për serben “Telegraf” se presidenti amerikan, Donald Trump, mund të vizitojë Serbinë në një kohë të afërt. Sipas tij, vizita mund të zhvillohet ose në fund të këtij viti, ose në pranverën e ardhshme.

Associates Press raporton së fundmi për një ide të presidentit aktual të SHBA-së, Donald Trump, për pushtimin eventual të Venezuelës. Sipas AP, Trump ka pyetur për mundësinë e një pushtimi gjatë një bisede në Shtëpinë e Bardhë, gushtin e vitit të kaluar, e ku në të cilin ishin prezent edhe ish-sekretari i Shtetit, Rex Tillerson dhe Këshilltari për Sigurinë Kombëtare, H.R McMaster.

Kandidati i opozitës turke për zgjedhjet presidenciale, Muharrem Ince, i cili humbi betejën elektorale me Erdogan në 24 Qershor ka shpallur ambicjen për të marrë drejtimin e Partisë Republikane (CHP), e njohur ndryshe si partia e qemalistëve.

Armiqësia e egër mes Iranit dhe Izraelit ka nxitur akuza absurde që shkojnë nga ato për qenien e Iranit si kërcënimi kryesor për paqen në botë e deri tek një më e fundit, e ardhur nga një përfaqësues iranian, sipas të cilit Izraeli po i vjedh Iranit retë dhe borën me synim që ta çojë në rrënim për shkak të thatësirës.

Gjenerali Gholam Reza Jalali, kreu I Mbrojtjes Civile të Iranit është shprehur në një konferencë për shtyp se ka prova sipas të cilave Izraeli po kufizon rënien e shiut mbi hapësirën iraniane.

Mediat serbe shkruajnë se takimi mes presidentit amerikan, Donald Trump dhe atij rus, Vladimir Putin, mund të sjellë një zgjidhje të dakordësuar edhe për çështjen e Kosovës. Gazeta “Blic” citon burime diplomatike, sipas të cilave diplomacia serbe e shikon këtë si mundësi, përkundrejt dialogut rraskapitës dhe të zgjatur të ndërmjetësuar nga Europa.

Ministri i Jashtëm rus, Sergey Lavrov ka dhënë në datën 29 qershor një intervistë për Channel 4 në Rusi. Tema e intervistës është ajo që Lavrov e përkufizon si Rendi i ri Botëror Post-Perëndimor. Një tezë e njohur që propagandohet prej tij, por që së fundmi po merr kuptim me realitetet e reja shpërbëresë në BE dhe në NATO. Të dyja organizata të Perëndimit janë në krizë të thellë, për to madje flitet edhe për shpërbërje.

Në një takim të mbajtur në muajin prill në Shtëpinë e Bardhë presidenti amerikan Donald Trump i sugjeroi homologut të tij francez Emmanuelle Makron të tërhiqet nga Bashkimi Evropian dhe të firmosë një marrëveshje dypalëshe me Shtetet e Bashkuara. "Pse nuk ikën nga BE?", mësohet t’i ketë thënë Trump presidentit Makro, i cili u zgjodh në krye të Elizesë e me një program të qartë pro-evropian.

Kisha Orthodhokse greke, përfshirë Patriarkanën e Stambollit, ku ajo ka selinë qendrore kryesore, është përfshirë prej një muaji në një debat shumë të madh që ka të bëjë me disa teza të hedhura nga miliarderi greko amerikan, Efstathios(Stathios-Steve) Valiotis.

Gjykata e Lartë në Serbi ka dënuar me dy vjet heqje lirie, Mirjana Markoviç, bashkëshortja e ish-presidentit serb, Sllobodan Millosheviç. Akuza për Markoviç ishte për posedim të paligjshëm apartamentesh në vitin 2000 dhe ajo merr fund 15 vjet pas zyrtarizimit të saj.

Markoviç u dënua në mungesë pasi ajo që në vitin 2005 është në kërkim ndërkombëtar dhe bashkë me të dënime u dhanë ede për Zivka Knezeviç, ish-sekretare e qeverisë serbe dhe për ish-drejtorin e Shërbimeve Diplomatike, Milos Loncar. Markoviç ndodhet në Rusi si azilante politike.