Blloku Bota

Parlamenti i Izraelit miratoi të enjten një ligj që përcakton se vetëm hebrenjtë kanë të drejtën e vetëvendosjes në vend, vendim që pjesëtarët e pakicës arabe e quajtën me prapavijë raciste dhe që e kthen vendin në një regjim aparteidi.

Ligji që sanksionon "kombin-shtet të hebrenjve" në favor të cilat ishte shprehur qeveria e krahut të djathtë u miratua me 62 vota në favor, 55 kundër, ndërsa dy prej 120 anëtarëve të parlamentit izraelit abstenuan. Disa deputetë arabo-izraelitë reaguan ashpër duke grisur kopjet e tekstit pas votimit.

Anullohet vizita e ministrit të jashtëm rus në Athinë, Sergei Lavrov. Duke iu referuar agjencinë ruse të lajmeve TASS, Reuters citon ambasadorin rus në Greqi të jetë shprehur se “koha e vizitës së planifikuar në vjeshtë të Sergei Lavrov në Athinë nuk është e përshtatshme".

Klima mes dy vendeve është veçantërisht e tensionuar pas vendimit të Athinës për të dëbuar dy diplomatë rusë të dyshuar për nxitje të zërave kundër nënshkrimit të marrëveshjes me Maqedoninë për emrin.

Përfaqësues politikë të shqiptarëve të Luginës së Preshevës kërkojnë që dialogu Serbi-Kosovë të përfshijë edhe këtë rajon. Agjencia serbe “B92” raporton për një deklaratë të Ragmi Mustafës për televizionin T7, përmes të cilës ai ka kërkuar që delegacioni Kosovar i drejtuar nga presidenti Hashim Thaçi të konsiderojë seriozisht përfshirjen në diskutime me Serbinqë në çështjes së Luginës së Preshevës.

Kryebashkiaku i Bujanovcit, Sahip Kamberi ka theksuar se

Qeveria e Malit të Zi e ka futur vendin në atë që mund të quhet eksperimenti shqiptar i infrastrukturës. Agjencia “Reuters” raportonte dje në mënyrë kritike projektin e ndërtimit të rrigës 165 km të gjatë që lidh portin e Tivarit me Serbinë, rrugë që kalon nëpër ura të mëdha dhe tunele.

Ka mjaftuar një status në tuiter nga Donald Trump që mediat kundërshtare të tij në ShBA të nisin histerinë e radhës: atë të patriotizmit. Me një angazhim të habitshëm, njerëz të administratës Obama, por edhe të atij establishmenti të politikës ndërkombëtare që mund të quhet si Perëndimi, janë shfaqur me intervista, opinione në mediat kryesore për të vënë gishtin e akuzës dhe ndërsyer çdo emocion kundër presidentit aktual Trump. Arsyeja? Një pohim i tij sipas të cilit përkeqësimi ndër vite i raporteve SHBA-Rusi ka ardhur si pasojë e budallallëkut të amerikanëve. 

Përpjekje të Rusisë për të sabotuar referendumin për emrin në Maqedoni ka denoncuar kryeministri Zoran Zaev, duke folur për përfshirje të biznesmenëve të fuqishëm grekë në nxitje trazirash, por pa përmendur emra.

Zaev tha në një intervistë për Buzzfeed se qeveria e tij ka marrë shumë ankesa se "biznesmenët grekë me lidhje të ngushta me  Rusinë  kanë paguar nga 13 000 deri në 21000 dollarë për të nxitur "incidentet të dhunshme "para referendumit.

Përfundoi rreth orës 16:30 të pasdites takimi historik i presidentëve të SHBA dhe Rusisë në Helsinki, ku Donald Trump u shfaq shumë entuziast si zakonisht, duke thënë se dëshiron të ndërtojë marrëdhënie të mira me Vladimir Putin.

"Mendoj se është një fillim i mirë për të gjithë botën”- u tha Trump gazetarëve në fund të takimit historik që zgjati më shumë se dy orë në pallatin presidencial në kryeqytetin finlandez.

Kancelari austriak Sebastian Kurz është i mendimit se Bashkimi Europian duhet të mbyllë negociatat e pranimit me Turqinë dhe të mendojë një tjetër lloj bashkëpunimi me Ankaranë zyrtare. 

Negociatat mes BE-së dhe Turqisë duhet ta ndalojnë menjëherë

shprehet Kurz në një intervistë pë gazetën greke “Kathimerini”.

Qeveria bullgare e Boyko Borissov vlerëson se presidenca e BE-së e drejtuar prej saj, ka sjellë arritje thelbësore për Ballkanin Perëndimor. Në një raportim para Parlamentit, Borissov dhe ministrat e tij, deklaruan se është meritë edhe e presidencës bullgare që rajoni përfitoi një përfshirje të qartë dhe riafirmim të perspektivës europiane.

Ne kemi qenë të aftë ta nxjerrim këtë çështje jashtë kontekstit të vet delikat

tha Borissov.

Sekretari amerikan i Mbrojtjes, James Mattis ka deklaruar se roli i Rusisë në rajonin e Europës Juglindore ka një element destabilizues.

Ata kanë zgjedhur të minojnë strukturën demokratike të kombeve që janë të rinj në proceset e veta demokratike duke shpërndarë informacione false, duke marrë masa ekonomike dhe duke u përzierë në punët e tyre