Blloku Bota

Federata Ruse ka njohur Republikën e Maqedonisë së Veriut me emrin e ri kushtetues. Ndonëse kundërshtoi Marrëveshjen e Prespës që përcaktoi këtë ndryshim, Moska zyrtare nuk ka vonuar që të reflektojë vendimin e ri. Vendimi i Rusisë dëshmon një shenjë realizmi në politikën e Jashtme, sidomos nisur nga fakti se ajo nuk e ka njohur asnjëherë Maqedoninë me emrin ndërkombëtarr, i cili që nga shpërbërja e ish-Jugosllavisë u njoh me emrin: Ish-Republika Jugosllave e Maqedonisë.

Nënshkrimi këtë të mërkurë në Jeruzalem i  marrëveshjes mes Greqisë, Qipros dhe Izraelit për gazjellësin East-Med po ndryshon hartën gjeostrategjike të Mesdheut Juglindor.

Prania e sekretarit amerikan të Shtetit në firmiosjen e marrëveshjes ndërqeveritare sipas analistëve është një sinjal i qartë  për rolin e tre vendeve nënshkruese në çështjet e sigurisë në rajon.

Sulmet ajrore amerikane në Somali, numri i të cilëve është "rritur ndjeshëm"  dy vitet e fundit, kanë vrarë shumë civilë përveç luftëtarëve të organizatës Al-Shabab, të akuzuar se janë të lidhur me Al Kaedën.

Sipas OJQ-ve që mbrojnë  të drejtat e njeriut, nga prilli 2017 ka pasur mbi 100 sulme me avionë telekomanduar  pa pilot, disa herë  më shumë se në Libi dhe Jemen së bashku.

Presidenti 78 vjeçar i Kazakistanit, Nursultan Nazarbayev ka dhënë dorëheqjen pas 30 vjetëve në pushtet.

Kam marrë një vendim që nuk ishte i lehtë për mua, që të dorëhiqem si president. Si themelues i pavarësisë së Kazakistanit e shoh detyrën time te lehtësimi i ngjitjes së një brezi të ri liderësh që do të vazhdojnë reformat që janë duke u kryer në vend

tha ai në një mesazh televiziv.

Fabrika e kompanisë Volkswagen që aktualisht operon në Ukrainë mund të zhvendoset në Serbi. Lajmi konfirmohet nga mediat serbe që citojnë importuesin e Skodës, Milenko Kostiç  sipas të cilit një ndër arsyet pse kompania gjermane mendon të largohet nga Ukraina është mospërmbushja e objektivave të paravendosur.

Kostiç deklaron se është kontaktuar nga ekipi i menaxhimit nga Skoda dhe Volkswagen të cilët i kanë kërkuar një vlerësim për klimën e biznesit në Serbi.

Kryeministri i Maqedonisë së Veriut, Zoran Zaev, i cili para pak ditësh ishte në Tiranë, deklaroi se  nëse kandidati për president i koalicionit qevrisës, Stevo Pendarovski humbet përballë kandidates së mbështetur nga opozita,  Gordana Siljanovska-Dankova, atëherë  ai do ta çojë vendin në zgjedhje të parakohshme.

"Muzeu i Trojës është shembulli më i ri i përpjekjeve tona për të transmetuar historinë tonë tek gjeneratat e ardhshme. Troja, e përfshirë nga UNESCO në Listën e Trashëgimisë Botërore në vitin 1998, është një nga monumentet më të rëndësishme arkeologjike me një histori prej 5.000 vjetësh"- tha presidenti i Turqisë, Recep Tayyip Erdogan në përurimin e Muzeut të Trojës. 

Qeveria e majtë e Spanjës kanjoftuar se do të zhvendosë eshtrat e ish-Diktatorit Francisco Franco nga mauzoleumi shtetëor në periferi të Madridit. Është një vendim që është shtyrë disa herë, por kësaj radhe Madridi zyrtar ka dhënë si datë konkrete 10 qershorin 2019.

Franco do të zhvarroset dhe do të hiqet nga vendprehja në Luginën e të Rënëve për t’u rivarrosur pranë varrit të së shoqes, Carmen Polo në varrin familjar në Mingorrubio El Pardo që ndodhet në një varrezë shtetërore.

Jelekët e Verdhë në Francë kanë sulmur në protestat e javës së 18-të disa mjedise private që janë simbole të luksit në Paris. Mediat raportojnë se objekt i sulmeve kanë qenë dyqanet Hugo Boss, Nespresso, por edhe restoranti shik Le Fouquet. Ky i fundit frekuentohej nga ish-presidenti socialist Francois Miterrand që prenotonte tavolinën nr. 83. 

Në këtë restorant edhe ish-presidenti Nikolas Sarkozy zgjodhi të festonte fitoren e vet në vitin 2007.  Dhuna e kësaj jave shpërtheu pasi presidenti Emmanuel Macron mbylli debatin e madh kombëtar.

Egjeu po merr përherë e më shumë rëndësi strategjike për shkak të zbulimeve të rezervave të mëdha të gazit. Mediat greke raportojnë për pjesëmarrjen e sekretarit amerikan të Shtetit, Mike Pompeo në samitin tripalësh Qipro-Greqi-Izrael ku do të nënshkruhet marrëveshja për gazsjellësin e Mesdheut Lindor(EastMed).