Blloku Bota

Financial Times u kërkon britanikëve që për çështjen e BREXIT të marrin "mësime" nga lufta e gjatë dhe e dhimbshme e Greqisë për të dalë nga kriza.
Në artikullin e tij, gazetari Tony Barber përshkruan presionet që kanë pësuar ekonomia greke dhe sistemi politik, ndërsa nënvizon braktisjen e PASOK nga votuesit dhe transferimin e tyre tek SYRIZA.

Qeveria austriake ka vendosur të ndjekë shembullin e Shteteve të Bashkuara dhe Hungarisë duke u tërhequr nga tërhiqet nga Pakti i OKB-së për emigracionin.

Agjencia austriake e lajmeve APA, vë në dukje se për qeverinë e djathtë depetërimi masiv i emigrantëve kufizon sovranitetin dhe lirinë e veprimit të saj.

Paditë për shpifje bëjnë punë. Të paktën në Turqinë e Erdoganit, ku norma në fjalë zbatohet rregullisht. I akuzuar si një autokrat, presidenti turk ka gjetur rrugë të tjera, qoftë për të diskredituar kundërshtarët, qoftë për të mbushur xhepin.

Mediat turke njoftojnë se kreu i Partisë Republikane Popullore, Kemal Kiliçdaroglu është detyruar të shesë një prej shtëpive të tij për të paguar gjobat e marra për shkak të padive për shpifje nga Erdogan.

Duke mbajtur dorën e njëri-tjetrit, Angela Merkel, Vladimir Putin, Rexhep Tajip Erdogan dhe Emmanuelle Macron u shfaqën të bashkuar pas konferencës për Sirinë në Stamboll.Të katër udhëheqësit u ulën në të njëjtën tryezë në përpjekje për të hedhur një hap për paqen në Siri.

Pas  pothuajse tre orë bisedimesh, të katëtr ra dakord se kriza siriane mund të zgjidhet vetëm nëpërmjet kanaleve diplomatike, duke kërkuar që zgjatjen e armëpushimit dhe thirrjen e një komisioni kushtetues deri në fund të vitit.

Italia do të kërkojë formalisht ndjesë ndaj Greqisë për shpalljen e luftës në vitin 1940. Lajmi bëhet i ditur nga gazeta konservatore greke “Kathimerini” sipas së cilës akti formal do të bëhet nga presidenti italian, Sergio Mattarella gjatë vizitës së tij më 28 tetor në Selanik.

Parlamenti Evropian i kërkon Facebook të lejojë organet e BE-së të kryejnë një shqyrtim gjithëpërfshirës për mbrojtjen dhe sigurinë e përdoruesve pas skandalit lidhur me përvetësimin e paligjshëm të të dhënave personale të 87 milionë shfrytëzuesve të rrjetit social popullor.

Gjykata e Apelit në Paris konfirmoi aktakuzën ndaj ish-Presidentit të Republikës, Nicolas Sarkozy për "financimit të paligjshëm" të fushatës së tij në vitin 2012.

Hetimet zbuluan fatura fiktive të lëshuara për të fshehur tejkalimin me 18.5 milionë euro të pragut të lejuar prej 22.5 mln euro për shpenzime elektorale. Kompania e marrëdhënieve publike “Bygmalion” faturoi me 18.5 milionë euro qendrën e djathtë të drejtuar nga Sarkozy, duke pranuar parregullsitë. Megjithatë ka mohuartë ketë qenë e vetëdijshme për shpenzimet e padeklaruara.

Vatikani po shqyrton mundësinë e një ndryshimi të madh në gjirin e kishës katolike. Përballja sidomos vitet e fundit me skandalet seksuale të priftërinjve dhe rënia e numrit të këtyre të fundit po e detyron Atin e Shenjtë të shyrtojë hedhjen e një hapi të ri, që thyen një nga tabutë më të mëdha të katolicizmit: lejimin e martesës për priftërinjtë.

Agjencia shtetërore e lajmeve në Gjermani, Deutsche Welle, ka publikuar sot në seksionin shqip një koment të shkurtër që është botuar fillimisht në gazetën “Frankfurter Allgemeine” në të cilin i bëhet jehonë pozitive propozimit turk për një samit katërpalësh për Sirinë. Turqia ka propozuar që në datën 28 tetor, Rusia, Franca, Gjermania dhe Rusia të diskutojnë për Sirinë në formatin e krijuar në Astana. Për mediat gjermane, e mesa duket edhe për Berlinin zyrtar kjo është një mundësi e mirë: