Blloku Bota

Tensionet mes Patriarkanës Ekumenike të Konstandinopojës dhe Patriarkatit të Rusisë janë shtuar edhe më shumë pas dështimit në bisedimet e fundit. Pas një takimi mes përfaqësuesve të Patriarkanës dhe Patriarkut Kirill, patriarku Bartholomeu foli për nevojën e dialogut si rrugë për të zgjidhur problemet. 
Nga ana tjetër, Mitropoliti Emanuel i Francës deklaroi se 

Patriarkata Ekumenike nuk kërcënon kënd dhe as kërcënohet prej dikujt

Banorët e qytetit të Wiesbaden në Gjermani u befasuan të hënën e kësaj jave , kur panë në sheshin qëndror statujën e Presidentit turk Rexhep Tajip Erdogan. Me një lartësi prej 4 metrash dhe me dorën e djathtë të ngritur, statuja kishte një ngjashmëri të madhe me atë të diktatori irakian Sadam Huseinit, e cila u rrëzua silmbolikisht nga amerikanët kur pushtuan Bagdatin në vitin 2003.

Çështja e refugjatëve eritreas që janë bllokuar në anijen Diciotti në Siçili është kthyer në betejë ligjore për qeverinë italiane. Përveç refuzimit të Bashkimit Europian për të pranuar transferimin e refugjatëve drejt Shqipërisë, sot mediat italiane raportojnë se prokuroria e Agrixhentos ka kërkuar hetimin e ministrit të Brendshëm, Matteo Salvini dhe shefit të kabinetit, Matteo Piantedosi me akuzën e mbajtjes së emigrantëve në mënyrë ilegale në anijen në fjalë.

Problemi demografik është tashmë një çështje e të gjithë Ballkanit thuajse. Edhe Maqedonia e ka tematizuar këtë problem përmes opozitës së VMRO-DMNE, deputeti i së cilës, Vlatko Georgev, ka deklaruar se në tremujorin e dytë të vitit 2018, numri i fëmijëve të lindur ka rënë me 6.3%.

Ndryshimi i kufijve do të thotë Luftë. Kështu është shprehur kryeministri i Kosovës, Ramush Haradinaj në një intervistë për Irish Times Daily.

Rihapja e marrëveshjeve të mëparëshme do të thoshte të hapje të shkuiarën e cila nuk do të dëmtonte vetëm stabilitetin e të dyja vendeve, por edhe vendet fqinje gjithashtu

është shprehur Haradinaj.   

Pak javë më parë kryeministri izraelit Beniamin Netanyahu doli në një konferencë për shtyp përmes së cilës deklaroi se shërbimet sekrete të vendit të tij kishin kapur një material prej 54 mijë faqesh të sekreteve bërthamore iraniane. Pretendimi I tij u rimor nga presidenti amerikan Donald Trump si dëshmi e rrezikut Iranian.

Video e mëposhtme është publikuar nga gazeta e njohur italiane, Avvenire, dhe aty tregohet sesi emigrantë afrikanë torturohen në kampet e krijuara në Libi. Italia ka kërkuar që në kampet e Libisë të ndërhyjë BE-ja, por një ide e tillë është lënë jashtë axehndës. Tema e emigrantëve dhe indiferenca e kancelarive mund të rifaktorizojë Kishën e cila së fundmi ka jo pak probleme me imazhin e vet. 

Marrëdhëniet mes Iranit dhe ShBA janë përshkallëzuar edhe më tej të paktën në planin verbal. Një ditë më parë, mediat raportuan se kreu i forcave detare të Gardës Revolucionare iraniane, gjeneral Alireza Tangsiri, u shpreh se Irani kishte marrë në kontroll Gjirin Persik dhe Ngushticën e Hormuzit që e kontrollon atë.  

Ngushtica ndodhet mes Omanit dhe Iranit dhe aty kalon 1/3 e naftës së botës dhe në vitet e fundit ajo është kthyer në pikë tensioni mes Teheranit dhe ShBA, aq sa kohët e fundit ShBA ka vënë në përdorim termin Gjiri Arabik. 

Presidenti i Kosovës Hashim Thaçi vijon të mos i japë përgjigje pyetjes kryesore që ka lindur qyshkur se ai hodhi idenë e korrigjimit të kufijve me Serbinë: Si do të shmaget ndarja e Kosovës në këtë rast. Në një intervistë për EuropeanWesternBalkans, Thaçi përsërit të njëjtat gjëra. Integrimin e Kosovës në BE dhe NATO e dëshirojnë 92% e qytetarëve të Kosovës dhe sipas tij kjo është premisë për të negociuuar edhe kufijtë.

Kosova duhet ta mbyllë kapitullin e konfliktit me Serbinë në një mënyrë të përhershme dhe përmes një formule të qëndrueshme…

Ambasada e Rusisë në Tiranë ka shpërndarë sot në shqip një deklaratë të zëdhënësit të Ministrisë së Mbrojtjes, Igor Konashenkov, sipas të cilit në Siri po përgatitet simulimi I një sulmi kimik. Konashenkov ka dhënë madje të dhëna konkrete për këtë sulm që sipas tij do të kryhet në Jis ash-Shugur, provinca e Idlib.