Blloku Bota

Agjencia shtetërore e lajmeve në Gjermani, Deutsche Welle, ka publikuar sot në seksionin shqip një koment të shkurtër që është botuar fillimisht në gazetën “Frankfurter Allgemeine” në të cilin i bëhet jehonë pozitive propozimit turk për një samit katërpalësh për Sirinë. Turqia ka propozuar që në datën 28 tetor, Rusia, Franca, Gjermania dhe Rusia të diskutojnë për Sirinë në formatin e krijuar në Astana. Për mediat gjermane, e mesa duket edhe për Berlinin zyrtar kjo është një mundësi e mirë: 

Rusia ka paralajmëruar vendet europiane që mund të jenë stacione dislokimi të raketave amerikane me rreze të mesme veprimi, se do të jenë në shënjestër të arsenalit bërthamor rus. Presidenti rus, Vladimir Putin e nënvizoi një gjë të tilla, gjatë një konference për shtyp me kryeminstrin italian, Giuseppe Conte. I pyetur se çfarë do të bëjë Rusia nëse SHBA formalizon tërheqjen nga TraktatiiI vitit 1987 që ndalonte prodhimin e raketave me rreze të mesme dhe të shkurtër veprimi.

Një pako bombë u gjet në kutinë postare jashtë shtëpisë së investitorit George Soros në Nju Jork. Policia lokale u vu në alarm pas njoftimit të një prej punëtorëve se në shtëpinë e miliarderit kishte mbërritur një pako e dyshimtë.

"Një punonjës i shtëpisë hapi paketën dhe pa diçka që dukej si pajisje shpërthyese. Ky person e transferoi pakon në një zonë të pyllëzuar"- sqaroi më vonë Policia e Nju Jorkut. George Soros nuk ishte në shtëpi në  kohën që mbërriti pakoja.

Një grup sutudentësh grekë mësynë në zyrën e ministrit grek të Arsimit, Costas Gavroglou në shenjë proteste ndaj reformave të reja për sistemin dytësor dhe shkurtimin e fondeve.

Më herët rreth 300 studentë protestuan jashtë ministrisë. Sipas tyre reforma do të çojë në shtimin e orëve të studimit duke kufizuar mundësitë e zgjedhjes. Po kështu ata i kundërvihen planeve për të bashkuar universitetet me kolegjet teknike.

Jo vetëm kundër shpifjes, por edhe kundër ofendimit. Alessandra Mussolini, anëtare e Parlamentit Europian dhe mbesë e Benito Mussolinit, ka bërë të dituar se do të çojë për ndjekje ligjore këdo që fyen figurën e gjyshit të saj, një ndër personalitetet politike më të njohura të shekullit të 20-të. Përmes një postimi në tuiter, Mussolini njofton se do të marrë nisma ligjore jo vetëm kundër frazave ofenduese, por edhe ndaj imazheve të Duçes, duke paralajmëruar kështu kundërvënie ndaj çdo akti abuzues.

Qindra mijëra demonstrues u bënë pjesë e një marshimi popullor në Londër, duke kundërshtuar çdo marrëveshje “divorci”  midis Mbretërisë së Bashkuar dhe BE. Organizatorët thanë se 700,000 njerëz marshuan në rrugët e mbyllura të kryeqytetit për të mbërritur në sheshin e Parlamentit ku pati fjalime edhe nga politikanë.

Udhëheqësi i fundit sovjetik Mikhail Gorbaçov, i cili bashkë-nënshkroi marrëveshjen e vitit 1987 mbi armet bërthamore me rreze të mesme (raketat bërthamore sipas Traktatit, INF), tha se plani i presidentit amerikan Donald Trump për t'u tërhiqur nga marrëveshja është e gabuar.
"Në asnjë rast nuk duhet të grisen marrëveshjet e vjetra mbi çarmatimin ...amerikanët në Uashington në të vërtetë nuk e kuptojnë në Uashington ise ku mund të çojë kjo" - tha Gorbachev sipas agjensisë së lajmeve Interfax.
"Largimi nga INF është i gabuar"

Nuk është vetëm Vjosa dhe Valbona që provokojnë reagime. Lejet e qeverisë shqiptare për diga dhe ndërhyrje të tjera kanë sjellë probleme edhe për banorët në Malin e Zi, ambientalistë të të cilit kanë protestuar dje nëkufi me Shqipërinë kundër ndërtimit të një dige në lumen e Cemit.

Mos e fusni Cemin në tuba

ishte thirrja e protestuesve.

Shtetet e Bashkuara të Amerikës do të tërhiqen nga Traktati sovjeto-amerikan i vitit 1987 që ndalonte për të dyja vendet zhvillimin dhe dislokimin luftarak të raketave me rreze të mesme tokë-ajër që janë efektive në distanca 500-5500 km. 
Presidenti amerikan, Donald Trump, u shpreh pas një takimi elektoral në Nevada se ShBA nuk mund të lejojë Rusinë që të zhvillojë këto armë dhe vetë të ketë duart të lidhura. 

Nuk e kuptoj se përse presidenti Obama nuk negocioi apo nuk u tërhoq. Rusët po e shkelin traktatin prej vitesh

Ish-ministri i Jashtëm grek, Nikos Kotzias ka deklaruar se Greqia shumë shpejt do të zgjerojë ujërat e veta territoriale nga 6 milje në 12 milje në vijnë perëndimore të saj. Fjala është për vijën që nis nga ishujt e Diapontit në very të Korfuzit e deri në ishullin e Anktikytheras që ndodhet mes Peleoponzit dhe Kretës.