Blloku Bota

Presidenti amerikan Donald Trump paralajmëroi vendet evropiane se nëse nuk riatdhesojnë shtetasit e tyre që luftuan në radhët e xhihadistëve të Shtetit Islamik (IK) në Siri, do të përballen me perspektivën e kthimit të paorganizuar në vendlindje.

"Ne kemi mijëra luftëtarë të IKIL-it, të cilët duam që Evropa t’i tërheqë. Do e shohim nëse do ta bëjë këtë gjë, nëse jo, me siguri do kemi nevojë t'i lëshojmë ata dhe të kthehen  vetë në Evropë"-u tha Trump gazetarëve, duke përdorur një akronim më të vjetër të Shtetit Islamik.

Izraeli dhe Shtetet e Bashkuara kanë testuar me sukses një sistem të mbrojtjes ajrore me rreze të gjatë veprimi. Ministria Izraelite e Mbrojtjes sqaroi në një deklaratë se testimi u krye në Alaskë të Shteteve të Bashkuara në kontekst të tensioneve me Iranin

Jack Ma, miliarderi kinez i shitjeve, ka thyer një tjetër rekord që duket se ka tronditur sistemin bankar të Kinës. Sipas “Bloomberg”, MYbank, banka katërvjeçare online e Ma, ka kredituar 290 miliardë dollarë për 16 milionë kompani të vogla dhe të mesme. Procedura është e thjeshtë: disa klimime në smartphone dhe nëse aplikimi miratohet, bëhet lëvrimi i menjëhershëm i parave.

I gjithë procesi kërkon tre minuta dhe zero burime njerëzore bankara

Sigurisht që Stevo Pendarovskit do t’i mbetet  e paharrueshme, vizita e ambasadorit izraelit, Dan Orian. Ishte takimi i tyre i parë dhe kur mbaroi, ambasadori e la pa fjalë Presidentin e Maqedonisë së Veriut, duke bërë ... vertikalen para tij..!

Pendarovski thjesht e pa me kureshtje akrobacinë e diplomatit izraelit.  Megjithatë, kur  erdhi në vete postoi një foto në faqen e tij personale  nëFacebook, ku theksoi:

Një opinion i Vincenzo Musacchio në faqen e njohur italiane online, AntimafiaDuemila, vë në dukje çështjen e kriminalitetit të organizuar në Europë. Sipas aktivistit në fjalë, që është në krye të Observatorit Antimafie në Molise, organizatat kriminale italiane dominojnë Europën qoftë në nivel organizativ, qoftë në aspekin ekonomik, qoftë në nivelin represiv.

Presidenti i Serbisë, Aleksandër Vuçiç, ka deklaruar gjatë një interviste për Tv Prva se dialogu mes Prishtinës dhe Beogradit mund të ndërpritet. Sipas tij arsye për këtë janë rrethanat e reja të krijuara me kryeministrin e Kosovës Haradinaj, por edhe fakti se perëndimi nuk shqetësohet sa kohë që nuk ka konflikt.

Ne po presim që dialogu të dalë nga axhenda. Kjo nuk është humbje e BE-së si mediatori kryesor, nuk mund të thuhet se është dështim i Brukselit. Pse duhet të shqetësohen ata? Sa kohë që nuk ka konflikt, ata as që duan t’ia dinë

Një fotografi nga Siria për t’i kujtuar Perëndimit tmerret e luftës. Një baba që mban duart në kokë teksa sheh dy fëmijët që rrezikojnë të vdesin pas bastisjes ajrore nga forcat qeveritare

Vajza e tij 5 vjeçare, e zënë poshtë nga rrënojat, mban motrën e saj 7-muajshe të mos bjerë. Nëna e tyre qëndron e vdekur nën rrënoja. BBC thotë se fëmijët u transferuan në spital, por 5-vjeçarja la frymën e fundit, ndërsa foshnja është hospitalizuar në Njësinë e Kujdesit Intensiv. Fotografia u shkrep të mërkurën në qytetin Arhi, pranë Idlibit dhe u publikua nga SY24.

Të paktën 150 emigrantë raportohet se  kanë humbur jetën pas mbytjes së një anije në brigjet libiane. 150 emigrantë të tjerë janë shpëtuar dhe janë kthyer në Libi, siç u bë e njohur nga UNHCR.

Anija kishte filluar lundrimin nga Homs, Libi, 120 km larg Tripolit. Sipas dëshmive të mbijetuarve bëhet fjalë për rreth 300 emigrantë, por nuk është e qartë nëse në incident janë të përfshira një ose dy anije.

Të mbijetuarit u ndihmuan nga peshkatarët lokalë dhe pastaj u shoqëruan nga roja bregdetare libiane.

Mediat turke shkruajnë se kryeministri i ri britanik, Boris Johnson, është turk me origjinë. Otoman më saktë. Me një pamje që të krijon përshtypjen e një njeriu 100% sakson, origjina turke e Johnson, i shtohet elementëve të tjerë të karakterit të tij që provokojnë debate.

Boris Johnson do të jetë kryeministri i ri i Britanisë së Madhe. Mediat britanike raportojnë se Johnson ka fituar garën për drejtimin e Partisë Konservatore duke mundur rivalin e Jeremy Hunt me 66% të votave. 

Johnson pritet të marrë detyrën të mërkurën, ndërkohë që kryeministra aktuale Theresa May do të përballet edhe një herë me Parlamentin përpara se të dorëzojë dorëheqjen te mbretëresha.