Blloku Bota

Në 138 ka arritur numri i të vdekurve nga shpërthimet në tre kisha dhe tre hotele ku festoheshin Pashkët në Sri Lanka, ndërsa numri i të plagosurve llogaritet në 400. Sipas autoriteteve  në mesin e të vdekurve  nëntë janë shtetas të huaj.

"I dënoj fuqishëm sulmet frikacake ndaj popullit tonë sot. I ftoj të gjithë  në Sri Lanka të qëndrojnë të bashkuar dhe të fortë në këto kohë tragjike "-theksoi  në twitter  kryeministrit i vendit, duke shtuar se qeveria do të marrë masa të menjëhershme për situatën.

Presidenti i Italisë, Sergio Mattarella mendon se vala a e sovranizmit që ka përfshirë së fundmi Europën nuk do të kërcënojë dot ekzistencën e Bashkimit Europian. Ai ka shprehur disa qëndrimet të vetat gjatë një interviste dhënë për revistën farnceze, Politique Internationale, intervistë e cila është edituar me titullin: Francë-Itali, një marrëdhënie e pashkatërrueshme.

Pekini zyrtar ka ftuar edhe Korenë e Veriut të marrë pjesë në nismën “Një Brez, një Rrugë”.  Projekti është 1 trilionë dollarë dhe përfshin ndërtim rrugësh, hekurudhash dhe portesh. Njoftimin për pjesëmarrjen në samitin e javës tjetër e ka dhënë ministri i Jashtëm kinez, Wang Yi sipas të cilit:

Një gjë e tillë është shumë normale sepse është një nismë e bashkëpunimit ekonomik

Njësitë e kundërterrorizmit në policinë greke kanë arrestuar dje një ndër avokatët më të njohur në end, Alexandros Lykourezos, bashkë me disa bashkëpunëtorë të tij. Akuza që ngrihet ndaj avokatit, i cili për një periudhë kohe mori në mbrojtje edhe interesat e familjes Katsifas në Bularat është përfshirje në atë që media greke e quan Mafia e Burgjeve dhe që kryesisht kryen aktivitetin në burgun e sigurisë së lartë të Korydhalos. 

Qeveria e Alexis Tsipras në Greqi po përballet me një sulm të zgjatur rreth një skandali të madh të dyshuar që ka përfshirë ministrin për Dixhitalizimin, Nikos Pappas. Ky i fundit konsiderohet një ndër njerëzit më të afërt të Tsipras dhe prej disa muash tashmë është në qendër të akuzave sipas të cilave ish-drejtori I kompanisë shtetërore të gazit, DEPA, Theodoros Kitsakos nuk ka mbledhur borxhet që shkojnë deri në 110 milionë euro që I kishte si detyrim, kompania Elfe e biznesmenit Lavrendi Lavrendiadhi.

Parlamenti egjiptian ka vendosur të shtyjë qeverisjen e presidentit Abdel Fattah al-Sisi deri në vitin 2030. Ky akt është shoqëruar edhe me vendimin për të amenduar Kushtetutën për t’i dhënë ushtrisë ndikim më të madh, por edhe t’i japë Sisit kontroll më të madh mbi drejtësinë. 
Mediat raportojnë se amendamentet në fjalë do të kalojnë në referendum. 

Presidenti i Serbisë Aleksander Vuçiç ka dhënë së fundmi disa shpjegime të vetat mbi atë që po ndodh mes Serbisë dhe Kosovës. Gjatë një takimi partiak në Beograd, Vuçiç  paralajmëroi se do të ketë kërkesa të forta ndaj Serbisë që të njohë Kosovën “pa asgjë në këmbim për Serbinë”.

Presidenti serb nuk u ka ikur elementëve të fushatës elektorale, kur ka shtuar se nuk është çudi që nëse Serbia refuzon, të vihet në lëizje ideja e një gjykate special për serbët “që do t’ju akuzojë për të gjitha krimet seksuale në Ballkan”.

70% e rusëve aprovojnë rolin e liderit sovjetik Josif Stalin në historinë e Rusisë. Kjo shifër rezulton nga të dhënat e një sondazhi të kryer nga Qendra Levanda, në Rusi, që provon se imazhi i diktatorit sovjetik është rehabilituar mes rusëve. Një lider i shkëlqyer, e quajnë rusët, apo një pjesë e tyre, Stalinin, që dikur u kryqëzua si një autokrat i përgjakshëm. Në një sondazh të vitit 2016, përgjigjet pozitive për rolin e Stalinit në historinë ruse ishin 54% dhe për tre vjet janë rritur me 16%.

Një zjarr masiv ka rënë në katedralen e Parisit, të famshmen Notre Dame që sipas të dhënave të deritanishme mund ta çojë atë në shkatërrim. Qytetarë të kryeqytetit francez janë mbledhur për t’u lutur, ndërkohë që 400 zjarrfikës po përpiqen të shuajnë flakët. 

Fushata për rizgjedhjen e presidentit amerikan, Donald Trump ka grumbulluar më shumë se  30 milion $ në tremujorin e parë të 2019, duke tejkaluar totalin e shumave të siguruara aktualisht nga kandidatët demokratë.

Fondet e grumbulluara tregojnë se mbështetësit e republikanëve janë të gatshëm për të investuar në betejën  e vështirë të rizgjedhjes së Trump për një mandat të dytë.