Blloku Bota

Pas Ramush Haradinajt ftesa për në Gjykatën Speciale i ka ardhur Jakup Krasniqit, ish-zëdhënës i UÇK-së dhe aktualisht një kundërshtar politik i Hashim Thaçit. Në Kosovë kanë nisur të arsyetojnë se pas largimit të Haradinajt dhe të tjerëve pro qëndrimeve të tij mund të qëndrojnë amerikanët që nuk pranojnë dot dështimin me negociatat mes Serbisë dhe Kosovës. Daniel Server, një studiues dhe diplomat i njohur ka pranuar se skenari që pas kësaj që po ndodh të jetë administrata Trump, duke cilësuar se po bëhet një gabim i madh. 

Kryeministri i Kosovës, Ramush Haradinaj, ka dhënë sot dorëheqejn e parevokueshme nga detyra. Ai ka lexuar një letër dorëheqjeje pas mbledhje së qeverisë përmes së cilës ka sqaruar arsyet e largimit.

Në Kosovë vetëm 20.6% e qytetarëve janë dakord për idenë e shkëmbimit të territoreve me Serbinë. Gazet “Koha Ditore” publikon në një shkrim të vetin sot rezultatet e një sondazhi të realizuar nga Instituti Demokratik Amerikan(NDI) sipas të cilit 71.6% e të pyeturve mendojnë se tërësi tokësore e Kosovës duhet ruajtur edhe nëse kjo do të thotë zgjatje në kohë e procesit të integrimit në Bashkimin Europian.

Organizata Botërore e Shëndetësisë ka shpallur situatë të emergjencës ndërkombëtare pas shpërthimit të ebolas në Kongo. 

Rasti i infektimit me virusin në fjalë është konstatuar në qytetin e Gomas, në kufi me Ugandën dhe si përgjegjës për përhapjen e tij akuzohet një prift që mbante shumë emra. 

Pastori që solli ebolan në Goma përdorte disa emra false për të fshehur identitetin e tij

citon Associated Press zyrtarë kongolezë.

Si konfirmim të rëndësisë së marrëdhënieve greko-amerikane e komentoi Departamenti Amerikan i Shtetit takimin e Sekretarit të Shtetit Mike Pombeo me homologun e tij grek, Nikos Dendia.

Sipas njoftimit të Departamentit të Shtetit, të dy politikanët ranë dakord të vazhdojnë të të rrisin progresin në fushat kryesore të bashkëpunimit dypalësh,  të përfshira në dokumentin e Dialogut  Strategjik Greqi-SHBA

Franca ka prezantuar përmes presidentit Emmanuel Macron planet e veta për krijimin e forcës së mbrojtje hapësinore. Macron e përcolli njoftimin me rastin e ditës kombëtar të Bastijës që u celebrua me festime dhe parada ushtarake. 

Doktrina e re hapësinore dhe ushtarake që mu prezantua nga ministria dhe që e kam aprvuar do të na lejojë të sigurojmë mbrojtjen e hapësirës sonë. Ne do të fuqizojmë njohuritë tona për situatën në hapësirë, do të mbrojmë më mirë satelitët tanë

u shpreh presidenti francez. 

Ndërsa mediat amerikane raportojnë për sanksione të mundshme ndaj Turqisë, për shkak të blerjes prej saj të sistemit mbrojtës S-400, Moska njofton se ka ndërmend që armatimin e saj ta shpërndajë në mbarë rajonin e Lindjes së Mesme dhe të Afërme. Kreu i Komitetit për Çështjet e Jashtme në Dumën ruse, Leonid Slutsky ka deklaruar në një intervistë për RT se  Turqia është vetëm blerësi i parë.

Zyra e prokurorit të Milanos vijon hetimet për një rast të mundshëm korrupsioni, në të cilin implikohen partina e krahut të djathtë "Lega Nord"  dhe kreu i saj Matteo dhe Salvini, i cili është zv/kryeministër dhe ministër i Brendshëm.

Komisioni Federal për Tregëtinë në ShBA ka vendosur një gjobë 5 miliardë dollarë ndaj Facebook për skandalin e vitit 2018 me Cambridge Analytica. Lajmi është raportuar nga disa media amerikane sipas të cilave kjo është gjoba më e madhe kundër një kompanie teknologjike. Gjoba më e madhe paraardhëse është ajo ndaj Google, në masën e 22.5 milionë dollarë në vitin 2012 për praktikat e privatësisë. 

Vendet anëtare të BE-së ranë dakord mbi sanksionet që Brukseli duhet t’i vendosë Turqisë për shpimet ilegale që Ankaraja vazhdon të bëjë në Zonën Ekonomike Ekskluzive të Qipros.

Pas konsultimeve me Përfaqësuesin e Lartë të BE-së, Federica Mogherini dhe Presidencën e Këshillit Europian, delegacioni qipriot ia doli të ndryshojë tekstin, duke përforcuar formulimin me një shtesë të masave të synuara. Ndër të tjera, teksti thotë se BE do të ngrijë takimet e nivelit të lartë me Turqinë dhe do të ndërpresë fondet e para-anëtarësimit të vendit.