Blloku Bota

Pas largimit nga Shtëpia e Bardhë, ndaj Trump dhe njerëzve të tij kanë nisur paditë në gjykata. Një kompani amerikane e makinerive të votimit hapi një proces gjyqësor 1.3 miliard dollarë kundër avokatit të ish-presidentit. Rudy Giuliani akuzohet për shpifje dhe mashtrim lidhur me zgjedhjet presidenciale. Kjo nuk është padia e parë që ngre kompania “Dominion Voting Systems Inc” ndaj njerëzve të ish-presidentit. Ajo më parë ka hapur një proces kundër avokatit të fushatës së Trump, Sidney Powell, të cilin e akuzoi për përhapjen e teorive të rreme të konspiracionit në lidhje me zgjedhjet.

BBC-ja shkruan për atë që e quan një goditje shkatërrimtare që presidenti i ri amerikan, Joe Biden, mund t’i japë Facebook. Pas një hyrjeje ku flitet për ambiciet e Drejtorit Ekzekutiv të Facebook, Mark Zuckerberg, për t’u bërë Presidenti, media në fjalë vë në dukje qëndrimin e vazhdueshme të Biden kundër asaj që ndodh në Facebook dhe mënyrës sesi kjo platformë funksionon. Një ndër arsyet kryesore të kësaj kundërvëinieje është edhe mënyra sesi republikanët shfryëzuan Facebook në vitin 2016 dhe mandej skandali Cambridge Analytica.

Bashkimi Europian ka paralajmëruar sot se do të marrë masa që kompanitë farmaceutike të respektojnë kontratat e nënshkruara për furnizimin me vaksinën anti-CoVid-19. Presidenti i Këshillit Europian, Charles Michel ka deklaruar se masat konsistojnë në zbatimin e mjeteve ligjore që unioni ka në dispozicion. Michel nuk ka folur për sanksione, por sipas agjencisë “Reuters” në BE ka paqartësi për arsyet e vërteta se pse Pfizer dhe AstraZeneca nisën pakësimin e sasive të furnizimit të vaksinave.

Presidenti Joe Biden përfitoi nga një sasi rekord donacionesh nga donatorë anonimë për grupe të jashtme që e mbështesnin, si rezultat, publiku nuk do të ketë kurrë një pasqyrë të plotë se kush e ndihmoi të fitonte Shtëpinë e Bardhë. Fushata fituese e Biden u mbështet nga 145 milionë dollarë, të ashtuquajtura donacione parash të errëta, një lloj i mbledhjes së fondeve që demokratët e kanë kritikuar për vite me radhë.

Një detaj në kontratën e Pfizer me vendet që presin mbërritjen e vaksinës ka shkaktuar jo pak dhimbje koke në SHBA dhe në Europë ditët e fundit. Në SHBA, si në Evropë, kontratat përcaktohen duke marrë parasysh numrin e dozave dhe jo të shishkave.

Dy deputetë britanikë kanë kërkuar hapjen e një hetimi mbi një kompani të regjistruar në Britani, emri i të cilës del i lidhur me shpërthimin shkatërrues në Bejrut. Savaro Ltd është e regjistruar në Londër dhe në regjistrin e kompanive figuron pronare Marina Psyllou. Kjo e fundit, e kontaktuar ngë agjencia e lajmeve Reuters, është shprehur se në të vërtetë pronari është një tjetër, por nuk ka pranuar të bëjë publik emrin e tij.

Varianti britanik i COVID-19 mund të ketë nivel më të lartë vdekshmërie. Megjithatë, të dy vaksinat që po përdoren aktualisht janë efektive ndaj tij.

Kryeministri britanik, Boris Johnson, paralajmëroi vendin e tij sot për rrezikun e virusit për të cilin deri tani dihej se ishte më i transmetueshëm.

Disa eksperimente që po kryhen nga Google kanë sjellë reagimin e Reporterëve pa Kufij. Organizata i cilëson arbitrare testet e motorit të kërkimit, të cilat do të zgjasin deri në shkurt.

Administrata e re amerikane do t’i rikthehet Traktatit të Reduktimit të Armëve Strategjike që parashikon kufizimin e armëve deri në 1 550 koka bërthamore aktive. Sipas raportimeve të ndryshme mediatike, presidenti i ri i SHBA, Joe Biden, synon të riaktivizojë Traktatin duke shtyrë afatet e zbatimit të tij. 

Në Tiranë pati përpjekje që të interpretonin zgjerimin e ujërave territoriale detarenga Grëqia, si politikë që do të irritonte Ankaranë. Në fakt nga sa njofthet sot, Turqia ka bërë të qartë se zgjerimi i kryer në detin Jon nga Athina, nuk ndryshon asgjë në regjimin e detit Egje. 

Zgjerimi në 12 milje i ujërave territoriale në detin Jon nga Greqia arrin në jugun e gadishullit të Peleoponezit dhe nuk afekton detin Egje në asnjë mënyrë

është shprehur zëdhënësi i Ministrisë së Jashtme të Turqisë, Hamdi Aksoy.