Blloku Bota

Një studim i zyrës holandeze të statistikave, CBS, konstaton se emigrantët që mbërrijnë në mëtë vend largohen që aty në harkun kohor të 10 viteve. 

Ambasada turke në ShBA njofton se anija Oruc Reis ka nisur kërkimet sizmike në atë që e quan shelfi kontinental i Turqisë. Në një mesazh në tuiter, ambasada deklaron se Turqia po ushtron të drejtat e veta sovrane dhe rikujton se pretendiemt e Greqisë janë maksimaliste dhe të pambështetura në praktikën ndërkombëtare.

Mos ndiqni modeline  Suedisë!

Kjo është thirrja që 25 mjekë nga Suedia i kanë bërë opinionit publik përmes një letre të botuar në US Today. Sipas mjekëve në fjalë arritja e imunitetit të tufës si filozofi menaxheriale dështoi dhe si dëshmi e kësaj është numri i vdekjeve. 

Franca nuk do të lejojë që çështjet e sigurisë në Mesdhe të kalojnë në duart e aktorëve si Turqia dhe Rusia. Të paktën këtë ka deklaruar presidenti i Francës, Emmanuel Macron gjatë një konference për shtyp me homologun qipriot, Nicos Anastasias.

Në Bolivi pandemia e koronavirusit duket se ka goditur rëndë dhe ka prodhuar situata dramatike. Mediat raportojnë se policia ka mbledhur vetëm në pesë trupat e 420 personave të vdekur që kishin humbur jetën nga virusi në rrugë, në shtëpi, ose në makinë.  Trupat janë gjetur në kryeqytetin bolivian, La Paz.

Sipas Institutit Bolivian të Mjekësisë Ligjore, nga 1 prill deri në 19 korrik janë gjetur në rrugë 3016 trupa që me shumë gjasë kanë vdekur nga koronavirusi. Zyrtarisht në Bolivi janë 60 991 raste me CoVid-19 dhe 2218 vdekje të konfirmuara.

Lëmshit të menaxhimit të pandemisë i është shtuar sot edhe një tjetër nyje. Një shkencëtar nga universiteti i Yale në SHBA, epidemiologu Harvey Risch, ka deklaruar gjatë një interviste televizive se përdorimi masiv i hidroksiklorokinës mund të shpëtojë në Amerikë 75 000-100 000 njerëz.

Unë besoj se ilaçi mund të përdoret si profilaktik për punonjësit e vijës së parë siç është bërë në Indi

Parlamenti egjiptian ka autorizuar formalisht presidentin e vendit, Abdel Fattah El-Sisi që të  ndërhyjë ushtarakisht në Libi.

Në Parlamentin hollandez është depozituar së fundmi një projektligj që u njeh të drejtën njerëzve të shëndetshëm mbi 75 vjeç për t’i dhënë fund jetës. Projektligji për eutanazinë ka si relatore Pia Dijkstra e partisë D66 që diskutohet që në muajin janar, pasi siç raportojnë mediat hollandeze:

Krahas Gjermanisë, Shtetet e Bashkuara të Amerikës kanë vendosur reduktimin e personelit ushtarak edhe në Korenë e Jugut. Gazeta “The Wall Street Journal” raporton se Pentagoni ka paraqitur në Shtëpinë e Bardhë planin e ristrukturimit dhe rivlerësimit të stacionimeveushtarake amerikane në botë, mes të cilave ka rënë në sy Korea e Jugut.

Media të ndryshme raportojnë se vaksina e zhvilluar nga kompania britanike universiteti i Oxford ka dhënë rezultate të mira. Testimet e kryera mbi 1077 njerëz kanë provuar se injeksioni prodhoi antitrupa dhe qeliza T që kuftojnë koronavirusin.

Raportimet e ndryshme theksojnë se ky është një rezultat premtues, por është ende herët për të folur nëse do të kalohet në prodhimin e saj pasi nevojiten teste të tjera për të kuptuar nëse ajo prodhon mbrojtjen e nevojshme.