Blloku Bota

Emiratet e Bashkuara Arabe kanë lëshuar zyrtarisht misionin e parë hapësinor drejt Marsit. Sonda “Shpresa” – “Al-Amal” u lëshua nga një raketë japoneze në Tanegashima dhe ka rezultuar në këtë fazë me sukses.

Kjo është e ardhmja për Emiratet

deklaroi zv. menaxheri i projektit, Sarah Al-Amiri.

Myftiu i Madh i Egjiptit, Shawqi Allam e ka cilësuar konvertimin e Shën Sofisë nga muze në xhami si të papranueshme për Islamin.

Ne si myslimanë urdhërohemi të ruajmë kishat. Profeti Muhamed, paqja qoftë mbi Të, udhëzonte gjithnjë në luftë që të mos shkatërroheshin  tempujt dhe të mos vriteshin murgjit. Në historinë e Egjiptit asnjë kishë nuk është kthyer në xhami, apo anasjelltas

Hashim Thaçi është kthyer në Kosovë pas katër ditësh intervistim në Prokurorinë Speciale në Hagë. Një institucion të cilin ai e ka dekretuar dhe para të cilit përgjigjet sot. Me imunitetin e Presidentit, jo me besimin e një qytetari që respekton angazhimin e tij. Sot ai ka bërë një hap pas në krahasim edhe me Rambujenë, në kështjellën e së cilës hyri me kredencialet e një luftëtari, pasi në këtë rast Presidentit të Kosovës nuk po i kërkohet informacion një firmë për paqen, por i kërkohet llogari për aktet e tij gjatë luftës.

Egjipti mund të ndjekë strategjinë e Rusisë në Siri, duke paralajmëruar ndërhyrje ushtarake në Libinë fqinje “në rast se do të ketë një kërkesë” nga kjo e fundit. Duke folur për këtë çështje, presidenti egjiptian.

Presidenti iranian, Hassan Rouhani, deklaroi së fundmi në në Iran aktualisht janë prekur nga CoVid-19, 25 milionë njerëz. Ai ka referuar një raport të Ministrisë së Shëndetësisë sipas të cilit shifra e deklaruar deri më tani prej 269 440 të infektuarish nuk i përgjigjet të vërtetës.  

Vlerësimi ynë është që deri më tani 25 milionë iranianë janë infektuar me këtë virus dhe rreth 14 000 kanë vdekur. Ekziston mundësia që rreth 30-35 milionë njerëz të tjerë të jenë në rrezik infektimi

Qeveria turke ka miratuar ngritjen e një bordi administrative për ruajtjen e xhamisë së Shën Sofisë në Stamboll. Bordi është shprehje e një bashkëpunimi mes Ministrisë turke të Kurlturës dhe Drejtorisë së Çështjeve Fetare – Diyanet – institucione që do të ndajnë punët lidhur me këtë monument të transformuar së fundmi nga muze në xhami.

Bordi do të përcaktojë nevojat e ndryshme për ndërhyrje dhe në këtë kuadër mediat truke raportojnë se institucionet kanë dhënë garanci se nuk do të preket asgjë nga trashëgimia e Shën Sofisë.

Agjencia e lajmeve “Reuters” raporton se Bashkimi Europian është duke negociuar me kompanitë “Moderna”, “Sanofi”, “Johnson&Johnson”, “BioNtech” dhe “CureVac” për blerjen e një vaksine kundër koronavirusit.

Aktorë publikë në Serbi kanë nisur të flasin dhe paragjykojnë procesin ndaj Hashim Thaçit në Hagë, duke paralajmëruar madje edhe abrogimin e vetë Gjykatës. Agjencia serbe e lajmeve, B92, citon një avokat serb, Branislav Tapuskoviç, sipas të cilit Thaçi nuk është pyetur për “Shtëpinë e Verdhë”.

Gjykata Europiane e Drejtësisë ka vendosur së fundmi të ndalojë transferimin e të dhënave personale të qytetarëve të Unionit drejt SHBA. Gjykata ka konsideruar ankesën e një qytetari austriak, Maximillian Schrems, përdorues i Facebook që nga viti 2008, i cili kërkoi nga kompania të ndalonte transferimin e të dhënave të tij në serverat që ndodhen në SHBA me pretendimin se ky vend nuk ofron mbrojtje të mjaftueshme të tyre.

Organizata Botërore Sioniste i ka propozuar qeverisë izraelite, konkretisht ministres së Imigrimit dhe Asimilimit Pnina Tamano-Shata, një plan për të zhvendosur drejt Izraelit hebrenjntë e Francës. Zv.drejtori Ekzekutiv i Organizatës Yaakov Hagoel ka deklaruar se hebrenjtë francezë me shumë gjasë do të largohen nga Franca drejt vendeve të tjera të botës.  Në këto kushte Izraeli duhet të përpiqet sa më shumë që të pranojë një numër të madh prej tyre.