Blloku Bota

Autoritetet iraniane pretendojnë se shkencëtari i tyre kryesor për programin bërthamor, Mohsen Fakhrizadeh u vra përmes një arme automatike të drejtuar në rrugë satelitore.

Fakhrizadeh po udhëtonte në një autostradë jashtë Teheranit…kur një armë automatike shënjestroi mbi fytyrën e tij dhe qëlloi 13 herë

Polonia dhe Hungaria mbeten jashtë planit të rimëkëmbjes ekonomike të Bashkimit Europian, nëse do të vazhdojnë t'u rezistojnë përpjekjeve për ta lidhur disbursimin e 1.8 trilionë eurove fonde me dispozitat e sundimit të ligjit. Paralajmërimi vjen nga ministri francez i Çështjeve Evropiane, Clement Beaune, i cili tha se një masë e tillë është ligjërisht e ndërlikuar, por jo e pamundur.

Jef Bezos, CEO i “Amazon” ka deklaruar se kompania e tij hapësinore, “Blue Origin” do të çojë gruan e parë në sipërfaqen e Hënës. Deklaratë është bërë pak para se agjencia amerikane e hapësirës, NASA të zgjedhë zbarkuesit e parë hënorë të ndërtuar në rrugë private që do të çojnë astronaut në Hënë deri në vitin 2024.

Kina ka kryer së fundmi një gjest diplomatik përmes të cilit duket se kërkon normalizim të marrëdhënieve me SHBA. Ambasadori i Kinës në SHBA, Cui Tiankai ka deklaruar gjatë konferencës vjetore të Institutit për Studimet Kino-Amerikane se të dyja vendet duhet të ecin përpara me vullnet të mirë.

Presidenti amerikan Donald Trump ka urdhëruar tërheqjen e trupave nga Somalia. Media të ndryshme raportojnë se vendimi vjen në kuadër të akteve të ngjashme nga rajone të tjera të botës si Irak dhe Afganistan.

Aktualisht ShBA ka dislokuar 700 trupa në Somali që kanë si mision goditjen e grupimeve si al-Qaeda që qëndron pas rebelimit të al Shabaab. 

SHBA do të ruajë kapacitetin për të drejtuar operacione kundërterrorizmi dhe te mbledhë informacione paraprake qe kanë te bëjnë me kërcënime në territorin amerikan
është shprehur përmes një deklarate pa autor Pentagoni.  

Kërkues të njohur amerikanë, përfshirë disa që punojnë në Qendrën për Kontrollin dhe Parandalimin e Sëmundjeve, kanë evidentuar se Sars-Cov-2 ishte I pranishëm në SHBA që në dhjetor të vitit 2019, javë përpara sesa Kina të konfirmonte rastet e para në Vuhan.

Presidenca franceze ka njoftuar në këto orë se ka ndërruar jetë ish-presidenti, Valéry Giscard d'Estaing. 

Politikani i njohur ishte 94  vjeç dhe ishte shtruar per shqetësime kardiake që në mesin e muajit nëntor. Më herët ai ka qenë i shtruar në Paris për probleme ne mushkëri. 
Agjencia franceze AFP konfirmoi se d’Estaing ka qenë prekur nga CoVod-19. Ai drejtoi shtetin francez në vitet 1974-1981, më i riu në këtë detyrë, vetëm 48 vjeç. 

Mostrat e gjakut të grave daneze pjesëmarrëse në një projekt kërkimor publik kanë përfunduar në duart e një organizate të themeluar nga CEO i Facebook, Mark Zuckerberg. Denoncimi është bërë nga mediat daneze.

Britania ka miratuar përdorimin e vaksinës anti-Covid të Pfizer-BioNTech, e cila do të vihet në dispozicion duke filluar nga java e ardhshme, raportojnë mediat britanike.

Britania e Madhe bëhet kështu vendi i parë në botë që miraton vaksinën e Pfizer-BioNTech për përdorim të gjerë.

Administrata amerikane e Donald Trump është kujtuar në fund që të marrë krah në tensionet e krijuara në Mesdheun Lindor. Sekretari i Shtetit, Mike Pompeo ka deklaruar përmes një telekonference se Turqia i kundërvihet parimeve dhe funksionimit të NATO-s dhe minon kështu kohezionin e saj. 
Sipas kreut të diplomacisë amerikane sjellja e Ankarasë në Mesdheun Lindor është provokative duke nisur që nga Libia, Siria e deri në Nagorno-Karabakh. 

Blerja prej Turqisë e sistemit raketor S-400 është një dhuratë për Rusinë  nga një aleat i NATO-s