Blloku Bota

Shtatë demokracitë më të pasura diskutojnë sot mënyrën se si do të përballen sfidat si Kina dhe Rusia.

I themeluar në 1975 si një forum për vendet më të pasura të Perëndimit për të diskutuar kriza të tilla si embargoja e naftës OPEC, G7 po debaton mbi këto dy vende, por edhe mbi pandeminë COVID-19 dhe ndryshimin e klimës.

"Nuk është qëllimi ynë të përpiqemi të kufizojmë Kinën", tha sekretari i Shtetit, Antony Blinken, të hënën para takimit të parë të ministrave të Jashtëm të G7 që nga viti 2019.

Kreu i grupit parlamentar të PPE, Manfred Weber, thotë se BE u shfaq e ndarë dhe e dobët gjatë vizitës së dy presidentëve të saj në Ankara. Lidhur me marrëdhëniet e kësaj të fundit me BE-në, Weber thotë se ajo "po largohet" nga vlerat evropiane dhe se nuk ka arsye që për momentin të nisë një axhendë pozitive. Kreu i eurodeputetëve të djathtë në PE i bëri këto komente në një intervistë me greken "Kathimerini". 

Charlie Munger, zv.kreu i Berkshire Hathaway, konglomerati në pronësi të Warren Buffet, e shpreh hapur kundërshtimin ndaj Bitcoin, monedha elektronike që ka njohur sukses të madh sidomos kohët e fundit.

Perëndimi mund të përballet me kërcënimin që paraqet teknologjia. Kreu i agjencisë së inteligjencës GCHQ, Jeremy Fleming, thotë se ekziston mundësia që teknologjitë kryesore në të cilat ne mbështetemi të mos formësohen nga Perëndimi. "Na duhet të evoluojmë qasjen tonë, nëse duam të ruajmë këtë ritëm", tha ai duke iu referuar sfidës që paraqet Kina në këtë drejtim.

Sipas tij, qytetet inteligjente (smart cities), të cilat do të mbledhin sasi të mëdha të dhënash, janë vetëm një shembull.

India ka thyer rekordin negativ të pandemisë së CoVid-19 me një numër vdekjesh ditore që ka kapur shifrën e 3689 njerëzish dhe infektime që kapin numrin e 392 488 në 24 orë. Të shtunën numri i të infektuarve u shtua me 401 993 njerëz. Në total India ka regjistruar 19.56 milionë të infektuar me numër të përgjithshëm të vdekurish 215 542 njerëz.

Situata me infektimet ka vazhduar për më shumë se 10 ditë me 300 000 njerëz të prekur çdo 24 orë duke çuar në krizë tërësore sistemin spitalor dhe atë të shërbimit mjekësor.

Zëvendës Presidenti i Turqisë, Fuat Oktay ka interpretuar njohjen e Genocidit Armen prej SHBA me dy arsye kryesore.

Sipas tij, SHBA po përpiqet të rikthehet në skenën ndërkombëtare dhe së dyti për këtë deklaratë presidenti Joe Biden ka edhe arsye të brendshme.

Unë besoj se ai është duke u përpjekur për të përdorur një fenomen të till si një instrument rikthimi në një pjesë të botës. dhe unë besoj fuqimisht se këto dy arsye janë tërësisht të gabuara për të dhe politikën e jashtme të SHBA

Ato që në SHBA prej disa vitesh janë cilësuar sulme misterioze ndaj diplomatëve amerikanë në Amerikën Latine, duket se janë në rritje. Drejtuesit demokratë dhe republikanë të Komitetit të Inteligjencës në Senat raportuan të premten incidente të tjera të ngjashme, për të cilat thanë se po kryhen hetime.

Në një deklaratë, senatorët Mark Warner, kryetari demokrat i komitetit dhe Marco Rubio, nënkryetari i tij republikan, thanë se prej rreth pesë vitesh kanë qenë në dijeni të sulmeve misterioze ndaj personelit të qeverisë amerikane në Havana, Kubë dhe gjetkë në botë.

SHBA-të duhet të përgatiten për luftëra të një natyre tjetër nga ato të deritanishme. Sekretari i Mbrojtjes i SHBA, Lloyd Austin, gjatë një fjalimi në Komandën e Paqësorit të SHBA-ve në Havai tha se duhet punuar fort në drejtim të zhvillimit të teknologjisë dhe lidhjeve më të forta ushtarake globale në mënyrë “vendimet të merren shpejt dhe në bazë të tyre edhe të veprohet shpejt”.

OBSH i ka hapur dritën jeshile vaksinës Moderna për përdorim emergjent. Vaksina mRNA e prodhuar në SHBA i bashkohet AstraZeneca-s, Pfizer-BioNtech dhe Johnson&Johsnon në listën e atyre që OBSH ka miratuar deri tani për përdorim emergjent, raporton Euronews.

Kërkesa për aprovim të dërguara nga dy kinezet Sinovac dhe Sinopharm pritet të miratohen në ditët e ardhshme.

Rreth pesë muaj pas censusit, Kina nuk ka ende rezultatet zyrtare. Zvarritja e afatit të publikimit të të dhënave ka shkaktuar një efekt domino që përfshin, për shembull, statistikat zyrtare të lindjeve, thelbësore për azhurnimin e programeve të shëndetit dhe asistencës. Janë të shumtë ata që e motivojnë këtë vonesë me kohën që i duhet qeverisë kineze për përshtatjen e planeve zyrtare me të dhënat e reja.