Blloku Bota

Pas disa orësh pasigurie, qeveria iraniane konfirmoi se një shkencëtar shumë i rëndësishëm i lidhur me programin bërthamor iranian u vra në veri të vendit. Mohsen Fakhrizadeh ishte drejtori i përgjithshëm i programit  "Amad" (Shpresë), një program që sipas shërbimeve të inteligjencës izraelite dhe amerikane është i lidhur me studimet që Irani vijon të zhvillojë në fshehtësi për të zhvilluar bombën atomike. Programi është një lloj studimi i fizibilitetit për të kuptuar se cilat procedura duhet të ndiqen për ndërtimin e ndonjë bombe bërthamore për Republikën Islamike.

Shkencëtarët kinezë deklarojnë se varianti Sars-Cov-2 që preku në fund të vitit 2019 rajonin e Wuhanit në Kinë, është gjurmuar se ka qenë më herët në tetë vende të ndryshme në katër kontinente. Lajmi i përcjellë prej tyre vjen ndërkohë që Organizata Botërore e Shëndetësisë ka njoftuar nisjen e një hetimi ndërkombëtar mbi burimin e koronavirusit që shkakton sëmundjen e CoVid-19. Sipas kërkuesve kinezë të publikuar në revistën Molecular Phylogenetics and Evolution, kalimi i parë i virusit nga kafshët te njeriu mendohet të ketë ndodhur në nënkontinentin indian.

Hungaria dhe Polonia dolën kundër një plani të BE-së për "promovimin e barazisë gjinore dhe fuqizimin e grave" si pjesë e politikës së jashtme të bllokut.
Përplasja e fundit me Budapestin dhe Varshavën – të cilat javën e kaluar i vunë veton buxhetit të BE-së dhe planit të rimëkëmbjes nga Covid-19 si formë kundërshtimi ndaj kritikave të BE për sundimin e ligjit - është pjesë e një beteje përshkallëzuese që të dy vendet po bëjnë mbi termin "barazi gjinore" në disa  politika të ndryshme të BE-së, që nga çështjet shoqërore deri te inteligjenca artificiale.

Parlamenti Europian ka adoptuar dje një amendament që hap rrugën për vendosjen e sanksioneve ndaj Turqisë për shkak të hapjes prej kësaj të fundit të Varoshës, qytetit bregdetar të Qipros. Amendamenti i depozituar nga Partia Popullore Europiane përcakton se:

Këshilli i Europës duhet të ruajë pozicionin e tij të unifikuar vis-à-vis me veprimet ilegale dhe të njënashme të Turqisë, të ndërmarrë veprime dhe të vendosë sanksione ndaj Turqisë

Kandidati fitues për president i SHBA, Joe Biden, ka prezantuar gjatë një aktiviteti në Delaëare ekipin që do të jetë pranë tij për çështje të diplomacisë dhe sigurisë kombëtare. Deviza e Biden, po ajo që kemi dëgjuar kohë më parë dhe që krijoi kaq shumë probleme.

Këta shërbyes publikë do të rikthejnë lidershipin global të Amerikës dhe lidershipin moral

citohet Biden.

Kryeministrat e katër vendeve të Bashkimit Evropian në vijën e frontit të krizës së migracionit, përkatësisht Greqia, Italia, Spanja dhe Malta, kanë nënshkruar një memorandum të përbashkët, i cili qartëson pozicionet e tyre në raport me Paktin e ri të BE për Migracionin dhe Azilin te kryesia gjermane e Këshillit Evropian, e përfaqësuar nga kancelarja Merkel, Presidenti i Këshillit Evropian, Charles Michel, dhe Presidentja e Komisionit Evropian, Ursula von der Leyen.

Procesi i vaksinimit në Bashkimin Europian pritet të nisë në Krishtilindje, duke hapur kështu rrugën për kontrollin e pandemisë së CoVid-19. Associated Press citon një zyrtare të lartë të BE-së që ka folur për vaksinimin e qytetarëve të 27 vendeve anëtare të bllokut.

Komisioni Europian ka rënë dakord me 6 furnizues potencialë të vaksinës dhe po punon për një kontratë të shtatë përmes të cilave do të blihen 800 milionë doza për një popullsi prej 460 milionë banorësh.

Kryeministri i Kosovës Avdullah Hoti ka thënë se në rast të mos dakordimit për çështjen e presidentit, atëherë vendi do të shkoj në zgjedhje. Hoti ka thënë se nëse ka vullnet nga partitë politike për zgjedhjen e presidentit të ri atëherë do të ulen të diskutojmë. Kryeministri ka konfirmuar se koalicioni qeverisës nuk i ka 80 vota të cilat nevojiten për zgjedhjen e presidentit të ri të Kosovës.

Balanca e fuqisë në Mesdhe ka ndryshuar. Të paktën këtë mendon ish-kreu i Forcave të Armatosura të Italisë, admirali Luigi Binelli Mantelli.

Rusia është fuqia detare dominues në Mesdhe, e ka fituar këtë rol në terren. Rusia do të kërkojë të ndërtojë një bazë detare në Libi dhe ka një bazë të avancuar në Siri

ka deklaruar Mantelli në një intervistë për EuObserbver.

Ka nisur në Paris gjyqi kundër ish-presidentit të Francës, Nikolas Sarkozy i cili akuzohet për tentativë korruptimi të një gjykatësi.

Unë nuk jam një hajdut