Blloku Bota

France24 publikon sot pamje video nga protestat e zhvilluara në Iran në nëntor të viti 2019 që lindën si reagim i rritjes së çmimeve të naftës. Në atë kohë, qeveria iraniane bllokoi internetin dhe linjat telefonike, por përplasja është filmuar nga kamera amatore.

Media në fjalë raporton se ka analizuar 750 video amatore dhe ka realizuar një material që e quan video-investigim ku paraqiten forcat iraniane të sigurisë që qëllojnë me armë zjarri kundër protestuesve.

Kompania franceze, Carmat SA, ka marrë miratimin për zemrën e parë artificiale.

Sipas agjencisë Bloomberg, projekti nisi në vitin 1993 dhe kërkimi dhe zhvillimi është kryer nga kompania e raketave Matra, e cila më pas u bë pjesë e kompanisë së prodhimit të aeroplanëve Airbus, aktualisht aksioneri më i madh i Carmat. Carmat ka aplikuar për marrjen e markës CE, ekuivalente e Bashkimit Europian me miratimin që jep FDA-ja amerikane, dhjetë vjet më parë, dhe marka u dha këtë javë.

Një organizatë që merret me dhunën kufitare – Rrjeti I Monitorimit të Dhunës Kufitare – ka përpiluar një libër prej 1 500 faqesh që evidenton shkeljet e mëdha të bëra në kufijtë e Bashkimit Europian ndaj imigrantëve. Libri i është dorëzuar Komisionit Europian dhe titulli i tij parathotë shumëçka: Libri i Zi i Kthimeve.

Në të përfshihen 892 dëshmi nga grupe njerëzish që prekin përvojat e 12 654 viktimave të shkeljeve të të drejtave të njeriut përgjatë Rrugës Ballkanike të migrimit.

Presidenti amerikan Donald Trump ka dalë sot në media për të denocnuar Ligjin për Lehtësimin e pasojave të CoVid-19.

Në një konferencë për shtyp, Trump e ka quajtur atë një turp të vërtetë duke renditur fondet dhe alokimin e tyre në destinacione që sipas tij pak kanë të bëjnë me pandeminë.

Trump ka vënë në dukje se drafti është 5500 faqe dhe askush në Kongres se ka lexuar pikërisht për shkak të volumit, ndërkohë që destinimin e fondeve në vende të huaja.

Ai ka përsëritur se pandemia është faji i Kinës dhe ka bërë thirrje që Kongresi të rishikojë draftin.

Izraeli do të shkojë në zgjedhje të parakohshme brenda muajit mars për shkak se Parlamenti nuk arriti të miratojë buxhetin brenda afateve. Këto janë zgjedhjet e katërta parlamentare në dy vjet dhe ndoshta më sfidueset për liderin më jetëgjatë në ekzekutivin izraelit, kryeministrin Beniamin Netanyahu.

Virusi pëson mutacion dhe rasti i variantit britanik është i natyrshëm. Massimo Ciccozzi, epidemiolog i Universitetit Biomedical Campus të Romës dhe zbulues i disa prej mutacioneve të Sars Cov 2, thotë se me aq sa dihet për momentin, mutacioni në fjalë nuk ndikon në efikasitetin e vaksinës.

A duhet të na frikësojë vërtet varianti anglez i koronavirusit për të cilin po flitet kaq shumë?

Enti rregullator europian për Shëndetësinë ka rekomanduar sot aprovimin e vaksinës anti-CoVid-19 të zhvilluar nga BioNTech/Pfizer duke hapur rrugën për nisjen e vaksinimit më 27 dhjetor. Vaksina do të përdoret në moshat mbi 16 vjeç dhe sipas Agjencisë në fjalë, Komisioni Europian mund të ofrojë një autorizim të kushtëzuar marketing, që i hap dritën jeshile vendeve anëtare të BE-së për të nisur administrimin e vaksinës. Kreu i Agjencisë, Emer Cooke, e cilësoi momentin si një “arritje shkencore historike” ndonëse ka shtuar nuk është një pikë kthese për pandeminë.

Presidenti brazilian, Jair Bolsonaro, ka nisur një sulm ndaj vaksinave të koronavirusit. Së fundmi, ai është shprehur se vaksina Pfizer-BioNTech mund t'i kthejë njerëzit në krokodila ose zonja me mjekër.

Një variant i ri i koronavirusit, i shfaqur së fundmi në Britani, ka ngritur alarmin në Europë. Të parat ishin Italia dhe Belgjika, të cilat mbyllën linjat ajrore dhe hekurudhore, ndërkohë që Franca dhe Gjermania pritet të bëjnë të njëjën gjë.  

Mjeku infeksionist, Massimo Galli, thotë se varianti i ri i Covid-19 nuk është më agresiv, por përhapet më me shpejtësi.   

Huawei ka zgjedhur Parkun e Biznesit në qytetin Brumath, 17 kilometra në veri të Strasburgut, në verilindje të Francës, pranë kufirit gjerman, si vendndodhjen e fabrikës së tij të parë të prodhimit në Evropë. Lideri botëror i telekomunikacionit dhe autoritetet lokale në rajonin francez e bënë të ditur këtë zhvillim përmes një deklarate të përbashkët të lëshuar dy ditë më parë.

Me një investim prej 200 milionë euro (245 milionë dollarë), fabrika do të krijojë fillimisht 300 vende pune dhe 500 vende pune në terma afatgjatë.