Blloku Bota

NATO është shprehur e shqetësuar në lidhje me dislokimin e disa tankeve dhe mjeteve të blinduara ruse në rajone që kufizohen me Ukrainën si dhe në Krime, të cilën Moska e aneksoi nga Ukraina në 2014.

Ambasadorët e NATO-s u takuan për të diskutuar mbi përshkallëzimin e dhunës në rajonin lindor Donbass, ku trupat ukrainase kanë luftuar forcat separatiste të mbështetura nga Rusia në një konflikt, sipas Kievit u ka marrë jetën 14 000 njerëzve që nga viti 2014.

Të dhënat e dy kompanive kineze për efikasitetin e vaksinave Sinopharm dhe Sinovac përputhen me kriteret e Organizatës Botërore të Shëndetësisë.

Grupi Strategjik Këshillimor i Ekspertëve i OBSH-së (SAGE) pritet të publikojë rekomandime për dy vaksinat kineze deri në fund të prillit, tha kryetari i tij Alejandro Cravioto.

Vala e katërt e pandemisë Covid-19 në Iran po u jep formë aleancave gjeopolitike të vendit aziatik, duke e afruar atë me aleatët e saj dhe duke rritur distancat me kundërshtarët. Deri më sot, Irani ka zyrtarizuar 1.9 milion raste që nga fillimi i epidemisë dhe mbi 62 mijë viktima.

Prej katër javësh, numri i madh i rasteve të reja ka sjellë frikën nga më e keqja: varianti anglez i virusit tani është i pranishëm në të gjitha zonat, pas një relaksimi të përgjithshëm të popullsisë gjatë pushimeve tradicionale në fillim të vitit të ri.

Vështirësitë e furnizimit

Bllokimi i një anijeje në Kanalin e Suezit për disa ditë ka riaktualizuar një ide të pak kohëve më parë të izraelitëve për ndërtimin e një rruge alternative hekurudhore ndaj kalimit të famshëm ujor. Gjiri i Eliatit, njohur ndryshe edhe si Gjiri i Akabas propozohet nga disa në Izrael si një rrugë e mundshme për të hequr ekskuluzivitetin e Suezit që u provuar se në rast bllokimi vë në krizë zinxhirin global të furnizimit.

Brazili është ndër vendet me numrin më të madh të viktimave të shkaktuara nga Covid-19. Ish-presidenti Luiz Inácio Lula da Silva e cilëson këtë situatë gjenocidi më i madh në historinë e vendit.

OBSH kritikon Europën për ritmin e ngadaltë të vaksinimit. "Vaksinat janë mënyra jonë më e mirë për të dalë nga kjo pandemi ... Sidoqoftë, fillimi i këtij procesi është në mënyrë të papranueshme i ngadaltë" dhe "po zgjat pandeminë", tha drejtori i OBSH-së për Evropën në një deklaratë, Hans Kluge.

OBSH vlerëson se rritja e aktuale e numrit të rasteve të koronavirusit në Evropë është më shqetësuesja.

Sipas agjencisë së Kombeve të Bashkuara, më shumë se 1.6 milion njerëz janë prekur nga COVID-19 në 51 vendet e Evropës javën e kaluar – java e gjashtë radhazi që shënon rritje.

Bashkimi Evropian, SHBA dhe dhjetëra vende të tjera premtuan të martën 6.4 miliardë dollarë ndihmë për zgjidhjen e krizave të thella humanitare dhe ekonomike në Sirinë e shkatërruar nga lufta dhe për të ndihmuar vendet fqinje që strehojnë refugjatë. Megjithatë, ky kontribut është më i vogël se 10 miliardë dollarët që priste OKB.

Premtimi erdhi në ditën e fundit të një konference vjetore të organizuar nga Kombet e Bashkuara dhe BE-ja. Përetj këtij granti, institucionet financiare dhe donatorët kanë ofruar edhe kredi në një vlerë totale prej 7 miliardë dollarë.

Rusia ofron Sputnik V për të gjithë botën dhe deri më tani e ka eksportuar atë në disa vende, nga Venezuela në San Marino. Një fushatë e mirëorkestruar propagandistike politike, argumentojnë Shtetet e Bashkuara dhe disa kritikë evropianë të Kremlinit, duke pasur parasysh që në Rusi, të vaksinuarit janë ende shumë pak dhe, për të përmbushur nevojat e saj, Moska është e detyruar të importojë doza nga jashtë. Sputnik V fluturon për në La Paz dhe i ofrohet Bashkimit Evropian.

Raporti i Organizatës Botërore të Shëndetësië mbi origjinën e SARS-COV-2 është kontestuar nga 13 vende. ShBA, Australia, Kanadaja, Republika Çeke, Danimarka, Estonia, Izraeli, Japonia, Letonia, Lituania, Norvegjis, Korea, Sllovenia dhe Mbretëria e Bashkuar kanë autorizuar një deklaratë të përbashkët të publikuar në faqen online të Departamentit Amerikan të Shtetit, përmes së cilës vënë në dyshim metodën e përgatitjes së raportit.