Blloku Bota

Qeverisjes së kryeministrit izraelit, Beniamin Netanyahu duket se po i vjen fundi, teksa media të ndryshme raportojnë për krijimin e një koalicioni opozitar me mandat të përkohshëm. Në lojë është largimi i njeriut kryesor politik në Izrael përmes një aleanca të panatyrshme mes liderit opozitar, Yair Lapid dhe kreut të partisë së djathtë Yamina, Natali Benett që ka gjashtë vende kyç në parlament.

Darka joformale e liderëve të Ballkanit Perëndimor, organizuar nga shefi i diplomacisë europiane, Josep Borrell, ka mundësi të ketë prodhuar një dokument të miratuar nga BE për rajonin.

Një variant hibrid i koronavirusit, i formuar nga ai indian dhe anglez, është zbuluar në Vietnam. Varianti i ri përhapet shumë më shpejt në ajër sesa të tjerët. Lajmin e konfirmoi ministri vietnamez i Shëndetësisë, Nguyen Thanh Long, i cituar nga “The Guardian”.

Ky variant, theksoi ministri, është shkaku i valës së re të infeksioneve në vend, që filloi rreth një muaj më pare dhe që deri tani ka sjellë 3 595 raste të reja në 33 qytete dhe provinca.

Horror në Kanada. Një e vërtetë tragjike për të cilën anëtarët e pakicës etnike 'Tk'emlúps te Secwépemc' kanë dyshuar për dekada me radhë, ka dalë në dritë me gjithë mizorinë e saj makabre në ditët e fundit: eshtrat e 215 fëmijëve janë gjetur afër asaj që dikur ishte një shkollë rezidenciale. Kjo e fundit është nga institucionet e sistemit të njohur si 'shkolla rezidenciale indiane', një rrjet shkollash të themeluara nga qeveria dhe të administruara nga Kishat Katolike që largoi fëmijët e njerëzve indigjenë nga kultura e tyre për t'i asimiluar ata në kulturën e shumicës.

Ashtu siç pritej, presidenti sirian, Bashar al-Assad, u rizgjodh për të udhëhequr vendin për shtatë vjet të tjerë, me 95.1% të votave. Njoftimi u bë nga kreu i Parlamentit të Damaskut.

 Zgjedhjet presidenciale në Siri janë kritikuar ashpër nga Shtetet e Bashkuara, Britania e Madhe dhe Bashkimi Evropian, të cilët i kanë cilësuar një farsë, për shkak të mungesës së kandidatëve të mirëfilltë nga opozita dhe kontrollit të pavarur të procesit.

Gjermania ka pranuar për herë të parë gjenocidin e kryer kundër popullatave Herero dhe Namas në Namibi, gjatë epokës koloniale. Për këtë, Berlini do të dhurojë 1.1 miliardë euro për të nxitur zhvillimin e vendit afrikan.

Vetëm qytetarët e Ruandës mund ta falin Francën për rolin e saj në gjenocidin e vitit 1994. Gjatë vizitës në Kigali, presidenti francez zgjodhi t’u drejtohet direkt ruandasve përmes një fjalimi të mbajtur në Gisozi Memorial Center, ku janë varrosur 250 mijë ruandas të etnisë Tutsi.

Presidenti i Parlamentit Europian, David Sassoli shprehet në një intervistë për “Kathimerini” se përgjigja e BE-së ndaj pandemisë përbën një moment afirmimi të forcës reale të unionit. Sipas tij migrimi i ligjshëm do të ndihmonte në planet e rimëkëmbjes ekonomike të bllokut.

Cili është reagimi Juaj rreth ngjarjeve që ndodhën të djelën me fluturimin e kompanisë Ryanair që e detyruan të ulej në Bjellorusi? Çfarë mendoni për përgjigjen e KE-së?

Dy reaktorë bërthamorë për ndërtohen në Kinë. Ata pritet të vihen në punë në vitin 2024 dhe 2026 dhe janë të dy një tip i quajtur China Fast Reactor 600 (CFR-600).

Ky lloj reaktori është një "krijues", që do të thotë reaksioni i tij bërthamor gjeneron më shumë karburant sesa përdor, një sistem që i ka shqetësuar shkencëtarët.  

Në shumicën e termocentraleve bërthamore, qëllimi është që të përdoret sa më shumë lënda e djegshme dhe jo të prodhohet e tillë. Kjo është veçanërisht e vërtetë kur reaktori prodhon plutonium, i cili është i lehtë për t'u kthyer në armë bërthamore.

Zvicra braktis në mënyrë përfundimtare shtatë vite negociata me Bashkimin Evropian, që supozohej se do të modernizonin marrëdhëniet e tyre bilaterale. Zvicra dhe BE-ja kanë punuar për një Marrëveshje Kornizë Institucionale, e cila të kishte në fokus hyrjen e Zvicrës në tregun e përbashkët europian, një ekuilibër që Brukseli zakonisht e quan "fushë e barabartë". Negociatat nisën në 2014 dhe një draft i plotë u arrit në nëntor 2018, kohë kur Berna dhe Brukseli nisën fazën e dytë: atë të rishikimit për sqarime dhe amendime.