Blloku Bota

Turqia ka vendosur të ndërhyjë në Izrael duke vepruar me mekanizmin e bashkëpunimit në fushën e sigurisë me Autoritetin Palestinez. Gazeta turke, e afërt em qeverinë, Yeni Safak, raporton se Ankaraja ka ratifikuar marrëveshjen e sigurisë me AP, të firmosur në vitin 2018. Në kuadër të kësaj marrëveshjeje, forcat palestineze të sigurisë do të trajnohe në Akademinë Turke të Xhandarmarisë dhe Rojes Bregdetare, ndërkohë që do të vihen në zbatim projekte afatshkurtër dhe afatgjatë të cilat synojnë rritjen e aftësive të forcave palestineze.

Franca ka hapur një hetim mbi pasurinë personale të Riad Salameh, shefi i bankës qendrore në Liban.

Prokurorët francezë po hetojnë mbi dyshimet për lidhje kriminale dhe pastrim parash nga Salameh, një gjë që e ka bërë më parë edhe Zvicra. Gjetjet e hetimit mund të hedhin dritë mbi origjinën e pasurisë së bankierit 70-vjeçar.

Salameh është në detyrë që nga viti 1993 dhe është akuzuar në mënyrë të përsëritur nga qeveria e kryeministrit të përkohshëm Hassan Diab si përgjegjës për rënien e paundit libanez.

"Më në fund morëm drejtësi. Kjo është dita më e bukur e jetës sime”, tha 78 vjeçarja Fata Orloviç, në truallin e së cilës ishte ndërtuar një kishë ilegalisht në vitin 1998. Grindja për të drejtat e tokës në fshatin boshnjak, Konjeviç Polje i ka rrënjët në luftën e Bosnjes (1992-1995). Familja e Orloviç duhej të largohej atëherë për shkak të luftës dhe të linte pas tokat. Disa pjesëtarë të kësaj familjeje myslimane, mes tyre edhe bashkëshorti i Fata Orloviç u vranë në masakrën e Srebrenicës në vitin 1995.

Amerika është duke ecur në rrugën e gabimeve strategjike të Bashkimit Sovjetik, gabime që kanë si emërues të përbashkët: vetëbesimin dhe iluzionin se forca e një perandorie nuk shteron kurrë. Gjatë një konference për shtyp ku foli për sanksionet e SHBA ndaj Moskës, presidenti i Rusisë, Vladimir Putin bëri disa vërejtje që në fakt provojnë se rivalët e SHBA po mbajnë shënim shtegun e minuar ku po ecën Amerika dhe pas saj edhe Perëndimi.

Gjykata Europiane ka vlerësuar së fundmi me një vendim të vetin se Gjermania, vendi kryesor i Bashkimit Europian, ka shkelur normat e ndotjes së ajrit për 6 vjet. Sipas gjykatës, nga viti 2010 deri në vitin 2016, Gjermania ka shkelur kufijtë e emetimit të dioksidit të nitrogjenit në 26 zona mes të cilave në Berlin, Shtutgart, Mynih, Këln, Dyseldorf dhe Rhine-Maine.

Nigeria ka pezulluar Twitter-in vetëm dy ditë pasi rrjeti social fshiu një postim të presidentit Muhammadu Buhari, që kërcënonte të ndëshkonte secesionistët rajonalë.

Ministri i Informacionit, Lai Mohammed, i cituar nga France 24, tha se qeveria e mori këtë masë për shkak të "përdorimit të vazhdueshëm të platformës për aktivitete që minojnë ekzistencën e korporatave të Nigerisë".

Mohammed nuk dha më shumë detaje në lidhje me vendimin.

Ministrat e Financave të ekonomive më të mëdha të botës kanë arritur një "marrëveshje historike" mbi reformën globale të taksave. Marrëveshja në fjalë kërkon që gjigantët më të mëdhenj të teknologjisë shumëkombëshe të paguajnë pjesën e taksave që u takon. Lajmin e konfirmoi fillimisht ministri britanik i Financave, Rishi Sunak, të cilit i referohet Euronews.

Në Bullgari janë ngritur dyshime se spitalet shtetërore janë përdorur për transplante organesh të paligjshme. Ministria e Shëndetësisë njoftoi të enjten se gjatë mandatit të kryeministrit Bojko Borisov, spitali shtetëror ka kryer transplantime organesh nga dhurues të varfër të gjallë te “xhaxhallarë” të pasur, këta të fundit të fshehur pas identiteteve të rreme. Mes përfituesve dyshohet se është edhe një zyrtar i lartë i qeverisë, i cili ka bërë transplant mëlçie, duke shmangur listën e pritjes.

Një nga bashkëpunëtorët më të ngushtë të Papa Bergoglios ka dhënë dorëheqjen. Kardinali i Monakos, Reinhard Marx, i është drejtuar Atit të Shenjtë me një kërkesë më datën 21 maj, por detajet e saj janë bërë publike sot.

Marx është një nga eksponentët më të njohur të Dhomave të Shenjta Gjermane, të cilat i ka drejtuar në cilësinë e presidentit të Konferencës së Ipeshkvijve deri në vitin 2020.

Në letrën drejtuar Atit të Shenjtë, Marx kërkon të lirohet nga posti i Kryepeshkopit të Mynihut dhe Freising, detyrë që e mban që nga viti 2007, i emëruar nga Papa Benedikti XVI.

Prej mëse 40 vitesh, mjekët në të gjithë botën po luftojnë me virusin HIV. Nuk ka ende një vaksinë që parandalon sëmundjen që ai shkakton, SIDA. Në SHBA me virusin HIV jetojnë rreth 1.2 milionë njerëz, por kryeepidemologu Anthony Fauci thotë se qëllimi për t’i dhënë fund epidemisë së AIDS-it deri në 2023-n është i arritshëm.