Blloku Bota

Pas marrëveshjeve miliarda dollarëshe për furnizimin e shumë shteteve me vaksinën anti-Covid, Pfizer do të hyjë në industrinë e kanabisit mjekësor. Hapi i parë është një trajtim premtues të sëmundjes së zorrëve me bazë kanabinoidin.

Javën e kaluar, korporata amerikane shumëkombëshe farmaceutike dhe bioteknologjike Pfizer nënshkroi një marrëveshje me vlerë 6.7 miliardë lekë me kompaninë Arena Pharmaceuticals.

Afrika e Jugut, vendi ku varianti Omicron u shfaq për herë të parë, njoftoi të enjten se ka kaluar pikun e valës së re të shkaktuar nga ky i fundit, pa vënë re një rritje të ndjeshme të numrit të të vdekurve.

Pasi dha dorëheqjen si kryeministër, Sebastian Kurz do të punojë për një prej mbështetësve të hershëm të ambicieve të tij politike. Ish-kancelarit të Austrisë i është besuar një detyrë menaxheriale e rangut të lartë në Palantir Technologies me bazë në Silicon Valley. Themeluesi i Palantir Technologies është miliarderi gjermano-amerikan Peter Thiel, një nga bashkëthemeluesit e PayPal dhe investitori i parë i jashtëm në Facebook. Ai ka mbështetur edhe republikanët amerikanë dhe ish-presidentin Donald Trump.

Këshilli Shtetëror në Belgjikë i ka dhënë të drejtë një kompanie produksioni, e cila ankimoi vendimin e qeverisë për të mbyllur kinematë, qendrat e artit dhe sallat e koncerteve.

Masat e reja kufizuese hynë në fuqi të dielën, por vendimi u kundërshtua nga disa biznese të sektorit të kulturës, të cilat qëndruan të hapura në shenjë proteste.

Qeveria e vendosi edhe sektorin e kulturës nën masat kufizuese, pavarësisht se komiteti shkencor deklaroi se vende të tilla nuk përbëjnë rrezik shtesë për shëndetin publik.

Gjykata më e lartë e Rusisë vendosi mbylljen e Memorial International, organizata për mbrojtjen e të drejtave të njeriut që disponon arkivin më të madh në botë të dokumenteve dhe dëshmive të epokës së gulagëve. Organizata ishte futur në futur në listën e “agjentëve të huaj” nga qeveria ruse, ndërsa dy ditë më parë lideri i saj historik, Yuri Dimitrev, u dënua me 15 vjet burg nga një gjykatë në Petrozavodsk.

Ambasadori amerikan në Serbi, Anthony Godfrey ka paralajmëruar Beogradin për manovrat dhe marrëveshjet e tij me Rusinë. Duke folur në Tv Prva, Godfrey ka prekur temën delikate të energjisë që sipas palës amerikane është ndër instrumentet kryesore të presionit politik nga Moska. 

Unë pres që Serbia do të marrë pjesë në një projekt të rëndësishëm për importin e gazit përmes Greqisë, që është një partneritet shumë i rëndësishëm. Serbia duhet të marrë vendimet e veta, ideja më e mirë është aktivizimi i burimeve të ndryshme energjetike

Ekonomia e dytë e Europës do të hapë një faqe të re. Mbyllja e epokës Merkel duket se do t’ia lërë vendin një ekonomie më të të gjelbër dhe më dixhitale, një plan për të cilin krahas qeverisë do të angazhohen edhe titanët e korporatave si Volkswagen dhe Siemens.

Gara SHBA-Kinë është zhvendosur prej kohësh edhe në hapësirë. Por një incident i fundit i ka acaruar marrëdhëniet edhe në këtë pikë. Pekini e akuzoi sot SHBA-në për sjellje të papërgjegjshme dhe të rrezikshme në hapësirë ​​për shkak të dy “takimeve të afërta” mes stacionit hapësinor kinez dhe satelitëve të kompanisë Starlink të miliarderit amerikan, themeluesit të Tesla, Elon Musk.

Turqia është ofruar të bëjë rolin e ndërmjetëses në krizën e Bosnjës. Ministri i Mbrojtjes, Hulusi Akar, ka zhvilluar një vizitë në Sarajevë, ku u takua me liderin serb të Bosnjës, Milorad Dodik, presidencën boshnjake dhe zyrtarë të tjerë, sipas ministrisë së tij.

“Ne e shohim Bosnjën dhe Hercegovinën në tërësi. Ne kemi bërë gjithçka mundemi për unitetin dhe stabilitetin e tij dhe do të vazhdojmë ta bëjmë këtë”, tha Akar për transmetuesin CNN Turk pas bisedimeve të tij.

Afrika e Jugut po përpiqet të pengojë nxjerrjen në ankand të çelësit të qelisë ku vuajti për shumë vite Nelson Mandela. Çelësi i qelisë së burgut Robben Island në Cape Town pritet të dalë në ankand më 28 janar në Nju-Jork, si pjesë e një grupi relikesh të Mandelës.

Shumica e objekteve që dalin në ankand janë siguruar nga anëtarët e familjes së Mandelës për të mbledhur fonde për një muze dhe kopsht, që është planifikuar të ndërtohet rreth varrit të tij. Ndërsa çelësi po shitet nga ish-roja e burgut, i cili u bë miku i Mandelës.