Blloku Bota

Disa vatra infeksioni të gripit të shpendëve, H5N1, një sëmundje shumë ngjitëse, janë shfaqur nëpër fermat e Polonisë, duke prekur mbi gjysmë milioni zogj. Një shpërthim i ngjashëm u konfirmua edhe në Angli të hënën.

Organizata Botërore për Shëndetin e Kafshëve (OIE) i zbuloi rastet në Poloni të hënën dhe njoftoi se pesë u dokumentuan vetëm në pjesën lindore të vendit.

Gati 650 000 shpendë në fermat e vendit janë kontaminuar me gripin e shpendëve, bëri të ditur OIE.

Një tjetër medikament premton parandalimin e infektimit me virusin SARS-CoV-2. Regeneron Pharmaceuticals Inc njoftoi sot se një dozë e vetme e koktejit të saj të antitrupave uli rrezikun e infektimit me 81.6%, rezultat që zgjati dy deri në tetë muaj pasi ishte marrë.

Gjeologët italianë dhe ata grekë janë bashkuar për të krijuar një stacion që do të monitorojë aktivitetin e vullkanit të Santorinit. Në projekt janë përfshirë studiuesit e Hellenic Survey of Geology and Mineral Exploration (HSGME) dhe Instituti për Studimin dhe Monitorimin e Vullkanit të Santorinit (ISMOSAV) si edhe kolegët e tyre italianë nga Universiteti i Firences dhe Këshilli Kombëtar i Kërkimeve të Italisë.

Në Shtetet e Bashkuara ka hapur një debat të ri padia që tre besimtarë myslimanë bënë ndaj FBI-së. Tre paditësit: Yassir Fagaza, imami i Fondacionit Islamik të Kontesë Portokalli; Ali Uddin Malik dhe Yasser Abdelrahim pretendojnë se FBI-ja dërgoi një informator në xhamitë e kontesë në vitet 2006-2007, me detyrën për të mbledhur informacion.

Ndryshe nga sa mendohej, niveli i emetimeve të karbonit ka qëndruar konstant përgjatë viteve të fundit. Ky është konkluzioni i një grupi studiuesish në kuadër të Projektit Global të Karbonit (GCP).

Ky i fundit parashikon që emetimet fosile në vitin 2021 do të arrijnë 36.4 miliardë ton CO2 (GtCO2), vetëm 0.8% nën nivelin e tyre para pandemisë prej 36.7 GtCO2 në 2019. Kina dhe India udhëheqin për nivelin më të lartë të emetimeve.

Gjykata e Apelit në SHBA ka bllokuar urdhrin e presidentit Biden, sipas të cilit punonjësit e kompanive me mbi 100 pjesëtarë stafi duhej të vaksinohen detyrimisht ose t’u nënshtrohen testeve javore dhe të mbajnë maska.

Jeff Landry, prokurori i përgjithshëm republikan i Luizianës, tha se vendimi i gjykatës e pengon presidentin Biden të "çojë përpara tejkalimin e kompetencave”.

Kursi europian i Ballkanit Perëndimor mund të prapakthehet. I këtij mendimi është ministri i Jashtëm i Greqisë, Nikos Dendias, i cili gjatë një konference për shtyp me homolgun e tij slloven, Anže Logar ka vënë në dukje nevojën e një investimi maksimal nga Europa në ruajtjen e ritmit të procesit të integrimit.

Në Belgjikë, të enjten u regjistruan më shumë raste të reja se para karantinës së tetorit 2020, kur Shtetet e Bashkuara këshilluan të mos udhëtohej drejt selisë së BE-së dhe NATO-s.

Të dhënat nga instituti shëndetësor Sciensano i Belgjikës treguan 6,728 raste të reja ditore mesatarisht në 14 ditët e fundit, 36% më shumë se javën e kaluar. Mesatarisht 164 pacientë me COVID-19 u pranuan në spitale çdo ditë në shtatë ditët e fundit, një rritje prej 31%, dhe 343 pacientë me koronavirus ishin në kujdes intensiv.

Legjenda e shahut rus, Garry Kasparov, u mund nga një superkompjuter -- por kur bëhet fjalë për inteligjencën artificiale, ai është plotësisht i bindur se janë njerëzit ata që përbëjnë kërcënimin e vërtetë.

Kasparov ka mbetur i mahnitur nga teknologjia që nga ndeshjet e tij të famshme kundër kompjuterit Deep Blue të IBM në vitet 1990.

Me një urdhër të presidentit El-Sissi, nga dhjetori, administrata egjiptiane do të fillojë zhvendosjen e zyrave në kryeqytetin të ri administrativ në shkretëtirë jashtë Kajros.

Presidenti Abdel Fattah el-Sissi ka udhëzuar qeverinë që të fillojë një periudhë prove gjashtëmujore pune nga kompleksi i ri duke filluar nga 1 dhjetori, sipas zëdhënësit të tij, Bassam Radi, i cituar nga Associated Press.