Blloku Bota

Në Greqi, emigrantët pa dokumente do të angazhohen në ndërtimin e projekteve madhore. Sistemi i trenave nëntokësorë dhe aeroporti i Kretës kanë përparuar pak dhe kjo i ka bërë autoritetet t’i shohin emigrantët si krah i mundshëm pune.

Qeveria greke planifikon të angazhojë në ndërtimin e tyre rreth 300 mijë emigrantë, të cilët ose nuk kanë dokumente ose u ka përfunduar leja e qëndrimit.

Presidenti serb Aleksandër Vuçiç ka pranuar përgjegjësinë e organizimit të ngjarjeve të fundit në Kosovë. Përmes shpalljes së një zie, ndër më të turpshmet të kohës sonë, z. Vuçiç, në të vërtetë ka pranuar se sulmi i organizuar së fundmi ka miratimin e tij. Problemi që i ka dalë zotit Vuçiç kësaj radhe, dhe që e shohim teksa ai përsërit se është një ndër momentet më të vështira për Serbinë, është se nuk luan dot më viktimën, nuk flet dot për pogrom ndaj serbëve, pasi ai vrau një njeri.

Ministrja e Jashtme gjermane pranoi se disa nga armët që Berlini i ka dhënë Kievit për të ndihmuar në luftën e tij kundër Rusisë kanë qenë ose në gjendje të keqe ose të vjetruara.

Në një intervistë me CNN, Analena Baerbock pranoi probleme të mëdha teknike me dërgimin e armëve në Ukrainë.

Thomas Friedman, komentator politik amerikan, autor dhe analist në The New York Times, thotë për Kathimerini se lufta e vazhdueshme në Ukrainë ka gjasa të zgjidhet me "një marrëveshje të pistë", që do të përfshijë lëshimin e një pjese të Ukrainës lindore në këmbim të pranimit të Kievit në NATO dhe në Bashkimin Evropian.

Ish-ministri grek i Mbrojtjes, Panos Kamenos, ka dekkaruar gjatë një interviste për ANT1  në Greqi se në krizën e madhe të vitit 2015, Greqia ndërroi pozicionin e vet gjeopolitik, duke u zgjedhur ShBA përkundrejt Gjermanisë.

Sipas pretendimeve të ish-ministrit për këtë vendim, të kundërshtuar vetëm nga ish-ministri i Financave, Varoufakis, u njoftua edhe Mitsotakis, asokohe në opozitë. Kamenos thotë se Merkel dhe Schauble kishin propozuar nxjerrjen e Greqisë nga BE, çka u prit mirë vetëm nga Varoufakis. 

Një kapsulë që përmban mostra nga asteroidi Bennu është ulur me sukses në shkretëtirën e Jutas.

Familja e një vajze britanike që humbi jetën në Shqipëri një vit më parë ka qindra pikëpyetje në lidhje me ngjarjen tragjike. Rebecca Gannon, 29 vjeçe, u mbyt në Sarandë gjatë një zhytjeje.

Rebecca donte të plotësonte 30 zhytje në 30-vjetorin e saj dhe për këtë kishte zgjedhur Qendrën Diving Spiranca në Sarandë. Zhytja në Shqipëri ishte e 29-ta dhe e fundit, por përfundoi me vdekjen e vajzës në një thellësi jo më shumë se 7 metra.

Presidenti francez, Emmanuel Macron, njoftoi tërheqjen e trupave franceze nga Nigeri brenda dy muajve të ardhshëm, pas grushtit të shtetit në vendin e Afrikës Perëndimore.

Tërheqja ushtarake nga Nigeri vjen pasi trupat franceze u dëbuan edhe nga vendet fqinje, Burkina Faso dhe Mali. Në rajon, sentimenti anti-francez ka qenë në rritje, edhe për shkak të dështimit për të frenuar terrorizmin xhihadist në rajonin e Sahelit.

Shtrëngimi i duarve mes Xi Jinping dhe Bashar al-Assad tregon shumë më tepër se fundi i izolimit të Sirisë që nga fillimi i luftës civile. Presidenti kinez njoftoi një aleancë të re midis Pekinit dhe Damaskut.

Kina mbështet kundërshtimin e Sirisë ndaj ndërhyrjes së huaj, bullizmit të njëanshëm dhe do të vihetnë lëvizje për rindërtimin e Sirise.

Ka dalë më në fund në një komunikim publik për të folur mbi situatën në Kosovë, presidenti i Serbisë, Aleksandër Vuçiç. Përmes kësaj daljeje kushdo ka mundësinë të kuptojë se cili ka qenë skenari dhe çfarë ka ndodhur. 

Vuçiç ka rindërtuar ngjarjen që sipas tij ka nisur në orën 02.40 përmes një tentative të një grupi serbësh për të krijuar barrikadë në Banjskë. Presidenti serb ka ecur më tej kur me një rol paradoksal prej drejtori policie ka shpjeguar se pas një konflikti është vrarë një polic i Kosovës, akt të cilin ai e ka dënuar disa herë.