Blloku Bota

Pasi u largua nga politika aktive në Britani, Tony Blair ka shërbyer si këshilltar për qeveri dhe organizata ndërkombëtare. Ish-kryeministër i Britanisë për 10 vite radhazi dhe lider i laburistëve për 13 vjet, Blair themeloi Institutin për Ndryshim Global, i cili është paguar nga qeveri të ndryshme të botës.

Por ndërsa shtrin influencën nëpër botë, organizata e Blair nuk u thotë jo as vendeve që janë treguar me gisht për historikun e shkeljes së të drejtave të njeriut.

Zëvendëskryeministri serb, Ivica Daçiç, ka deklaruar gjatë një interviste për agjencinë “Tanjug” se autoritet koordinuese për çështjet e sigurisë në vend, kanë konkluduar se situata është stabël, pavarësisht protestave paszgjedhore. Megjithatë ai ka pranuar se protestat në përgjithësi e dëmtojnë Serbinë dhe sidomos turizmin dhe investimet.

Robert Kaplan, eksperti i njohur i marrëdhënieve ndërkombëtare, thotë në një intervistë ëpr gazetën “Kathimerini” se viti 2024 mund të jetë përcaktues në historinë e asaj që ai e quan Perandoria Ruse. Sipas tij, aktualisht Rusia po harxhon burime të jashtëzakonshme në luftën në Ukrainë, që nëse vijon kështu do ta thajnë kapacitetin e saj dhe e kanë dobësuar tashmë në rajone të tjera të vetat.

Kryeredaktori i gazetës greke, “Kathimerini”, Alexis Papachelas, sjell në një shënim të vetin, disa copëza bisedash me ish-ministrin gjerman të Financave, Wolfgang Schaeuble. Biseda që kanë rëndësinë e vet për të parë në atë që ndodhi pas dyerve në kohën e krizës financiare greke dhe qëndrimin e zyrtarëve të Greqisë. Papachelas thotë se e ka takuar Schaeuble dy herë: një herë në vitin 2017 për një intervistë dhe mandej në vitin 2023.

Një tërmet me magnitutë 7.6 ka goditur sot Japoninë qendrore me epiqendër në Ishikawa. Pamjet video tregojnë forcën e lëkundjeve dhe cunamin pasues në vend.

Në një intervistë për agjencinë “Tanjug”, ministri i Jashtëm serb, Ivica Daçiç, ka treguar edhe një histori bisede me homologen gjermane, Anallena Berbok.

Ajo më pyeti se si e kemi mashtruar Thaçin për nënshkrimin e Marrëveshjes së Brukselit, sepse siç tha ajo, asnjë kryeministër shqiptar nuk do ta zbatojë atë marrëveshje

citohet Daçiç.

Presidenti kinez u shpreh më i vendosur se asnjëherë për ribashkimin e Tajvanit me Kinën. Në fjalimin e fundvitit, me një ton më të fortë se vitin e kaluar, Xi Jingping tha se ribashkimi i Kinës me Tajvanin është i pashmangshëm. Deklarata vjen vetëm dy javë para se ishulli i pretenduar nga Kina të zgjedhë një udhëheqës të ri.

Ndërkohë që opozita serbe po proteston në Beograd për parregullsitë e pretenduara në zgjedhjet e 17 dhjetorit, në skenë kanë dalë edhe pakënaqësi nga serbët e Kosovës. Mediat opozitare serbe citojnë kreun e Këshillit Kombëtar Serb të Kosovës, Momçillo Trajkoviç, sipas të cilit “koha kur serbët e Kosovës mbështesnin Aleksander Vuçiç ka kaluar”. Trajkoviç pretendon se në protestën e organizuar nga opozita serbe kanë marrë pjesë shumë serbë të Kosovës, për shkak të vendimeve që kanë marrë autoritetet e Beogradit.

Lufta mes Rusisë dhe Ukrainës është intensifikuar në ditët e fundit të viti. Pas sulmit masiv të së premtes mbi disa qytete të Ukrainës, kjo e fundit është kundërpërgjigjur.  

Katërmbëdhjetë persona, mes të cilëve një fëmijë, u vranë dhe 108 u plagosën në një sulm të ri nga Forcat e Armatosura të Ukrainës pasditen e sotme në qytetin rus të Belgorodit. Lajmi u bë i ditur nga Ministria Ruse për Situatat Emergjente, e cituar nga agjencia Tass.

Viti 2023 mbyllet me numrin më të madh të fëmijëve në zonat e krizës. Konfliktet, përmbytjet, kriza klimatike: emergjencat globale që u shumëfishuan midis 2022 dhe 2023 me luftën në Ukrainë, sulmin e Hamasit më 7 tetor dhe reagimin izraelit në Gaza, e kanë çuar në 400 milionë numrin e fëmijëve të rrezikuar.