Blloku Bota

Opozita serbe ka kërkuar mbajtjen e një seance parlamentare lidhur me zhvillimet në Banjskë të Kosovës më 24 shtator të këtij viti.

Rrethana të reja u shfaqën më 24 shtator dhe ne si njerëz të përgjegjëshëm nuk mund t’i injorojmë dhe të veprojmë si regjimi i presidentit Aleksander Vuçiç. Aleksander Vuçiç po përpiqet t’I mbulojë ato…por ne si njerëz të përgjegjshëm duhet të reagojmë

Këshilltari ekonomik i Angela Merkel është i bindur se furnizimi me gaz rus gjatë kohës kur Gjermaninë e drejtonte ajo nuk ka qenë gabim, madje ka ndikuar pozitivisht te ekonomia e vendit.

“Na ndihmoi të  kapnim norma të forta rritjeje që na bënë të mundur gjëra që përndryshe nuk do t'i kishim pasur, për një periudhë 10-15 vjeçare, gjëra që përndryshe nuk do të ishin të mundshme,” tha Lars-Hendrik Röller në një intervistë me “Financial Times”.

Pala serbe është përpjekur të sqarojë sot se lajmet për përqendrim trupash në kufi me synim ndërhyrjen në Kosovë janë të pavërteta. Ndonëse ministri i Mbrojtjes Milosh Vuçeviç ka deklaruar se nëse urdhëri jepet, ushtria do të ndërhyjë, ai ka shtuar se kjo do të ndodhë duke informuar KFOR-in.

Kryetari i Lëvizjes Qytetare “Odgovor”, Boban Bogdanoviç, e lidh vrasjen e Oliver Ivanoviçit me të njëjtin grup që kreu sulmin e 24 shtatorit në fshatin Banjskë, në veri të Kosovës.

Bogdanoviç thotë se informacioni që ka marrë provon implikimin direkt të Beogradit në vrasjen e liderit të Iniciativës qytetare “Liria, demokracia, drejtësia” (SDP), në vitin 2018.

Në Serbi po flitet tashmë për opsionet ligjore të trajtimit të ngjarjes së Banjskës dhe autorit të vetëdeklaruar të saj, ish-nënkryetarit të Listës Srpska, Milan Radoiçiç. Në një prononcim për mediat serbe, një avokat, Ivan Niniç, shprehet se pas deklarimit të Radoiçiç, ky i fundit duhet arrestuar.

Në Kralevo të Serbisë është pritur me ceremoni homerike një hero: Stefan Nedeljkoviç është përcjellë në varrezë i shoqëruar me këto pamje, pasi ai u vra në sulmin e Banjskës, ku ishte një ndër sulmuesit. Heroi i Serbisë prehet tashmë në panteonin e luftëtarëve, çka dëshmon se lidhja mes ngjarjes së 24 shtatorit dhe Beogradit është evidente. E qartë dhe që provon groteskun e një shoqërie që sheh ëndrra me sy hapur. Si të gjithë në Ballkan xhanëm.

30 mijë anëtarë të bandave kriminale në një vend me 10 milionë banorë. Bëhet fjalë për Suedinë, një ndër parajsat nordike të zhvillimit dhe ligjit, por që së fundmi ka të akumuluar në mënyrë shpërthyese problemin e kriminalitetit. Shtatori i këtij viti është quajtur “shtatori I zi”, pasi në vend u regjistruan 12 viktima si pasojë e dhunës mes bandave. Në qendër të tensionit të tanishëm është një rrjet criminal me emrin “Foxtrott” dhe ai rekruton edhe minorenë.

Për të përballur këtë situatë, qeveria suedeze ka vendosur të thërrasë në ndihmë ushtrinë.

Në një video në Instagram, presidenti i Serbisë, Aleksandër Vuçiç, ka shfaqur një anë patetike të dikujt që po vesh gradualisht kostumin e heroit nacional përkundrejt një rreziku që në të vërtetë ësgtë provokuar prej budallallëkut të tij. Zoti Vuçiç ka folur për ditët më të vështira që nga viti 2008, ai ka folur për një fushatë të nisur kundër Serbisë, me gënjeshtra dhe të pavërtëta.

Perëndimi po ruan ende një sens përmbajtjeje ndaj Serbisë, që mund të rezultojë me pasoja. Ndonëse është e drejtë të vlerësohet se përgjigja zyrtare do të duhet të jepet pas zbardhjes së ngjarjes së Banjskës, është tanimë evidente se përgjegjësia për atë që ka ndodhur është te pala serbe. Shtimi i kontigjentit të KFOR në Kosovë lidhet me çështje të sigurisë dhe synon të shkurajojë çdo aventurë të mundshme të Beogradit që nuk ka më hapësirë manovrimi. Por ky veprim është në një farë mënyre sinjalizim se brenda Perëndimit koniunktura po ndryshon.

Plani i ri europian për imigracionin ilegal pritet të dështojë për shkak të vetos polake. Kryeministri i Polonisë, Mateusz Morawiecki ka deklaruar se ai do të kundërshtojë propozimin e Komisionit Europian për ndarjen me kuota mes vendeve anëtare të azilkërkuesve.

Kjo është një përpjekje për të sulmuar jo vetëm sovranitetin e Polonisë dhe veneve të tjera anëtare, por gjithashtu një përpjekje për të destabilizuar BE-në një mënyrë jodemokratike