Blloku Bota

Gazeta “The Guardian” e cilëson si majën e ajsbergut të mashtrimit shkencor. Bëhet fjalë për publikimin e punimeve shkencore të rreme në media të specializuara të cilat po lënë të kalojë një valë falsifikimesh qe kërcënojnë seriozisht kredibilitetin e kërkimit shkencor. 
Vitin e kaluar sipas gazetës në fjalë, numri i punimeve të kthyera pas nga revistat arriti në 10 000. 

Gjykata e Apelit në Boegrad të Serbisë ka liruar këtë të premte – 3 shkurt 2024 – katër të akuzuarit për vrasjen e gazetarit Sllavko Curuvija në prill të vitit 1999. Të katër anëtarët e ish-shërbimit sekret serb, Radomir Markoviçin, Millan Radonjiçin, Mirosllav Kuraki dhe Ratko Romiç, janë liruar nga akuzat e pjesëmarrjes në bashkëpuim në vrasje të shkallës së parë, që u konfirmua me vendim të Gjykatës së Faktit.

Komisioni Evropian dhe Shërbimi i Veprimit të Jashtëm i Bashkimit Evropian (EEAS) ia kanë dorëzuar të premten Këshillit të BE-së një propozim për ta ndryshuar dhe plotësuar kornizën e bisedimeve me Serbinë për anëtarësimin e saj në bllok. Ndryshimet në kapitullin 35 kanë të bëjnë me përfshirjen si kusht detyrues për Serbinë edhe zbatimin e marrëveshjeve që ajo i ka arritur deri tani me Kosovën në dialogun e ndërmjetësuar nga blloku evropian, kanë konfirmuar për Radion Evropa e Lirë burimet brenda BE-së. Kërkesa për ndryshimin formal të kushteve në kapitullin 35 për Serbinë vjen pasi kryemin

Deri në vitin 2050 Serbia do të humbasë 3000 fshatra. Kjo raportohet në mediat e vendit fqinj që referojnë ekspertë të demografisë sipas të cilëve deri në mesin e këtij shekulli “fshatrat deri 500 banorë do të braktisen”.

Numri i fermerëve ka rënë me 10% në pesë vitet e shkuara që do të thotë 50 mijë familje më pak

Ambasadori amerikan në Beograd, Chirss Hill, citohet të jetë shprehur në mediat serbe se askush nuk po i kërkon Serbisë të njohë Kosovën. Sipas tij kjo është një çështje që vetë Serbia duhet ta vendosë dhe se ndaj të dyja vendeve po kërkohet që të normalizojnë marrëdhëniet në përputhje me procesin e ndërmjetësuar nga BE.

Mediat ndërkombëtare kanë raportuar sot se sdekretari amerikan i Shtetit, Anthony Blinken ka deklaruar se të dhënat e ofruara nga Izraeli për përfshirjen e disa punonjësve të misionit të OKB-së në Gaza me Hamasin, janë bindëse. Për pasojë kërkesa e Jeruzalemit për tërheqjen e misionit cilësohet legjitime, ndërkohë që në një terren aq të paqëndrueshëm si ai i luftimeve, çdo pretendim se e vërteta është në njërën anë, tingëllon absurd.

Qeveria italiane ka vendosur dje me propozim të kryeminstres Georgia Meloni dhe ministrit të Kulturës, Gennaro Sangiuliano, ndërtimin e muzeut të Kujtesës. Objekti që vjen në zbatim të një projektligji, ka të bëjë me përkujtimin e italianëve që mbetën viktima të partizanëve jugosllavë në vitet 1943-1945 në zonat e Dalmacisë, Fiumes dhe Istrias, njohur si masakrat e Foibeve. 
Është një temë mbetur përgjithësisht tabu në Itali përgjatë Luftës së Ftohtë. Muzeu do të kushtojë 8 milionë euro dhe do të ndërtohet në Romë, për t’u menaxhuar nga një fondacion i posaçëm. 

Qeveria e Kosovës ka konfirmuar sot pas vizitës së ndëmrjetësuesit europian Miroslav Lajçak, se vendimi i Bankës Qendrore për përdorimin e euros dhe ndalimin e dinarit, është i vetmi vendim i ligjshëm.

Euroja ka qenë dhe do të jetë valuta e vetme zyrtare

ka thënë Besnik Bislimi, zëvendëskryeministër në qeverinë e Kosovës.

Një sms private nga presidenti i Francës për të anulluar një marrëveshje të madhe me grupin amerikanlatin, Mercosur për të cilin është negociar përgjatë dy dekadave. Këtë shkruan “Politico” që vë në dukje se mesazhi i është dërguar kryetares së Komisionit Europian, Ursula von der Leyen e që prek sipas medias në fjalë një hapësirë të presupozuar të tregtisë së lirë për 800 milionë banorë. Sms-ja e Macron lidhet me faktin se ai kërkon të mbrojë bujqësinë francize nga pakti me Mercosur nga influksi i mishit brazilian dhe argjentinas.

Mbretëria e Bashkuar po mendon të njohë shtetin e Palestinës në OKB, një lëvizje që sipas Sekretarit për Çështjet me Jashtë, David Cameron, do të sillte progres të pakthyeshëm në zgjidhjen e dy shteteve. 

Ne duhet të nisim të përcaktojmë sesi do të duket një shtet palestinez, çfarë do të përfshinte, si do të funksiononte

citohet ai të jetë shprehur në Këshillin për Lindjen e Mesme të konservatorëve në Dhomën e Përfaqësuesve.