Kryeministri i Shqipërisë Edi Rama ka përcjellë sot përmes faqes së vet në Facebook një mesazh për fundvitin të cilin e ka përmbledhur shkurt në një material video ku flitet kryesisht për Punën. Për ata që punojnë. Shtet-punë-mirëqenie, kjo është deviza e këtij mandate dhe Puna padyshim është kryeçështja në një vend që dominohet nga pasiguria.

Mbi gjashtë shekuj që arbëreshët e Italisë mundohen të mbajnë të gjalla gjuhën, traditat, identitetin e origjinës. Në meritë të kësaj përpjekjeje sa krenare aq edhe të guximshme që meriton të përçohet te brezat më tej, Komitetit Kombëtar Italian të UNESCO-s, i është dorëzuar këtë të hënë nga Fondacioni Universitar “Françeso Solano”, propozimi që ritet arbëreshe “Moti i Madh”, të regjistrohen si Trashëgimi Kulturore Jomateriale e Njerëzimit.

Bashkimi Evropian dhe Kina kanë arritur sot një marrëveshje investimi që do t'u japë kompanive Evropiane më shumë akses në tregjet kineze dhe do të ndihmojë në korrigjimin e atyre që Evropa i sheh si lidhje ekonomike të paekuilibruara. Marrëveshja ka qenë në diskutim për shtatë vjet dhe ka të ngjarë të marrë të paktën një vit për të hyrë në fuqi. Ajo shihet si një marrëdhënie e re me Kinën, të cilën BE e sheh njëkohësisht si partner, por edhe si rival sistemik.

Një infermier në Kaliforni doli pozitiv për COVID-19 një javë pasi iu injektua vaksina e Pfizer Inc.

Matthew W., 45 vjeç, u vaksinua më 18 dhjetor. Ai ka rrëfyer në profilin e tij se përveçse pak dhimbjeje në krah për shkak të injeksionit, nuk ka pasur efekte anësore.

Gjashtë ditë më vonë në prag të Krishtlindjes, ai u sëmur pasi punoi në një turn në njësinë COVID-19. Simptomat e para ishin: ethe, dhimbje muskulore dhe lodhje.

Testi në spital e nxori pozitiv për COVID-19 një ditë pas Krishtlindjes.

Me largimin e Eliot Engel nga Capitol Hill, Kosova do të humbasë mbështetësin e saj më të madh në Kongresin Amerikan. Pas tre dekadash në detyrë, Engel largohet në janar.

Demokrati Engel ka përfaqësuar pjesë të Bronx - një lagje e Qytetit të Neë York-ut me një popullsi të madhe dhe politikisht aktive, ku jetojnë shumë shqiptarë - që nga 1989 dhe ka siguruar mbështetje për njohjen e pavarësisë së Kosovës nga Serbia në 2008.

Stilisti francez, Pierre Cardin, është ndarë nga jeta në moshën 98 vjeç. Në një karrierë që zgjati më shumë se 60 vjet, Cardin mori njëkohësisht admirimin dhe përbuzjen e kolegëve të tij në botën e modës për nuhatjen e fortë për biznes dhe solli risi në pasarela.

Cardin, i cili ishte këshilltar i stilistëve si Jean Paul Gaultier, ishte aktiv në qarqet e modës deri në momentet e fundit, ndihmoi të rriteshin dizajnerët e rinj dhe mori pjesë në festa dhe evente, ndërsa shkonte rregullisht në zyrën e tij në Paris me Jaguar.

Sot kryeministri i Shqipërisë Edi Rama ka bërë të ditur se Shqipëria është në negociata për vaksinat e zhvilluara nga Pfizer, AstraZeneca dhe Moderna. Sigurisht problemi është tek afatet sepse një ditë vaksina do të vijë edhe në Shqipëri. Aktualisht në BE po përdoret vaksina e Pfizer e cila pretendohet se ka efikasitet gati 100%, por kërkon ruajtjë në temperature -70 gradë Celcius.

Kryeministri Edi Rama ka njoftuar sot disa ndryshime në qeverinë e drejtuar prej tij. Olta Xhaçka është caktuar ministre e Jashtme, Niko Peleshi ministër i Mbrojtjes, kurse Gent Cakaj paska dhënë dorëheqje të parevokueshme dhe kthehet në kabinetin e kryeministrit.

Kështu qeveria mbushet me njerëz të cilëve nuk u ndihet zëri, njësoj si Bledi Çuçit, apo të tjerëve që gradualisht po kalojnë në anonimitet të plotë.

Gazeta greke “Kathimerini” njofton se kryeministri i vendit, Kyriakos Mitsotakis është duke konsideruar ndryshime në qeveri. Sipas gazetës që citon burime zyrtare, ndryshimet madje mund të nddodhin brenda ditëve dhe me gjasë të paprekshëm në këtë moment janë ministri i Mbrojtes, i Transportit, Kulturës, Mbrojtjes Qyetare dhe Qeverisjes Dixhitale.

Kryeministri Edi Rama ka reaguar sot për propozimin publik të ambasadës ruse në Tiranë, që një ditë më parë ofronte vaksinën e zhvilluar në Rusi kundër CoVid-19. Për kryeministrin sjellja e ambasadës është e papërshtatshme, ndonëse ai nuk ka përjashtuar mundësinë e negociatave me Rusinë për vaksinën.