Fushata zyrtarisht nuk ka filluar, por shfaqjet dhe takimet elektorale të partive në pushtet nuk kanë munguar me një përqasje të liderëve ndaj masave të reja që në gjuhën elektorale quhen votues të rinj. 
Përballë një audience të tillë marrin kuptim edhe daullet edhe fjalimet retorike të meraklinjve të votave, ku një rezervuar jo i vogël është edhe ai i votuesve për herë të parë ose i adoleshentëve që kanë mbushur moshën 18 vjeç para 18 qershorit.

Kryeministri Edi Rama ka publikuar në Facebook një postim që e quan “Shënimi i ditës”. Në këtë shënim, ai zbardh një ofertë shkëmbimi për shtyrjen e afateve të regjistrimit të PD-së në zgjedhje që përfundon me listat e kandidataëve më 29 prill. Sipas Ramës ky shkëmbim është votimi i vettingut.

Gjykata e Strasburgut ka pushuar dosjen e 21 janarit, të hapur prej familjarëve të viktimave që në vitin 2013. Pushimi i çështjes ka ardhur pas tërheqjes së familjarëve të cilët pranuan kushtet e dëmshpërblimit të propozuara nga qeveria shqiptare.

Koço Kokëdhima ka deklaruar gjatë një takimi sot në Lushnje se lëvizja e tij do të kthehet në parti politike. 

6 vite më parë Partia Socialiste nisi protestat në disa qytete të vendit njëherësh me bllokim rrugësh nacionale dhe djegie gomash, si një mënyrë për të protestuar për moshapjen e kutive të votimit për zgjedhjet e 2009-ës. I njëjti skenar po diskutohet edhe nga PD. Top Channel raporton se vendimi nuk është marrë akoma, por kreu i opozitës Lulzim Basha e diskutoi përhapjen e protestës në disa pika të ndryshme të vendit, në një takim me kryetarët e degëve të Partisë Demokatike.

Agjencia doganore, që ka kryer procedurat e tranzitimit në Shqipëri të kamionit që vinte nga Maqedonia dhe që është bllokuar me 8 ton drogë në Ankona të Italisë në shkurt të këtij viti, rezulton se është ne pronesi te bashkëshortes së kryetarit të Bashkisë së Elbasanit, Qazim Sejdini.

Kryeministri Rama konfirmoi sot “pazarin” e mbyllur mes tij dhe Ilir Metës, në përpjekje për të sqaruar kërkesën drejtuar Komisionit Qëndror të Zgjedhjeve për të shtyrë afatin e regjistrimit të koalicioneve për zgjedhjet e 18 qershorit. Fjala e tij u jep të drejtë dyshimeve se qëndrimet e LSI-së kanë qenë daulle bosh dhe kanë zhgënjyer ata që prisnin një bashkim të saj me PD-në.

Protestat antiqeveritare në Venezuelë kanë rezultuar me të paktën 3 të vrarë. Presidenti i vendit, Nicolas Maduro ka nxjerrë ushtrinë në rrugë, ndërkohë që kërcënuar përfaqësues të opozitës si drejtues të puçit. Mbështetësit e tij kanë zhvilluar një kundërprotestë të mërkurën, por opozita ka deklaruar se sot do të mbajë një tjetër protestë, që nis nga 26 pika të ndryshme të kryqytetit Karakas.

Fitorja e Erdoganit në referendumin e së djelës së kaluar mund të inkurajojë politikanë të ndryshëm në Ballkan që të adoptojnë politikën e dorës së fortë. Vuçiç, kryeministri – president I Serbisë është ndër më të goditurit në këtë drejtim dhe edhe ai po përballet me protesta pas fitores në zgjedhjet presidenciale. Gruevski që akuzohej deri edhe për diktator ra me votë dhe pak gjasa ka të kthehet me forcën që kishte. Në çdo rast modeli turk mund të ngjisë në proporcion me ndikimin e Turqisë në rajon, mbi të cilin spekullohet shumë.

Ministria e Jashtme përcolli sot një njoftim mbi vizitën e ministrit të Jashtëm Ditmir Bushati në Shtetete e Bashkuara dhe takimin me zëvendës-Këshilltaren e Presidentit Trump për Sigurinë Kombëtare, K.T. McFarland. Përmbajtja e takimit reflekton veç të tjerash një shqetësim të qeverisë shqiptare se faktorë të jashtëm po destabilizojnë situatën në Ballkanin Perëndimor, në një kontekst që nuk ka si të përjashtojë edhe zhvillimet në Shqipëri.