Qeveria socialiste është nën presionin e aksionit të opozitës për bllokimin e rrugëve dhe në kundërpërgjigje ka përdorur konferencat e policisë për të të ulur dimensionin e protestës, që sipas Bashës nuk do jetë e dhunshme. Skenari është i ngjashëm me atë të 7 viteve më parë kur militantë të Partia Socialiste të udhëhequr nga deputetë si Valentina Leskaj, apo Fatmir Toçi bllokua rrugët duke djegur goma. Sot palët kanë ndërruar rolet, ata që dje bllokuan rrugët kombëtare nën flamurin e Partisë sot janë shndërruar në ithtarë të ligjit.

Bashkimi Evropian po shqyrton futjen e legjislacionit për të krijuar një kornizë ligjore ku ofruesit e shërbimeve të internetit,  si Facebook, Tëitter dhe Google do të jenë të detyruar të fshijnë postimet me përmbajtje të gjuhës së urrejtjes dhe nxitje të dhunës, sipas një dokumenti që disponon agjencia e lajmeve Reuters.
Riprodhimi i shpejtë dhe përhapja e gjuhës së urrejtjes dhe lajme të rreme në mediat sociale kanë sjellë rritjen e presionit mbi kompanitë që punojnë në këtë fushë për të hequr mesazhet me përmbajtje të tillë.

Kryeministri Edi Rama ka premtuar nga Finiqi se minoriteti do të ketë një Zyrë të posaccme Arsimore që do të kujdeset për nevojat e pakicës greke në arsim. Ai ka folur për këtëçështje nga Finiqi i Sarandës ku ndodhej për një vizitë gjatë së cilës ka vazhduar ceremonia e shpërndarjes së tapive për legalizimet. 

Policia e Shtetit ka dalë sot me një deklaratë përmes së cilës bën thirrje ndaj qytetarëve që të shmangin manifestimet e mundshme të ditës së nesërme, duke paralajmëruar se çdo cenim i ligjit do të përballet me ligjin.

Fronti Nacional në Francë po goditet me të gjitha mjetet e mundshme legale pasi një fitore e mundshme e zgjedhjeve presidenciale nga Le Pen, do të thotë pasiguri totale për BE. Gazeta “Euobserver” raporton sot për një investigim të kryer nga media franceze sipas të cilit Fronti Nacional ka përfituar 11 milionë € nga Rusia, përmes skema e të ndërlikuara të transferimit të parave. Transferat janë kryer përmes Qipros nga banka apo fonde të lidhura me Kremlinin.

Lewis Mumford, një nga sociologët urbanistë më të rëndësishëm, ka shpjeguar se mënyra se si zhvillohet një qytet, që nga fasadat e godinave, sheshet, rrugët e deri te kanalizimet, na tregon natyrën e pushtetit që e kontrollon atë. Tirana është qyteti që e ilustron më së miri këtë, duke shfaqur kudo striptizën e një pushteti që nuk kujdeset aspak t’i fshehë paudhësitë e veta. Pushteti është në Tiranë, më i dukshëm dhe më brutal se në çdo qytet tjetër në Europë, duke demonstruar hapur e pa turp se si politika po asfikson jetën e qytetarit, duke e bërë këtë qytet të pajetueshëm dhe depresiv.

"Britania nuk ka pasur asnjherë periudhë të pandërprerë prej 24 orësh pa qymyr. Duket se sot kjo ditë mund të jetë e para." Këtë e thot sot shoqëria britaneze e energjisë elektrike dhe e gazit, National Grid PLC, në llogarinë e tij në Twitter të premten me 21 prill 2017.
Kështu, e premtja e  21 prilitl 2017, do të jetë dita e parë, që prej revolucionit industrial, kur vendi hapi centralin e parë të qymyrit në vitin 1882. Britania nuk do të përdorë me energjinë elektrike të përfituar nga energjia e qymyrit.

Carlo Bollino, drejtues i gazetës “Shqiptarja.com” shkruan sot për krizën politike dhe rolin e negociatorëve të PPE-së. Sipas Bollinos, protesta e përshkallëzuar e PD-së, parashikuar për të hënën, synon të rrisë forcën negociuese të saj në prag të negociatave, ndërkohë që sipas tij, dokumenti që do të vihet në tavolinë ka 12 pika dhe është miratuar nga kancelarja Angela Merkel. 

Presidenti Nishani ndodhet në një vizitë në Arabinë Saudite ku ka falur Namazin në Mekë. Ai ka qenë edhe në Qabe.

Justin McCarthy, “Vdekje dhe dëbim-Spastrimi etnik i myslimanëve osmanë, 1821-1922”, ALSAR, Tiranë, 2015