Zhvilim pozitiv për Athinën zgjedhja e Ilir Metës President. Zyra për shtyp e tij njoftoi se Presidenti i zgjedhur Ilir Meta u telefonua paradite nga Kryeministri i Greqise, Alexis Tsipras, i cili e përgëzoi dhe e uroi për zgjedhjen ne detyrën e  Presidentit të Republikës.

Partia Demokratike u mjaftua me fjalën pazar për zgjedhjen e Ilir Metës President, duke mos përmendur asnjë akuzë tjetër që ka të bëjë me përgjegjësitë e tij në keqqeverisjen e vendit, ku LSI kishte disa ministri kyçe. Paralelisht Partia Demokratike ka njoftuar se as PS dhe as LSI-ja nuk mund të regjistrojnë dot listat e kandidatëve për deputetë  në Komisionin Qendror të Zgjedhjeve, pasi afatet për regjistrimin e kandidatëve kanë skaduar. 

Politika deklarative e Shqipërisë zyrtare dhe Prishtinës, klima destabilizuese në Kroaci dhe ajo që po ndodh në Maqedoni, nuk janë çëhstje të brendshme të tyret. Kështu mendon ministri i Jashtëm i Serbisë, Ivica Daçiç, i cili në një intervistë për RTS, televizioni serb, ka theksuar se në këtë kontekst të paqëndrueshëm ballkanik, Serbia mbetet stabël dhe me një qeveri që po di të reagojë me maturi.

Parlamenti malazez ka votuar dje në mënyrë unanime anëtarësimin e vendit në NATO. Me një opozitë minimale dhe një protestë të vogël jashtë sallës, Mali i Zi bëhet vendi tjetër ballkanik që merr pjesë në aleancë duke mbyllur vijnë perëndimore të rajonit që kalon tërësisht në “territor politik” të Perëndimit. Votën e kanë dhënë 46 anëtarët e partive malzaze, boshnjake dhe shqiptare, ndërkohë që duke iu referuar ngjarjeve të vitit 1999, ish-kryeministri dhe ish-presidenti Milo Gjukanoviç, kryetar i partisë kryesore tha ndër të tjera: 

Rëndësia politike dhe mediatike e Sajmir Tahirit ra ndjeshëm pas shkarkimit të tij si ministër i Brendshëm, Ilir Beqja ka humbur fare, Bledi Çuçi nuk duket vërdallë, ndërsa  nga Blendi Klosi nuk ka asnjë lajm. Kryeministri na tha kur i shkarkoi se për shkak të suksesit që  këto katër figura kishin në qeveri i delegoi në terren për të njëjtin sukses edhe në fushatën elektorale. I vetmi  që ka ende një lloj vëmendje nga mediat është ish-ministri i Brendshëm, Sajmir Tahiri, i cili mban postin e kryetarit të Partisë Socialiste të Tiranës.

Ashtu siç pritej Ilir Meta ose Ilir Metaj siç e artikuloi Musa Ulqini bazuar në gjeneralitetet e gjendjes civile u emërua President i Republikës,  me një procedurë formale në Kuvendin e Shqipërisë, ku ishin të pranishëm deputetët e shumicës, të cilëtnuk dolën nga rreshti por votuan në unanimitet kandidaturën e bashkëkryetarit të Aleancës për Shqipërinë Europiane, ose për t’u kthyer pas në kohë të njeriut me bllok, për të cilin Partia Socialiste protestoi në 21 Janar, ku vranë 4 veta.

Me normën e lartë të papunësisë, korrupsionit, erozionit i shtetit të demokracisë dhe sundimit të ligjit, shpesh me ndërhyrjen e Rusisë në punët e shtetit, Ballkani Perëndimor duhet të mbështetet fuqishëm në integrimin e tij euroatlantik”-thuhet në draft raportin e fundit të Asamblesë Parlamentare të NATO-s.Komiteti i Ekonomisë dhe Sigurisë së Asamblesë Parlamentare të NATO-s ka hartuar draft raportin me titull "Tranzicioni ekonomik në Ballkanin Perëndimor. Një vlerësim në prill të vitit 2017”,  i shkruar nga Richard Benyon, raportues për Mbretërinë e Bashkuar nga Partia Konservatore.

Në prill të vitit 2013 u tha se koalicioni me Ilir Metën u bë në emër të nxjerrjes nga skena politike të Sali Berishës. Pa pyetur shumë mendimin njerëzve, Edi Rama, pranoi pazarin e ndërmjetësuar dhe mandej eci përpara. Në politikë njësoj si në çdo sipërmarrje duhet pak guxim, pabesi, marrje rreziku që të ecësh. Kjo e Edi Ramës në fakt ishte dorëzim dhe dëshpërim në kushtet kur Sali Berisha e kishte dhunuar rëndë në planin psikologjik kreun e PS-së.

Qarku po vjen e mbyllet drejt dy njerëzve që tërheqin zvarrë mullirin qeverisës, mulli që në katër vite e ka destabilizuar, zhbalancuar, politizuar, kriminalizuar, kanabizuar Shqipërinë dhe ka nxjerrë rreth 450000 shtetas jashtë vendit, në një jetë e të ardhme të pasigurt. Përpjekja europiane përmes dy eurodeputetëve McAllister dhe Fleckstein për një zgjidhje të krizës ditën e martë, 25 prill 2017, thuhet se dështoi me sukses të plotë.