Korea e Veriut ka kryer një test të ri të një rakete balistike vetëm një ditë pasi në Jug u zgjodh presidenti I ri. Raketa u lëshua nga rajoni veriperëndimor, Kusong dhe arriti në lartësi 2000 km. presidenti amerikan Trump ka kërkuar thellimin e sanksioneve ndërkohë që Kina apelon për përmbajtje. Karakteristikat e raketës ende nuk janë përcaktuar por sipas specialistëve ajo sugjerohet se shkon në rreze përtej asaj që dihet për arsenalin koreanoverior.

Anulimi i kontratës me kompaninë italiane “Serenisima” që kishte fituar tenderin për ndërtimin e By Pass-ve të Fierit e Vlorës e detyron qeverinë të rihapë garën për këto dy vepra të rëndësishme të infrastrukturës rrugore, pjesë e korridorit të Jugut që duhet të ishin përmbyllur brenda këtij katërvjeçari. Kryeministri ka dhënë për herë të parë sqarime mbi zvarritjen e punimeve dhe dështimin e bashkëpunimit me kompaninë italiane, madje duke shprehur një lloj keqardhje për kontratat skandaloze të nënshkruara në të shkuarën.

Eurokomisioneri për Zgjerimin, Johannes Hahn, ka dhënë një intervistë për agjencisën serbe të lajmeve “Tanjug” në të cilën përcjell opinionin e tij dhe të BE-së për zhvillimet në Ballkanin Perëndimor dhe perspektivën e tij. Së pari duhet thënë se Hahn nuk shpreh asnjë rezervë për të ardhmen e rajonit në BE, kjo qoftë edhe për shkak të fatit gjeografik.

Debati pas protestës së opozitës u përqëndrua mbi madhësinë e protestës, zhgënjimet dhe pritshmëritë. Nuk i mungoi këtu edhe komenti i kryeministrit dhe keqardhja ironike e tij se u ndje i trishtuar që e pa bulevardin gjysmë bosh. Pavarësisht interpretimeve PD bëri maksimumin e saj në një kohë të vështirë për të si opozitë, ku sforcot për të mobilizuar njerëz janë të mëdha dhe ku asnjë forcë tjetër opozitare në këtë moment nuk do të mund të arrinte të zhvillonte një tubim të tillë.

“Bloomberg” raporton tri ditë më parë për shkërmoqjen e “Agrokor”, kompania më e madhe e ish-Jugosllavisë që menaxhohet me drejtim kroat. Shifrat e "Agrokor" flasin qartë për një perandori që ka shtrirë lidhjet dhe ndikimin në disa vende: totali i punësimit 60 mijë, të ardhurat për vitin 2015 ishin6.6 miliardë euro ndërkohë që të ardhurat totale në Kroaci nga turizmi në vitin 2016 ishin 9.5 miliardë euro. Fjala është për një gjigand që po kthehet siç shkruan “Bloomberg” në një vrimë të zezë.

Mesazhi i sotshëm i kryeministrit - kryetar partie, ka harruar t'u kujtojë demokratëve Ilir Metën. Të paktën do kishim shenjën e një sinqeriteti anemik.

Zgjedhja e Ilir Metës president tregoi se socialistët si rracë politike mund të kapërdijnë çdo gjë. Janë të aftë të marrin formën e enës së kryetarit të radhës për të mbajtur statusin e socialistit dhe karrigen e privilegjeve që vijnë nga pas.

Nëse ka një princip që i karakterizon është konformizmi për për të mbetur gjallë në këtë aspiratë interesash që ushqen militimi në këtë parti. Edhe shfaqja e Shpëtim Gjikës në krah të Edi Ramës në mitingun e kësaj partie në Selenicë provon sërish këtë tipologji që del nga një shkollë politike që quhet Partia Socialiste e Shqipërisë.

Partia Demokratike zhvilloi protestën e paralajmëruar me një tubim në Bulavrdin Dëshmorët e Kombit, ku u mblodhëm qytetarë të ardhur më së shumti nga rrethet e vendit. Nga pikëpamja e numrave pritej që protesta të ishte më e madhe se ajo e 18 Skurtit, por përmasat nuk e tejkaluan tubimin e kaluar. Protesta shënoi dy momente, e para nuk vërtetoi alibitë e pushtetit se PD kërkon të na kthejë në '97 përmes nje axhende dhune, kujtojmë ketu ate të 21 Janarit 2011.

Parashikimin e tij se Greqia do të bëhet një  protektorat i ngjashëm me Kosovën bëri ish-ministri grek i Financave, Yanis Varoufakis."Ne do të bëhemi si Kosova. Një protektorat i administruar nga një punonjës i Bashkimit Evropian. ATM-të kanë euro, por produkti i vetëm që ato nxjerrin është njeriu i ri. Kjo është e ardhmja që tentohet me saktësi matematike në Greqi ", tha ish-ministri i Financave në një intervistë për SKAI.

Brigitte Polemis është një artiste multikulturore, e  cili ka lindur në Damask të Sirisë.  Vitet e para jetoi në atdheun e nënës së saj në Poloni, pastaj u zhvendos në shtëpinë e babait të saj në Liban dhe pas shpërthimit të luftës u zhvendos në Greqi.