Shkaktuan valë reagimesh deklaratat e ministrit grek të Mbrojtjes, Panos Kamenos për shqiptarët e Maqedonisë, për të cilët ai tha se janë shumicë dhe për bindjen se Perëndimi duhet të krijojë një aks të krishterë si garanci për paqen. 18 deputetë konservatorë kërkuan interpelencë dhe shpjegime nga ministri i Jashtëm, Nikos Kotzias nëse këto qëndrime janë edhe linja zyrtare e qeverisë greke.

Shef i FMN në Tiranë, Jens Reinke deklaron se se Shqipëria vazhdon të jetë një vend me ekonomi të madhe informale, ku pjesën më të madhe e zënë aktivitetet e jashtligjshme përfshi edhe prodhimi i kanabisit. I pyetur nga Top-Channel sa është ndikuar rritja ekonomike nga aktivitetet e jashtëligjshme, veçanërisht prodhimi i kanabisit, shefi i FMN-së nuk jep konsiderata, por pranon se është në dijeni të fenomenit. 

Ambasada Amerikanë në Tiranë përmes një deklarate të shkurtër ka përcjellë rezymenë e vizitës së 9 kongresmenëve amerikanë në Shqipëri. Ndryshe nga qëndrimet e ambasadorit LU, kongresmenët nxisin dialogun dhe zgjidhjen e mosmarrëveshjeve dhe nënvizojnë rëndësinë që të gjitha partitë të marrin pjesë në procesin demokratik. Një deklaratë që nuk i ngjason asaj të Bashkimit Europian dhe që e mban peshoren në mes sa i takon rolit të qeverisë dhe opozitës në krizën aktuale.

Deklarata e Ambasadës së SHBA:

Dy ditë para protesës së opozitës, Komisioneri i Zgjerimit Johannes Hahn u është drejtuar me një letër qytetarëve shqiptarë të publikuar në faqen zyrtare të Komisionit Europian, ku shpreh keqardhjen për mosgjetjen e një zgjidhje ndonëse BE ndërmjetësoi përpjekjet për dialog. Megjithatë Hahn është i qartë dhe i drejtëpërdrejtë kur thotë se opozita u vetëpërjashtua nga procesi dhe se krerët politikë që do të pengojnë të ardhmen e shqiptarëve do të mbajnë përgjegjësi.

Letra e plotë e Hahn:

Fondi Monetar Ndërkombëtar, në një raport për zhvillimet rajonale, publikoi të dhënat për ecurinë e stokut të borxhit publik të Shqipërisë, të cilat nuk korrespondojnë me të dhënat zyrtare të qeverisë shqiptare.

FMN raportoi se borxhi publik i vendit tonë arriti në 72.7% të PBB-së në fund të vitit 2016, teksa për të njëjtën periudhë, qeveria shqiptare ka raportuar se stoku i detyrimeve është 71.01% e PBB-së. Diferenca në 1.6 pikë përqindje në raport me PBB në vlera neto i takon një shume prej më shumë se 160 milionë eurosh, raporton Monitor.

Gënjeshtra dhe demagogjia po infektojnë keq klimën politike në Shqipëri, të cilën media nuk duket se po e administron dot në pasqyrim. Për çdo takim, çdo lëvizje, çdo fjalë, ndoënse me tekst dhe vizibilitet të njëjtë për të gjithë, tituj të ndryshëm, lexime të njëashme dhe theksime të posaçme tentojnë të tërheqin vëmendjen aty ku është interesi I njërës palë. P.sh paketa e McAllister do të duhet të raportohej njësoj pasi përmbajtja e saj ishte e rëndësishme dhe shumë e pranueshme.

Një mesazh dramatik se si lufta mund t'i shndërrojë njerëzit nga qytetarë të mirë në vrasës, ka përcjellë prokurori i fundit i mbetur gjallë nga gjyqi  Nurembergut, Ben Ferentz i cili përshkruan se si vendosi të propozojë gjykim për mizoritë e nazistëve gjatë Luftës së Dytë Botërore. Sot 97 vjeç, ai luajti një rol të rëndësishëm për daljen para drejtësisë së 22 oficerë të SS, të cilët ishin përgjegjës për vrasjen e më shumë se një milion njerëzve në Luftën e dytë Botërore.

Donald Trump promovoi profilin e një lideri aspak të ngurtë dhe efektiv për të kaluar pragun e Shtëpisë së Bardhë. Teorikisht ai do të vepronte ndryshe nga paraardhësit e tij, duke qenë një negociator i aftë që mund të kapërcente kontrastet e zakonshme ideologjike. Logjikisht, mbështetësit e tij duhet të jenë zhgënjyer jo vetëm nga dështimi për të lidhur marrëveshje, por edhe nga fakti se ai nuk ka paraqitur asnjë propozim të ri. thjesht riprodhon idetë e avancuara nga e djathta për vite me rradhë.

Pardje presidenti amerikan Donald Trump shkarkoi nga detyra  kreun e Byrosë Federale të Hetimit, James Comey, duke e bazuar vendimin në rekomandimin e prokurorit të Përgjithshëm, Jef Sessions dhe zëvednësit tëë tij. Rod Rosenstein. Edhe në konferencën për shtyp që dha numri dy i Zyrës së Shtypit të Shtëpisë së Bardhë, Sarah Sanders, u nënvizua me forcë ky fakt; pra se shkarkimi iu rekomandua presidentit, i cili siç tha ajo “kishte nisur të humbiste besimin te Comey”. Po kështu Sanders deklaroi se Trump ishte këshilluar apo e kishte diskutuar vendimin me disa kongresmenë dhe senatorë.

Kastriot Myftaraj ka dhënë një përgjigje ndaj shkrimtarit Ismail Kadare, një letër e të cilit për ambasadoren e BE-së në Tiranë, Romana Vlahutin, u publikua një ditë më parë.